स्क्रिनिंग महत्त्वाचे
प्रयोगशाळेत केल्या जाणा-या चाचण्या या विशिष्ट रोग किंवा स्थितीचे निदान किंवा तपासणी करण्यात मदत करू शकतात. स्क्रिनिंगमुळे लक्षणे दिसण्यापूर्वीच रोगाविषयी माहिती मिळण्यास मदत होते. इतर चाचण्यांमुळे एखाद्या तज्ज्ञाला एखाद्या आजाराचे निरीक्षण करता येईल किंवा रुग्णावर उपचार चालू आहे की नाही हे पाहावे लागेल. प्रयोगशाळेतील चाचणी देखील एखाद्या अवयव आणि शरीरातील व्याधीबद्दल आवश्यक असलेली माहिती देऊ शकते. परंतु, चाचणीसाठी जाण्यापूर्वी, तुम्हाला काही महत्त्वाच्या टिप्सचे पालन करावे लागेल.
शंका विचारून घ्या
तुमच्या डॉक्टरांशी केलेल्या चाचणीबाबत तुमच्या सर्व शंका दूर करण्याचा प्रयत्न करा. डॉक्टरांच्या सल्ल्यानुसार चाचणीपूर्वी काही ठराविक तासापर्यंत अन्नाचे सेवन न करणे आदींचे पालन करा जेणेकरुन अचूक निदानात मदत होईल.
(वाचा - योनिमार्गातील कोरडेपणा कसा दूर कराल? कशी घेता येईल काळजी तज्ज्ञांकडून मार्गदर्शन)
काहीही खाऊ नये
वैद्यकीय रक्त तपासणीपूर्वी तुम्ही काहीही खाणे टाळावे. तसेच चाचणीस जाण्यापूर्वी चरबीयुक्त आणि तळलेले अन्नपदार्थ खाणे टाळा तसेच 1-2 दिवस आधी अल्कोहोलचे सेवन टाळा. चाचणीपूर्वी धूम्रपान करू नका.
वेळेत चाचणीसाठी जा
दिवसाच्या वेळेनुसार एन्झाइम आणि संप्रेरक पातळी बदलू शकतात, जोपर्यंत तुमचे डॉक्टर तुम्हाला विशिष्ट वेळी जाण्यास सांगत नाहीत तोपर्यंत सकाळी 10:00 वाजता चाचणीसाठी जाण्याचा प्रयत्न करा.
(वाचा - Weight Loss: वजन कमी करण्यासाठी सत्तूचे ड्रिंक ठरेल वरदान, डायबिटीस रूग्णांसाठीही फायदेशीर)
तणावमुक्त राहा
कोणत्याही चाचण्या निवडण्यापूर्वी कोणतेही कठोर शारीरिक परिश्रम करू नका आणि तणावमुक्त रहा. चाचणीपूर्व 10-15 मिनिटे शांत बसणे आणि आराम करणे आवश्यक आहे. शिवाय, चाचणीनंतरही, तुम्हाला पुरेसे पाणी पिण्याची आणि अस्वस्थता निर्माण करणा-या शारीरीक क्रिया करणे टाळा.
औषधाबाबत डॉक्टर्सना पूर्ण माहिती द्या
तुम्ही कोणतेही औषध घेत असाल तर डॉक्टरांना न चुकता कळवा. मसाज थेरपी किंवा फिजिओथेरपी नंतर रक्त तपासणी करु नका. आवश्यक जीवनसत्त्वे आणि पूरक आहाराबाबत तुमच्या डॉक्टरांशी चर्चा करा.
लॅबमध्ये तपासणीला जाण्यापूर्वी या गोष्टी नक्की पाळा आणि काळजी घ्या. यामुळे तुमची चाचणी योग्य पद्धतीने होऊ शकते.
अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com