वेदास क्योरचे संस्थापक आणि संचालक आयुर्वेद डॉक्टर विकास चावला यांच्या मते, उच्च रक्तदाबाला सायलेंट किलर रोग म्हणतात कारण त्याची लक्षणे सुरुवातीच्या टप्प्यात आढळत नाहीत. थकवा, डोकेदुखी, दृष्टी अंधुक होणे आणि श्वास घेण्यात अडचण येणे याचा बीपीच्या सामान्य लक्षणांमध्ये समावेश आहे. बीपी नियंत्रित करण्यासाठी अनेक औषधे आणि उपचार उपलब्ध आहेत, परंतु तुम्ही काही आयुर्वेदिक वनस्पतींच्या पानांद्वारेही ते नियंत्रित करू शकता.
लसूणाची हिरवी पाने
लसणाचे कोणत्याही स्वरूपात सेवन केल्यास ब्लड प्रेशरच्या रूग्णांचा रक्तदाब कमी होण्यास मदत होते. सरासरी 300 मिलीग्रॅम लसणाची हिरवी पाने चघळल्याने सुमारे 7 मिमी एचजी रक्तदाब आणि डायस्टोलिक रक्तदाब सुमारे 5 मिमी एचजी कमी करण्यास मदत होते.
कढीपत्ता
जर तुम्ही रक्तदाबाचे रुग्ण असाल तर जेवणात कढीपत्ता वापरावा. याने जेवणाची चव तर वाढतेच पण रक्तदाबासह अनेक आजारांवरही उपचार करता येतो. जास्तीत जास्त फायदे मिळवण्यासाठी तुम्ही सकाळी रिकाम्या पोटी किंवा उपाशी तोंडी कडीपत्ता चावून खाऊ शकता. मीठ कमी आणि पोटॅशियम जास्त असलेला कढीपत्ता उच्च रक्तदाबाच्या उपचारांसाठी खूप औषधी व प्रभावी असल्याचे म्हटले जाते.
(वाचा :- प्रेग्नेंसीनंतर थेट 90 किलोवर पोहचलं होतं वजन, 'या' साध्या घरगुती ट्रिकने घटवलं तब्बल 35 किलो वजन..!)
ओव्याची पाने
ओव्याची हिरवीगार पाने रक्तदाब कमी करण्यासाठी आणि उच्च रक्तदाबाचा धोका कमी करण्यासाठी फायदेशीर ठरू शकतात. ओव्याची पाने जीवनसत्त्वे (vitamins) आणि अँटिऑक्सिडंट्सचा चांगला स्रोत आहेत. त्यांचे रिकाम्या पोटी व उपाशी तोंडी सेवन केल्याने केवळ बीपीच कमी होत नाही तर रोगप्रतिकारक शक्ती देखील मजबूत होते.
(वाचा :- वजन कमी करायच्या प्रयत्नात आहेत, मग रात्री या ५ गोष्टी कराच, पोटावरील चरबी मेणासारखी वितळेल)
कडुलिंबाची पाने
उच्च रक्तदाबाच्या रुग्णांनी सकाळी रिकाम्या पोटी कडुलिंबाची पाने चावून खावीत. असे मानले जाते की कडुलिंबाच्या पानांमध्ये असलेल्या अँटीहिस्टामाइन गुणधर्माचा प्रभाव पडून रक्तवाहिन्या बारीक होऊ शकतात. असे झाल्याने उच्च रक्तदाब कमी होण्यास मदत होऊ शकते. कडुलिंबाची पाने चघळल्याने किंवा या पानांचा नियमित रस प्यायल्याने नक्की फरक जाणवू शकतो.
तुळशीची पाने
आयुर्वेदात तुळशीला सर्वात पवित्र, औषधी आणि प्रभावी वनस्पती मानले गेले आहे. याच्या हिरव्या पानांमध्ये ते सर्व औषधी गुणधर्म असतात, ज्यात शरीराला अनेक घातक किंवा गंभीर रोगांपासून वाचवण्याची क्षमता असते. उच्च रक्तदाबाच्या रुग्णांनी खाण्यापिण्यात तुळशीच्या पानांचा समावेश करावा. ही हिरवी पाने उच्च रक्तदाबाच्या उपचारासाठी अत्यंत उपयुक्त आहेत. जास्तीत जास्त फायदा मिळवण्यासाठी तुम्ही कडुलिंब आणि तुळशीची पाने उपाशी तोंडी चघळली पाहिजेत.
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.