घरगुती मास्क रोज कसा स्वच्छ करावा?

नवी दिल्ली:
साध्या घरगुती वस्तुंच्या सहाय्याने संरक्षित मास्क बनवता येऊ शकतो. मात्र, जागतिक आरोग्य संघटनेच्या म्हणण्यानुसार, मास्क तेव्हाच प्रभावी ठरतात, जेव्हा मास्कसह स्वच्छतेच्या इतर गोष्टीही आपण करतो. तुमच्या DIY (Do it yourself) मास्कची स्वच्छता राखणे खूप गरजेचे आहे. दररोज हा घरगुती मास्क धुणे अत्यावश्यक आहे.

डिस्पोजेबल मास्क एकदा वापरल्यानंतर त्याची विल्हेवाट लावायची असते. मात्र हँडमेड मास्क स्वच्छ करून पुन्हा वापरता येतात.

घरगुती किंवा हँडमेड मास्क कसे स्वच्छ करायचे -

पर्याय १ - साबण आणि गरम पाण्याने मास्क धुवा आणि उन्हात किमान ५ तास वाळत ठेवा.

पर्याय २ - जर घरात ऊन येत नसेल तर प्रेशर कुकरमध्ये पाणी ठेवून त्यात मास्क ठेवून तो किमान १० मिनिटे उकळवा आणि नंतर सुकवा. या पाण्यात तुम्ही मीठही घालू शकता. प्रेशर कुकर नसेल तर पाणी गरम करत ठेवा आणि त्यात मास्क १५ मिनिटे उकळवा.

पर्याय ३ - प्रेशर कुकर, गरम पाणी असे कोणतेही पर्याय तुमच्याकडे नसतील तर मास्क साबण आणि पाण्याने धुवा आणि पाच मिनिटे गरम करा. इस्त्रीचा वापर तुम्ही करू शकता.

(स्रोत: भारताच्या मुख्य वैज्ञानिक सल्लागारांचं कार्यालय.)