काळजी ‘डायबेटिक फूट’ची

ऑफिसमध्ये बरेच तास एका जागी बसून काम करून, जंक फूड आणि बदललेली जीवनशैली ही टाइप-२ डायबेटिसची प्रमुख कारणं असल्याचं समोर आलं आहे. रक्तातली साखर कमी झाल्याने मज्जातंतूचं नुकसान होऊन मज्जासंस्थेला हानी पोहोचते. हे घडतं तेव्हा पायाच्या नसा आक्रसल्या जातात; कारण पायापर्यंत रक्ताभिसरण व्यवस्थित पोहोचू शकत नाही. डायबेटिक फूट या आजाराची माहिती नसल्याने भारतात ५० हजार पेशंटचे पाय कापावे लागतात.

रक्तातली साखर कमी झाल्यावर पायाची जखम चिघळून ती भरण्यास वेळ लागतो. आपण कुठल्या प्रकारच्या चपला वापरता यावरही डायबेटिस अवलंबून आहे. डायबेटिस असणाऱ्यांनी विशेष पद्धतीने बनवलेल्या चपला वापरून आपल्या पायाची काळजी घेणं आवश्यक आहे.

काळजी कशी घ्यावी?

> डायबेटिस असल्यास डॉक्टरांशी सल्लामसलत करून मेडिकेटेड चपला वापरा.

> नवीन चपला घ्यायच्या असल्यास आधी पाय मोकळे करा आणि मगच खरेदी करा.

> घट्ट चपलांमुळे पायाला जखम होण्याची शक्यता असते. यासाठी चपला हवेशीर व घाम नाही येणार अशा निवडाव्यात.

> बाहेरून घरी आल्यावर पाय स्वच्छ धुवा. बाहेरची धूळ, माती पायाला चिटकून त्वचा अधिक रखरखीत होते. त्यामुळे अॅलर्जी होण्याची शक्यता असते.

> दररोज धुतलेले मोजे वापरा. त्यामुळे पायांना घाम व धूळ लागणार नाही.

> पाय ओले न ठेवता नीट पुसा.

> कोरड्या त्वचेला भेगा पडण्याची शक्यता अधिक असते. पायांना नियमितपणे क्रीम लावा.

> खूप वेळ एका ठिकाणी उभे राहू नका. पायांची सतत हालचाल करा.

> धूम्रपान टाळा. धूम्रपानामुळे रक्ताभिसरणाच्या प्रक्रियेमध्ये अडसर होतो.

- टीम मटा