वेट लॉससाठी रोज सकाळी करा ही ५ कामे, महिन्याभरात २ किलोपेक्षाही जास्त वजन होईल कमी

वाढलेल्या वजनाची समस्या कमी करण्यासाठी सर्वात आधी तुम्ही काही आरोग्यदायी गोष्टींचं नियमित स्वरुपात पालन करायला हवे. सकाळी उठल्यानंतर फ्रेश व्हा आणि कमीत कमी अर्धा लिटर पाणी प्या. पाणी प्यायल्यानं तुमचे पोट पूर्णतः स्वच्छ होण्यास मदत मिळते. शरीर डिटॉक्स करण्याचा हा नैसर्गिक उपाय आहे. याव्यतिरिक्त शरीरामध्ये विशेष प्रकारचे हानिकारक एंझाइममुळे वजन वाढीचा धोका देखील कित्येक पटीनं कमी होतो. साध्या पाण्याऐवजी तुम्ही गरम पाणी प्यायलं तर यामुळे आरोग्याला जास्त फायदे मिळतील.

(Weight Loss Story ६ महिन्यांत ५१ किलो वजन घटवून तिनं मॉडेलिंगमध्ये केलं करिअर)

वजन घटवण्यासाठी या घरगुती रामबाण उपायाची सर्वाधिक मदत घेतली जाते. पाण्यामध्ये जिरे उकळून घ्या. यानंतर एका ग्लासमध्ये पाणी गाळून घ्या आणि प्या. महिनाभर तुम्ही हा उपाय केल्यास शरीरामध्ये सकारात्मक बदल तुम्हाला अनुभवायला मिळतील. कित्येक लोकांना हा घरगुती उपाय करून ४ ते ५ किलोग्रॅम वजन घटवले आहे.जिऱ्याची चव आवडत नसल्यास तुम्ही लिंबू आणि मिठाच्या पाण्याचेही सेवन करू शकता. या वेट लॉस ड्रिंकमुळेही शरीरातील अतिरिक्त चरबी घटण्यास मदत मिळते.

(Weight Loss: १० दिवस प्या लवंगचे पाणी, कमी होईल कमरेवरील चरबी)

नियमित व्यायाम केल्यास संपूर्ण शरीराला फायदा होतो. फिट राहण्यासाठी व्यायाम, योगासने, चालणे इत्यादी तुम्हाला जे व्यायाम प्रकार करणे शक्य आहेत ते करावे. व्यायामामुळे शरीर लवचिक तसंच हलके होते. व्यायामामुळे शरीराचे स्नायू मजबूत होतात. याव्यतिरिक्त शरीरामध्ये वाढलेली चरबी कमी होण्यासाठीही भरपूर मदत मिळते. वजन कमी करण्यासाठी दिवसातून दोन वेळा व्यायाम करा. घरामध्येही तुम्ही सोपे व्यायाम प्रकार करून शरीर सुदृढ ठेवू शकता.

(Weight Loss Tips वजन कमी करण्यासाठी या डाळी आहेत सर्वाधिक फायदेशीर)

वजन कमी करण्यासाठी व्यायामासोबतच पोषक आहाराचे सेवन करणे हे देखील महत्त्वाचे असते. यासाठी खाण्यापिण्याच्या सवयींवर नियंत्रण ठेवा. तसंच वजन वाढेल अशा पदार्थांचे सेवन करणे टाळा. केळी, साखरयुक्त पदार्थ, कार्बोहायड्रेट असणाऱ्या पदार्थांचं सेवन करणे टाळा. याऐवजी आहारामध्ये पालेभाज्या, फळभाज्या, व्हिटॅमिन सी युक्त खाद्यपदार्थांचा समावेश करावा. उकडलेले बटाटे, उकडलेल्या हिरव्या भाज्यांचे सेवन करा. यामुळे शरीरातील अतिरिक्त चरबी लवकर घटू शकते.

(Eating Tips रिकाम्या पोटी या गोष्टींचं सेवन केलं तर तुम्हाला होईल खूप पश्चाताप)

नॅशनल सेंटर फॉर बायोटेक्नोलॉजी इंफॉर्मेशनने वजन वाढणे आणि झोप यावर संशोधन केले. संशोधनातील माहितीनुसार, जी लोक कमी तास झोपतात किंवा वयानुसार पुरेशी झोप घेत नाहीत अशा व्यक्तींचे वजन वाढण्याची शक्यता जास्त असते. अपुऱ्या झोपेमुळे पचन प्रक्रियेवर वाईट परिणाम होतो. यामुळे शरीरामध्ये विषारी पदार्थ जमा होऊ लागतात. ज्यामुळे वजन वाढू लागते. वजन नियंत्रणात ठेवण्यासाठी नियमित सात ते आठ तासांची झोप घेणे आवश्यक आहे.

(करोनाला हरवण्यासाठी तुमच्या शरीराला या २ घटकांचा पुरवठा होणे गरजेचं)

अपुऱ्या झोपेमुळे शारीरिक तसंच मानसिक समस्याही निर्माण होतात. झोप पूर्ण न झाल्यास दिवसभरातील तुमच्या कित्येक महत्त्वाच्या कामांवर परिणाम होतो. पण शारीरिक नुकसान होऊ नये, यासाठी आपल्या आहारामध्ये कोणताही बदल करण्यापूर्वी तज्ज्ञांचा सल्ला घ्या.

(Weight Loss Tips वजन कमी करायचंय? पहाटेपासून ते रात्रीपर्यंत फॉलो करा या १० गोष्टी)