चिंतेची बाब म्हणजे त्याची कोणतीही ट्रॅवेलिंग हिस्ट्री नाही. त्याच्या संपर्कात आलेल्यांची ओळख पटवली जात आहे. एलएनजेपी रुग्णालयाचे संचालक सुरेश कुमार यांनी सांगितले की, रुग्णाला वेगळे (isolation) ठेवण्यात आले असून त्याची प्रकृती स्थिर आहे. तो हळू हळू रिकव्हर होत आहे. हा डीएनए विषाणू असून तो कांजण्यासारखाच आहे. संक्रमण रोखण्यासाठी आपल्याला फेस मास्क घालावा लागेल, सोशल डिस्टंसिंग ठेवावे लागेल.
रूग्णात दिसून आली ही लक्षणे
वृत्तसंस्था एएनआयने एलएनजेपी रुग्णालयाचे संचालक सुरेश कुमार यांच्या वतीने सांगितले की, रुग्णामध्ये ताप आणि त्वचेवर पुरळ यांसारखी लक्षणे दिसून आली आहेत. त्याला निरीक्षणाखाली ठेवण्यात आले आहे. त्याचे रिपोर्ट पुण्याला पाठवण्यात आले असून अहवालात तो मंकीपॉक्सचा बळी असल्याचे निष्पन्न झाले आहे. त्याच्यावर एसओपीनुसार उपचार सुरू आहेत.
मंकीपॉक्स काय आहे?
मंकीपॉक्स विषाणू संक्रमित प्राण्यांपासून अप्रत्यक्ष किंवा प्रत्यक्ष संपर्काद्वारे मानवांमध्ये पसरतो. संसर्गजन्य माणसापासून माणसापर्यंत हा आजार पसरू शकतो. त्वचेच्या किंवा जखमांच्या थेट संपर्कात आल्याने हे संक्रमण होऊ शकते. समोरा समोर, त्वचेच्या संपर्कात येणं, लाळ किंवा थुंकीचे थेंब यामुळे संसर्ग होऊ शकतो.
मंकीपॉक्स कसा पसरत आहे?
आतापर्यंतच्या प्रकरणांमध्ये असे दिसून आले आहे की मंकीपॉक्स प्रामुख्याने लैंगिक संबंध ठेवल्याने होतो, यात यौन संपर्काचा देखील समावेश आहे. लिनेन, अंथरूण, इलेक्ट्रॉनिक्स, कपडे यांसारख्या दूषित वस्तूंपासून ज्यामध्ये त्वचेचे संसर्गजन्य कण असतात त्यामधून देखील संसर्ग होऊ शकतो.
(वाचा :- जर तुम्ही अंडी खाणं पूर्णपणे बंद केलं तर काय परिणाम होतील? जाणून घ्या काय म्हणतं विज्ञान..!)
मंकीपॉक्स ग्लोबल हेल्थ एमरजेंसी घोषित
जागतिक स्तरावर, 75 देशांमध्ये मंकीपॉक्सची 16,000 हून अधिक प्रकरणे नोंदवली गेली आहेत. देशात या आजाराच्या रुग्णांची संख्या चार झाली आहे. दरम्यान, जागतिक आरोग्य संघटनेने (WHO) मंकीपॉक्सला जागतिक आरोग्य आणीबाणी (global health emergency) म्हणून घोषित केले आहे.
मंकीपॉक्सची लक्षणे
सेंटर्स फॉर डिसीज अँड कंट्रोल प्रिव्हेन्शन (CDC) नुसार, मानवांमध्ये मंकीपॉक्सची लक्षणे ही कांजण्यांच्या लक्षणांसारखीच असतात परंतु सौम्य असतात. ताप, डोकेदुखी, स्नायूदुखी आणि थकवा हा संसर्ग झाल्यानंतर 7 ते 14 दिवसांनी सुरू होतात. सामान्य लक्षणांमध्ये ताप, थंडी वाजून येणे, डोकेदुखी, स्नायू दुखणे, थकवा येणे आणि लसिका ग्रंथी सुजणे यांचा समावेश होतो.
(वाचा :- दररोज ‘हे’ एक काम करून 80 किलोच्या मुलाने घटवलं तब्बल 20 किलो वजन, बदललेला लुक पाहून व्हाल हैराण..!)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.
मंकीपॉक्सच्या रूग्णांत दिसली ही लक्षणे..!
Delhi | The person was admitted 2 days ago. He had fever & skin rash.We kept him under observation. Later his samples were sent to Pune & today we received the report in which he was found positive for Monkeypox. He's being treated as per SoP: Suresh Kumar,Director, LNJP Hospital pic.twitter.com/uc4PM2TNzc
— ANI (@ANI) July 24, 2022