आम्लपित्तावर उपाय काय?

आम्लपित्ताच्या तक्रारी असणाऱ्यांची संख्या दिवसागणिक वाढत आहे. यामागचं मुख्य कारण म्हणजे अपचन.

'मी ६२ वर्षीय गृहस्थ आहे. सध्या मला खूप दमल्यासारखं वाटतं. मला आम्लपित्ताचा खूप त्रास होतो. मी अनेकदा टिव्ही बघता-बघता जेवतो. तसंच मला खूप भरभर खाण्याची सवय आहे. अशी ही अस्वस्थ करणारी लक्षणं टाळण्यासाठी काय करावं आणि माझी काम करण्याची ऊर्जा कशाने अधिक वाढेल?', अशा प्रकारची तक्रार घेऊन साधारणपणे ७०% मंडळी माझ्याकडे येतात. आम्लपित्ताच्या तक्रारी असणाऱ्यांची संख्या दिवसागणिक वाढत आहे. यामागचं मुख्य कारण म्हणजे अपचन. तुमच्या खाण्याच्या सवयींवर तुमची पचनक्रिया अवलंबून असते. जर तुम्ही खालेलं अन्न योग्यप्रकारे पचत असेल तर तुम्ही निरोगी आहात, हे सरळ साधं समीकरण आहे. यासाठी शांत वातावरणात जेवणं आवश्यक आहे. तुम्हाला ज्या काही समस्या भेडसावत असतील तर त्या काही काळासाठी बाजून ठेवून जेवण खा.

तुम्हाला जर भरभर खाण्याची सवय असेल तर तुम्ही सावकाश खाण्याची सवय लावली पाहिजे. तुम्ही कोणत्या वातवरणात खाता, खातानाची तुमची मानसिक स्थिती आणि जेवताना तुम्ही कोणत्या विषयावर संवाद साधता या बाजूही महत्त्वाच्या भूमिका बजावतात. अनेकांना टिव्ही बघता-बघता किंवा काही वाचता-वाचता खाण्याची सवय असते. योग्य प्रकारे अन्न सेवन करणं हे आपल्या आरोग्यासाठी अत्यंत गरजेचं असतं.

नमिता जैन क्लिनिकल एक्सरसाइज, लाइफस्टाइल अॅण्ड वेट मॅनेजमेण्ट एक्सपर्ट