मंकीपॉक्सने भारतात अजून पाय पसरले नसले तरी खूप खबरदारी बाळगण्याचा इशारा WHO ने दिला आहे. हे झाले दोन भयंकर आजार. पण या दोन आजारांच्यामध्ये सुद्धा अनेक लहान सहान आजार एन्ट्री घेत आहेत आणि त्या आजारांची तीव्रता सुद्धा काळजात धडकी भरवणारी आहे. त्यापैकी टोमेटो फिव्हर (tomato fever) हा आजार वेगाने पसरत असल्याची बातमी आहे. याशिवाय स्वाईन फ्ल्यू (swine flu), मलेरिया (malaria) आणि डेंग्यूचा (dengue) कहर देखील वाढत चालला आहे. पावसाळ्यात इम्युनिटी कमजोर असल्याने जीवाचा धोका वाढलेला असतो. या लेखातून आपण जाणून घेऊया कोणते आजार आपल्या मानगुटीवर आहेत आणि त्यांच्यापासून आपण रक्षण कसे करू शकतो?
कोविड-19
कोविड-19 म्हणजेच कोरोना विषाणूचा धोका आज 3 वर्षांनंतर सुद्धा संपलेला नाही आणि ही चिंतेची गोष्ट आहे. सध्या कोरोनची लाट नाही पण आजही देशात कोरोनामुळे मृत्यू होत आहेत ही गोष्ट आपण या आजाराला आजही सिरीयसली घ्यायला हवे हे सांगण्यास पुरेशी आहे. जर तुम्हाला ताप, खोकला, थकवा, गळ्यात खवखव, डोकेदुखी, अंगदुखी, जुलाब, डोळे लाल होणे किंवा डोळ्यांना खाज येणे ही लक्षणे दिसत असतील तर लवकरात लवकर स्वत:ची टेस्ट करून घ्या.
मंकीपॉक्स
मंकीपॉक्सचा प्रभाव संबंध दुनियेभर वाढत चालला आहे आणि भारतात सुद्धा मंकीपॉक्सने एन्ट्री घेतली आहे. त्यामुळेच या आजारामुळे सरकारच्या डोकेदुखीत अधिक भर पडली आहे. मंकीपॉक्सची काही लक्षणे तुम्हाला माहित असायला हवीत म्हणजे ती दिसली की तुम्ही त्वरित उपचार घेऊ शकता. या लक्षणांमध्ये ताप, थंडी वाजणे, खोकला, डोकेदुखी, शरीरात प्रचंड वेदना, नाक सुजणे, थंडी वाजणे आणि शरीरावर पुरळ उठणे यांचा समावेश आहे. या आजाराचा वाढत प्रभाव पाहून WHO ने मंकीपॉक्स आजाराला जागतिक महामारी (global health emergency) म्हणून घोषित केले आहे.
टोमॅटो फिव्हर
केरळमध्ये मंकीपॉक्सच्यास सुद्धा आधी टोमॅटो फिव्हर आढळला होता. लहान मुलांमध्ये हा आजार अधिक सक्रीय असल्याचे दिसून आले होते. हळूहळू या आजाराने मध्यंतरी एवढे डोके वर काढले की आता भारतात टोमॅटो फिव्हरची साथ येते की काय याची भीती सगळ्यांना वाटत होती. पण वेळीच हा आजार नियंत्रणात आला आहे. हा आजार हात, पाय आणि तोंडाचा आजार म्हणून ओळखला जातो. पण तरी जर तुम्हाला डिहायड्रेशन, शरीरावर लाल रंगाचे चट्टे, त्वचेची समस्या, ताप , थकवा ही लक्षणे दिसत असतील तर तुम्ही त्वरित डॉक्टरांचा सल्ला घेतला पाहिजे. या आजारात शरीरावर लाल चट्टे येत असल्यानेच या आजाराला टोमॅटो फिव्हर म्हटले जाते.
जपानी फिव्हर
जपानी इंसेफेलाइटिस एक असे संक्रमण आहे जे माणसांना मच्छरपासून होऊ शकते. मस्तिष्कचे हे संक्रमण मच्छरांपासून डुकरांपर्यंत आणि त्यांच्यापासून माणसांपर्यंत पोहचू शकते. या आजारात सहसा डोकेदुखी, खूप ताप, चक्कर येणे, बेशुद्ध होणे, अंग थरथरणे, भ्रमदायक स्थिती निर्माण होते ही लक्षणे रूग्णामध्ये आढळतात. भारतात सध्या जपानी फिव्हरचे प्रमाण वेगाने वाढत आहे. दरवर्षी पावसाळ्यात हा आजार तीव्र स्वरूप धारण करतो. 2022 मध्ये आतापर्यंत जापानी इंसेफेलाइटिसमुळे 32 लोकांचा मृत्यू झाला आहे.
डेंग्यू
डेंग्यू हा आजार आजही आपल्याकडे सामान्य समजण्याची चूक केली जाते. पण हा आजार या वरील चार आजारांएवढाच गंभीर आहे हे प्रत्येकाने लक्षात घेतले पाहिजे. डेंग्यूच्या मच्छरांपासून होणारा हा आजार पावसाळ्यामध्ये तर खूप जास्त जोर पकडतो. एडिस इजिप्ती डासाच्या संक्रमित चाव्याव्दारे त्याचा प्रसार होतो. हा आजार जीवघेणा असून वेळीच उपचार झाले नाही तर रूग्णाचा मृत्यू होऊ शकतो. खूप ताप, सर्दी, सांधेसुखी, प्रचंड सहन न होणारी डोकेदुखी, शरीरात वेदना, मळमळ, उलट्या, तोंडात जखमा होणे ही डेंग्यूची काही प्राथमिक लक्षणे आहेत. महाराष्ट्र, तेलंगाना आणि कर्नाटकमध्ये डेंग्यूचे प्रमाण झपाट्याने वाढते आहे. त्यामुळे काळजी घ्या आणि सुरक्षित राहा.