दातांची वेदना दूर करण्यासाठी
लवंगीचा सगळ्यात महत्त्वपूर्ण वापर होतो दातांची वेदना दूर करण्यासाठी! दातांमध्ये अचानक कधी कधी वेदना सुरु होतात त्यावेळी लवंगीचा वापर केल्याने आराम मिळतो. यासाठी एक कप पाण्यात लवंग चांगल्या रीतीने पाण्यात उकळवून घ्यावी आणि त्या पाण्याने गुळण्या कराव्यात. आठवड्यातून तीन ते चार वेळेस हि प्रक्रिया केल्यास दातांमधील वेदना जलद गतीने नाहीश्या होतात. त्यामुळे तुम्हाला व ओळखीच्या कोणाला अचानक कधी दातांमध्ये वेदना सुरु झाल्यास लवंगीचा हा उपचार अवश्य करून पाहावा.
(वाचा :- Healthy Summer Fruits : उन्हाळ्यात द्राक्ष खाल्ल्याने होतात ‘हे’ फायदे!)
तोंडाची दुर्गंधी
तोंडाची दुर्गंधी हा अनेकांसाठी आजही चिंतेचा विषय आहे. यामुळे त्यांना कोणासमोर मनमोकळेपणाने बोलताही येत नाही आणि समोरच्या व्यक्तीच्या मनावरही वाईट छाप पडते. मात्र अशी समस्या असल्यास लवंग यावर गुणकारी ठरू शकते. मौखिक स्वच्छतेसाठी विविध प्रकारे लवंगीचा वापर केला जातो. ज्या लोकांच्या तोंडातून दुर्गंधी येते त्यांनी लवंग कुटून ती चावायला सुरुवात करावी. काही दिवसांतच तोंडातील हि दुर्गंधी कायमची नाहीशी होईल. मात्र ज्यांना कोणता मोठा आजार असेल अशा लोकांनी डॉक्टरांचा सल्ला घेऊनच हा उपाय करावा.
(वाचा :- Types Of Cancer : कॅन्सरचे मुख्य प्रकार आणि लक्षणे याबाबत इत्यंभूत माहिती!)
तोंडात फोड येणे
सामान्यत: तोंडात फोड येण्यामागे कारणीभूत असतं साफ न झालेलं पोट! यापासून बचाव व्हावा म्हणून लोक नाना विविध उपाय करून पाहतात. मात्र कुटून बारीक केलेली लवंग १५ ते २० मिनिटे तोंडात ठेवल्याने तोंडातील फोडांच्या समस्येपासून मोठा आराम मिळतो. जे लोक तोंडातील फोडांच्या समस्येमुळे त्रस्त आहेत त्यांनी बारीक कुटलेली लवंग दिवसातून ३ ते ४ वेळा आपल्या तोंडात १५ ते २० मिनीटांसाठी ठेवावी. असं केल्याने तोंडातील फोडांच्या समस्येपासून लवकर आराम मिळतो.
(वाचा :- पायाची सूज करा दूर ‘या’ घरगुती रामबाण उपचारांनी!)
मानेचे दुखणे
तुम्हाला वाचून आश्चर्य वाटलं असेल ना? पण हे अगदी खरं आहे. मानेच्या दुखण्यावर सुद्धा लवंग खूप गुणकारी ठरते. अनेकांना रात्री चुकीच्या झोपण्याच्या स्थितीमुळे मानेचे दुखणे सहन करावे लागते पण यापासून लवंग तुमचा बचाव करू शकते. लवंगीमध्ये शारीरिक वेदना कमी करण्याची मोठी क्षमता असते. १-२ ग्लास पाण्यात १० ते १५ लवंग उकळवून या पाण्याने दुखणाऱ्या भागावर शेक द्यावा. असे केल्याने मानेच्या वेदनेपासून जलद आराम मिळतो. मात्र यापासून सुद्धा वेदना कमी झाली नाही तर मात्र डॉक्टरांचाच सल्ला घेतलेला बरा!
(वाचा :- Low Blood Pressure : मधात मिसळून खा 'ही' गोष्ट, दूर होईल रक्तदाबाची समस्या!)
पोटातील जंत मारण्यासाठी
पोटातील जंताची समस्या लहानांपासून मोठ्यांपर्यंत सगळ्यांना भोगावी लागते. या जंतांचा वेळीच बंदोबस्त केला नाही तर पोटात वेदना होतातच पण आपल्या शरीराला देखील मोठा धोका निर्माण होतो. आपली पचन क्रिया बिघडून स्थिती हाताबाहेर जाऊ शकते. जेव्हा तुम्हाला वारंवार थुंकावेसे वाटेल किंवा तोंडात जास्त थुंकी जमा होईल तेव्हा समजून जावे की पोटातील जंतांचा धोका वाढत चालला आहे. ज्या लोकांना हि समस्या आहे त्यांनी दिवसातून किमान ३ वेळा लवंगचे सेवन करावे. लवंग या जंतांना मारण्यात मोलाची भूमिका बजावते. याच कारणांमुळे अनेक तज्ञ देखील पोटांतील जंतांवर लवंग खाण्याचा सल्ला देतात.
(वाचा :- Men's Health : लसूण आणि मधाच्या सेवनाने पुरुषांना होतील हे लाभ!)