तुम्हाला माहित असेलच करोना सारखा विषाणू (Corona Virus) कशाप्रकारे शरीरातील रोगप्रतिकारक शक्ती कमी करतो. त्यामुळे या वर्षीच्या पावसात तर आपण स्वत:ची सर्वाधिक काळजी घ्यायला हवी. या ऋतूत तुम्ही इन्फेक्शन अर्थात संक्रमणापासून एका पदार्थाच्या सहाय्याने स्वत:चा बचाव करू शकता. तो पदार्थ म्हणजे जेष्ठमध होय! आज आपण या लेखात जेष्ठमधाचे पावसाळ्यात होणारे फायदे जाणून घेऊया.
पॉवर बूस्टरसारखे कार्य
असं नाही की जेष्ठमधाचे सेवन तुम्ही केवळ गरज असताना व आजारी पडल्यावर व पावसाळ्यातच करावे. तुम्ही शक्य असल्यास दरोरोज सुद्धा एका विशिष्ट प्रमाणात जेष्ठमधाचे सेवन करू शकता. जेष्ठ,मध हे आपली रोगप्रतिकार शक्ती वाढवण्यासाठी अतिशय महत्त्वपूर्ण भूमिका बजावते. म्हणूनच अनेक जाणकार आणि तज्ञ जेष्ठमधाला पावर बुस्टर सुद्धा म्हणतात. यामुळे शरीरात उर्जा आणि शक्ती टिकून राहते. तुमचे शरीर नेहमी उत्साहवर्धक राहते व विविध आजारांशी निकराने मुकाबला करू शकते.
(वाचा :- हे पदार्थ जिभेचे चोचलेही पुरवतील आणि वजन सुद्धा वाढू देणार नाहीत!)
अॅलर्जी वाढत नाही
जेष्ठमधाचे नियमित सेवन केल्याने रोगप्रतिकार क्षमता तर वाढण्याचे कारण आहे जेष्ठमधामध्ये एन्जाईम्स, जे शरीरात लिंफोसाइट्स (lymphocytes) आणि मॅक्रोफेज (macrophages) निर्माणाचे कार्य करतात. लिंफोसाइट्स आणि मॅक्रोफेज शरीराला आजारी करणाऱ्या माइक्रोब्स, पॉल्यूटेंट, अॅलर्जी आणि त्या अन्य धोकादायक पेशींच्या वाढीला रोखते जे आपल्या शरीरात ऑटोइम्यून सिस्टम संबंधित आजार निर्माण करण्यास कारणीभूत असतात. हे सगळे फायदे पाहता तुम्ही जर नियमित जेष्ठमधाचे सेवन केले तर अनेक आजारांपासून आधीच तुम्हाला सुरक्षा मिळत जाईल आणि ते आजार तुमच्या शरीराच्या आसपास सुद्धा भटकू शकणार नाहीत.
(वाचा :- धक्कादायक! कोरोनामुक्त झाल्यावर हे आजार घालतायत रुग्णांना विळखा)
गळ्याच्या इन्फेक्शनपासून बचाव
हि गोष्ट अनेक लोकांना माहित नाही पण हे खरे आहे की जेष्ठमध हे गळा, कान, डोळे आणि नाकात होणाऱ्या रोगांपासून बचाव करते. सामान्यत: आपल्याला कोणतेही संक्रमण हे श्वसन क्रियेतून किंवा गळ्याच्या माध्यमातून होते. जसे की खोकला, ताप, शिंक येणे इत्यादी संक्रमण! अशावेळी जर तुम्हाला वाटतंय कि तुम्ही कोणत्या संक्रमित व्यक्तीच्या संपर्कात आला आहात तर जेष्ठमधाचे छोटे छोटे तुकडे करून त्यावर मध लावून टॉफी सारखे ते चोखा. यामुळे गळ्यात असणारे जीवजंतू जास्त वेळ टिकणार नाहीत.
(वाचा :- अस्वच्छतेमुळे जडतो ‘हा’ गंभीर आजार, जाणून घ्या याची लक्षणे आणि उपचार!)
खोकला आणि ताप यापासून बचाव
अचानक येणाऱ्या तापासून बचाव म्हणून सुद्धा जेष्ठमध एक रामबाण उपाय म्हणून सिद्ध झाला आहे. शिवाय जेष्ठमध हे खोकल्यावर अतिशय गुणकारी असते. खासकरून ओल्या खोकल्यावर जास्त प्रभावशाली ठरते. ओला खोकला म्हणजे असा खोकला ज्यात खोकतान कफ येतो. या खोकल्यामध्ये जेष्ठमध हे मधासोबत चाटावे. तुम्ही एका छोट्या चमच्यामध्ये अर्धा चमचा जेष्ठमध घ्या आणू त्यात एक चमचा मध मिसळा. हे मिश्रण हळूहळू चाटा. दिवसाटून किमान तीन वेळा तरी या मिश्रणाचे सेवन करावे. तुम्हाला लगेच लाभ दिसून येईल.
(वाचा :- ऑक्सफर्डची लस करोना विषाणूला रोखण्यासोबतच देते आहे अजून एक फायदा!)
अस्थमासारख्या रोगावर गुणकारी
जेष्ठमधाचे नियमित सेवन अस्थमा सारख्या गंभीर आजारांना सुद्धा नियंत्रित ठेवते. कारण यामध्ये कफोत्सारक (Expectorant) गुण असतात. हे शरीराच्या वायू मार्गात कफाच्या उत्सर्जनाचे संतुलन नियंत्रित राखण्याचे काम करतात. याच्या सेवनामुळे ब्रोंकाइटिस (Bronchitis), गळ्यात सूज आणि अस्थमा सारख्या रोगांपासून बचाव होतो. याशिवाय जेष्ठमध हे हृदयाच्या रोगांपासून सुरक्षा देते, शिवाय डायजेशन प्रक्रिया सुधारते. त्यामुळेच मंडळी जर तुम्हाला तुमचे शरीर अगदी तंदुरुस्त राखायचे असले तर आवर्जून जेष्ठमधाचे सेवन करा. हा लेख इतरांसोबत सुद्धा शेअर करा आणि त्यांना सुद्धा जेष्ठमधाचे फायदे पटवून उत्तम आरोग्यासाठी जेष्ठमध सेवन करण्याचा सल्ला द्या.
(वाचा :- ऐन करोना संक्रमणात चुकीच्या पद्धतीने श्वासोच्छवास करणं पडू शकतं महागात, का व कसं जाणून घ्या!)