अखिलेश पांडे। मुंबई
प्रेमभंग झाल्यानंतर अनेकांना मानसिकदृष्ट्या विविध समस्यांचा सामना करावा लागतो. मात्र एकतर्फी प्रेमामुळे श्रेयाबाबत (नाव बदलले आहे) जे घडलं ते फारच कमी लोकांसोबत घडते. २२ वर्षीय श्रेयाला प्रेमात हार पत्करावी लागल्याने ती डिप्रेशनमध्ये गेली होती. उदास झाली की ती जुन्या आठवणीत रमून जायची आणि आठवणींमध्ये हरवून गेली की ती खूप खायला लागायची. इतके की आपण किती खाल्ले याचे तिला भानच नसायचे.
प्रेम आठवणीत रमून अतिखाण्याच्या तिच्या या सवयीमुळे काही महिन्यांतच तिच्या वजनाचा आकडा १०० किलोच्याही पार गेला. त्यासाठीच सध्या श्रेया मुंबईतील केईएम रुग्णालयात उपचार घेत आहे. उपचारादरम्यान तिच्या खाण्याच्या सवयीत थोडा फरक पडला आहे. उपचारांसोबत श्रेयाचे काउन्सिलिंगही केले जात आहे. तिचे वजन कमी होऊन आता ८० किलोवर आले आहे.
श्रेयावर उपचार करणारे मानसोपचार तज्ञ डॉ. सागर मुंदडा यांनी सांगितले की, " साधारण १ वर्षांपूर्वी वजन कमी करण्यासाठी श्रेयाने जिम लावली होती. तिथे तिची भेट एका मुलाशी झाली. तिला तो आवडायला लागला. त्याच दरम्यान त्या मुलाने लग्न केले. त्यामुळे श्रेयाचा प्रेमभंग होऊन ती डिप्रेशनमध्ये गेली. त्यानंतर जेव्हाही श्रेयाला एकटे वाटे, त्या मुलाची आठवण येई तेव्हा ती खूप खात असे. श्रेयाची हिच सवय तिचा आजार केव्हा बनली हे तिचे तिलाच कळाले नाही."
प्रेमभंगातून निराशा आल्यानंतर काय होते याविषयी तज्ञांचे मत...
'सवय नाही, आजार' -:
जेजे हॉस्पिटल मधील मानसोपचार तज्ञ डॉ. भारत सांगतात, 'डिप्रेशनमध्ये लोक एकतर जास्त खातात किंवा खूपच कमी खातात. सतत खाण्याच्या आजाराला 'बींज इटिंग डिसॉर्डर' म्हणतात. मानसिक आजारांमध्ये १-२ टक्के रुग्णच या आजाराचे शिकार होतात.'
'दुःखात जास्त खाणे' -:
मानसोपचार तज्ञ डॉ. हरीश शेट्टी यांनी सांगितले की, 'हा आजार शक्यतो मुलींमध्येच पाहायला मिळतो. दर महिन्यात अशा ५-६ केसेस आमच्याकडे येतात. मुली स्वतःला दुःखातून बाहेर काढण्यासाठी खाणे किंवा ऑनलाइन शॉपिंगचा आधार घेतात. '
'आणि आजारही!'-:
बॅरिएट्रिक सर्जन डॉ. रमन गोयल यांनी सांगितले की, 'वजन वाढण्याबरोबरच उच्च रक्तदाब, मधुमेह आणि हृदयविकारही होण्याची शक्यता वाढते. अशावेळी बींज इटिंग डिसॉर्डरच्या रुग्णांना मानसिक आजारासह कित्येक शारिरीक व्याधी होण्याची शक्यता असते.
प्रेमभंग झाल्यानंतर अनेकांना मानसिकदृष्ट्या विविध समस्यांचा सामना करावा लागतो. मात्र एकतर्फी प्रेमामुळे श्रेयाबाबत (नाव बदलले आहे) जे घडलं ते फारच कमी लोकांसोबत घडते. २२ वर्षीय श्रेयाला प्रेमात हार पत्करावी लागल्याने ती डिप्रेशनमध्ये गेली होती. उदास झाली की ती जुन्या आठवणीत रमून जायची आणि आठवणींमध्ये हरवून गेली की ती खूप खायला लागायची. इतके की आपण किती खाल्ले याचे तिला भानच नसायचे.
प्रेम आठवणीत रमून अतिखाण्याच्या तिच्या या सवयीमुळे काही महिन्यांतच तिच्या वजनाचा आकडा १०० किलोच्याही पार गेला. त्यासाठीच सध्या श्रेया मुंबईतील केईएम रुग्णालयात उपचार घेत आहे. उपचारादरम्यान तिच्या खाण्याच्या सवयीत थोडा फरक पडला आहे. उपचारांसोबत श्रेयाचे काउन्सिलिंगही केले जात आहे. तिचे वजन कमी होऊन आता ८० किलोवर आले आहे.
श्रेयावर उपचार करणारे मानसोपचार तज्ञ डॉ. सागर मुंदडा यांनी सांगितले की, " साधारण १ वर्षांपूर्वी वजन कमी करण्यासाठी श्रेयाने जिम लावली होती. तिथे तिची भेट एका मुलाशी झाली. तिला तो आवडायला लागला. त्याच दरम्यान त्या मुलाने लग्न केले. त्यामुळे श्रेयाचा प्रेमभंग होऊन ती डिप्रेशनमध्ये गेली. त्यानंतर जेव्हाही श्रेयाला एकटे वाटे, त्या मुलाची आठवण येई तेव्हा ती खूप खात असे. श्रेयाची हिच सवय तिचा आजार केव्हा बनली हे तिचे तिलाच कळाले नाही."
प्रेमभंगातून निराशा आल्यानंतर काय होते याविषयी तज्ञांचे मत...
'सवय नाही, आजार' -:
जेजे हॉस्पिटल मधील मानसोपचार तज्ञ डॉ. भारत सांगतात, 'डिप्रेशनमध्ये लोक एकतर जास्त खातात किंवा खूपच कमी खातात. सतत खाण्याच्या आजाराला 'बींज इटिंग डिसॉर्डर' म्हणतात. मानसिक आजारांमध्ये १-२ टक्के रुग्णच या आजाराचे शिकार होतात.'
'दुःखात जास्त खाणे' -:
मानसोपचार तज्ञ डॉ. हरीश शेट्टी यांनी सांगितले की, 'हा आजार शक्यतो मुलींमध्येच पाहायला मिळतो. दर महिन्यात अशा ५-६ केसेस आमच्याकडे येतात. मुली स्वतःला दुःखातून बाहेर काढण्यासाठी खाणे किंवा ऑनलाइन शॉपिंगचा आधार घेतात. '
'आणि आजारही!'-:
बॅरिएट्रिक सर्जन डॉ. रमन गोयल यांनी सांगितले की, 'वजन वाढण्याबरोबरच उच्च रक्तदाब, मधुमेह आणि हृदयविकारही होण्याची शक्यता वाढते. अशावेळी बींज इटिंग डिसॉर्डरच्या रुग्णांना मानसिक आजारासह कित्येक शारिरीक व्याधी होण्याची शक्यता असते.