करिअरची सुरुवात
सिनेरसिक आणि तरुणाईमध्ये साजिद-वाजिद यांची जोडी अतिशय लोकप्रिय आहे. सुप्रसिद्ध संगीतकार साजिद-वाजिदच्या जोडीनं बॉलिवूडमधील कित्येक चित्रपटांना हिट संगीत दिले आहे. 'प्यार किया तो डरना क्या' (Pyar Kiya To Darna Kya) या सिनेमापासून साजिद - वाजिदनं आपल्या करिअरची सुरुवात केली होती. यानंतर या भावांनी बॉलिवूड इंडस्ट्रीमध्ये कित्येक सुपरहिट गाणी देऊन स्वतःचं वेगळं स्थान निर्माण केलं. त्यांच्या गाण्यांची तरुण मंडळीमध्ये अतिशय क्रेझ पाहायला मिळते.
(Covid-19: तुमच्या कुटुंबात ज्येष्ठ सदस्य आहेत? त्यांना करोनापासून दूर ठेवण्यासाठी 'ही' घ्या काळजी)
निधनामागील कारण
गेल्या बऱ्याच दिवसांपासून वाजिद खान किडनीच्या आजारामुळे त्रस्त होते. दुसरीकडे सूत्रांनी दिलेल्या माहितीनुसार वाजिद खान यांना करोना व्हायरसचा संसर्ग झाला होता. पण करोनाच्या आजारातून त्यांची प्रकृती ठीक देखील झाली होती. यानंतर त्यांना घशाचा संसर्ग झाला. यामुळे प्रकृतीत बिघाड होऊ लागल्यानं वाजिद यांना तातडीनं पुन्हा हॉस्पिटलमध्ये दाखल करण्यात आलं. मिळालेल्या माहितीनुसार त्यांच्या किडनीचं प्रचंड नुकसान झाल्याचंही म्हटलं जात आहे.
( महिलांच्या तुलनेत पुरुषांना करोनाचा जास्त धोका, आहारात करा या ६ गोष्टींचा समावेश)
करोनामुळे शरीरावर होणारे दुष्परिणाम
करोना व्हायरसमुळे आपल्या किडनी, यकृत आणि हृदयावर गंभीर स्वरुपात दुष्परिणाम होतात, असे तज्ज्ञांचं म्हणणं आहे. ज्या लोकांना आधीपासूनच मधुमेह, यकृत, किडनी किंवा हृदयविकार आहेत, त्यांना करोनाची लागण होण्याचा सर्वाधिक धोका आहे. करोनामुळे रुग्णांच्या शरीरावर गंभीर परिणाम होतात. करोनापासून स्वतःचे संरक्षण करण्यासाठी स्वच्छता तसंच सोशल डिस्टन्सिंगच्या नियमांचं पालन करणं आवश्यक आहे.
(New Symptoms Of Coronavirus : चीनमध्ये करोनाचा पुन्हा फैलाव, नवीन लक्षणे अधिक गंभीर)
करोनामुळे किडनीवर होतो परिणाम
- करोनाच्या रुग्णांमध्ये हृदयविकाराच्या झटक्याप्रमाणेही लक्षणे दिसत आहेत.
-करोना व्हायरसनं माणसाच्या शरीरामध्ये प्रवेश केल्यानंतर सर्व प्रथम रेस्पिरेटरी सिस्टम म्हणजे श्वसन यंत्रणेवर हल्ला होतो. यामुळे रुग्णामध्ये घशाशी संबंधित समस्येसह श्वास घेण्याच्या तक्रारी देखील उद्भवतात.
- अशातच शरीरामध्ये ऑक्सिजनचा पुरवठा कमी होऊ लागतो. ज्यामुळे फुफ्फुसांवर अधिक दबाव येतो. श्वास गुदमरू लागल्यानं मृत्यू देखील ओढावण्याची भीती असते.
- याव्यतिरिक्त करोनामुळे किडनीचेही प्रचंड नुकसान होतं. करोना व्हायरसमुळे आपल्या महत्त्वाच्या अवयवांवर वाईट परिणाम होतो.
(प्राणघातक करोनाला दूर ठेवायचंय? मग या ५० गोष्टींकडे दुर्लक्ष करण्याची चूक करू नका)
ही लक्षणे देखील आढळत आहेत
- किडनीमध्ये प्रवेश केल्यानंतर करोना व्हायरस किडनीच्या कार्यामध्ये अडचणी निर्माण करतो. आपल्या शरीरासाठी किडनी नैसर्गिक फिल्टरच्या स्वरुपात काम करते. शरीरातील विषारी द्रवपदार्थ बाहेर फेकण्याचे महत्त्वपूर्ण काम किडनी करते.
- पचन प्रक्रिया आणि दुसऱ्या क्रियांदरम्यान विषारी पदार्थ आणि गॅस शरीरामध्ये उत्पन्न होतात. हे घातक घटक शरीराबाहेर फेकले न गेल्यास आरोग्यास अपाय होऊ शकतो.
- परिणामी आपल्या किडनीवर अतिरिक्त दबाव येतो.
(तुमच्या 'या' सवयींमुळे किडनीचं आरोग्य येऊ शकतं धोक्यात, चुका करणं टाळा)