जर्नल ऑफ ऑस्टियोपॅथिक मेडिसिन अनुसार, पुरूषांमध्ये 40 इंच (102 सेमी) आणि महिलांमध्ये 35 इंच (88 सेमी) पेक्षा जास्त कंबरचे माप असल्यास त्याला लठ्ठपणा म्हटले जाते. अशावेळी जीवनशैली आणि खाण्यापिण्यात योग्य बदल केल्यास पोटाची चरबी कमी करता येते. सर्टिफाइड डाएटिशियन आणि न्यूट्रिशनिस्ट निकिता तनवर यांनी पोटाची चरबी कमी करण्यासाठी काही खास टिप्स शेअर केल्या आहेत. त्यांनी आपल्या इंस्टा पोस्टमध्ये लिहिले आहे की जर तुम्हाला कंबरेच्या आसपास असणारी चरबी कमी करायची असेल तर या टिप्स खूप महत्त्वपूर्ण ठरतील.
कोर मसल्स मजबूत करणारे व्यायाम
कोरचे स्नायू हे पोटाच्या आसपास असतात आणि यात पोटातील स्नायू आणि पाठीतील स्नायू दोघांचा समावेश असतो. एक प्रभावी कोर कार्डीओ आणि अन्य चांगल्या एक्टीव्हीटीज दरम्यान शरीराला इजा होण्यापासून वाचवण्यासाठी सपोर्ट करण्याचे काम करतात. जेव्हा कोणी व्यक्ती पोटाची चरबी कमी करतो तेव्हा कोर स्नायूंचे निर्माण पोट दिसण्यासाठी आणि टोन्ड वाटण्यासाठी मदत करते.
नियमित आणि कमी कॅलरीजचे सेवन
जर तुम्ही 1-2 पाउंड किंवा 0.5-1 किलो वेट लॉस करू इच्छित असाल तर आपल्या दैनिक आहारात 500-1000 पर्यंत कॅलरीजची मात्रा कमी करा. लक्षात ठेवा की कॅलरी पूर्णपणे तुमच्या आहारातून हटवू नका कारण असे केल्याने तुमची वेटलॉस प्लानिंग पूर्णपणे खराब होऊ शकते. म्हणून हे महत्त्वपूर्ण आहे की तुम्ही तुमच्या कॅलरीचे सेवन अधिक किंवा अधिक जास्त वेळ मर्यादित करू नका. कारण शरीराला काही प्रमाणात कॅलरीची आवश्यकता असते. फक्त जास्त कॅलरीज धोकादायक ठरू शकतात.
प्रोटीनयुक्त भोजन
उच्च प्रोटीन आहार तुमचा मेटाबॉलिज्म स्तर वाढवण्यास मदत करतो. यामुळे भूक कमी होते आणि वेटलॉसच्या वेळेस स्नायू कायम राखण्यास तुम्हाला मदत मिळते. प्रोटीन हे पोटाच्या खालील भागाशी निगडीत लठ्ठपणाच्या स्तराशी सुद्धा निगडीत असते. अशावेळी पर्याप्त प्रमाणात प्रोटीनयुक्त आहार घेतल्याने पोटात जमा असणारे अधिकचे फॅट कमी करण्यास मदत मिळते.
(वाचा :- कॅन्सर, हार्ट अटॅक, कोलेस्ट्रॉल, खराब पाचन यासारख्या भयंकर आजारांचा धोका कमी करते हे 1 फळ, खा व प्रोटेक्ट व्हा)
केवळ डाएटच नाही तर हेही करा
एक लक्षात ठेवा की पोटाची चरबी कमी करण्यासाठी केवळ डाएट उपयोगाचे नाही. तुमचा अधिकाधिक फोकस हा व्यायाम करण्यावर सुद्धा असला पाहिजे. तुम्ही केवळ डाएट फॉलो केले आणि व्यायाम केलाच नाही तर तुम्हाला अपेक्षित परिणाम दिसणार नाहीत. तुम्ही फक्त व्यायाम केला पण डाएट फॉलो केले नाही तरी सुद्धा तुम्हाला हवी ती बॉडी शेप मिळणार नाही. या दोन्ही गोष्टी एकमेकांशी पूरक आहेत आणि त्यामुळे केवळ डाएट न करता व्यायामावर सुद्धा भर द्या.
हेल्दी फॅटने दिवसाची सुरुवात
न्यूट्रीनिस्ट हेल्दी फॅट खाण्याचा सल्ला देतात. असे म्हणतात की एका संतुलित आहारामध्ये स्वस्थ मोनोअनसॅच्युरेटेड आणि पॉलीअनसॅच्युरेटेड फॅट असलंच पाहिजे. या फॅटी अॅसिडच्या काही संपन्न स्त्रोतांमध्ये अव्हाकॅडो, मोहरीचे तेल, नट्स, आणि मासे यांचा समावेश असतो. याची सुद्धा खात्री करून घेतली पाहिजे की आहारात आहारामध्ये सॅच्युरेटेड फॅटच्या एकूण प्रमाणाला एकूण कॅलरीच्या 10% च सीमित ठेवावे.
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.