तजेलदार त्वचेसाठी...

वाढत्या वयानुसार चेहऱ्यावर सुरकुत्या येऊ लागतात. पण, आता यापासून घाबरण्याचे काहीही कारण नाही. डाळिंबाच्या सालीपासून बनविण्यात आलेला फेसपॅक ही समस्या सोडविण्यात सक्षम आहे. कारण डाळिंबाच्या सालीतही व्हिटॅमिन ए, ई आणि सी असतात. हे व्हिटॅमिन वाढत्या वयाची लक्षणे लवकर येण्यापासून बचाव करतात.

डाळिंबाच्या सालीत अॅन्टिऑक्सिडंट असतात. याच्या माध्यमातून चेहऱ्यावरील डाग आणि संक्रमणापासून दूर ठेवण्यास मदत होते. डाळिंबाची साल वाळवून तव्यावर भाजावी. थंड झाल्यानंतर मिक्सरमध्ये बारीक करून ही भुकटी चेहऱ्यावर लावावी.

डाळिंबाची साल वाळवून त्याचा पावडर बनवावे. त्यात गुलाब पाणी मिसळून फेसपॅकप्रमाणे चेहऱ्यावर लावावे. यामुळे त्वचेवरील तजेला कायम राहतो. चेहऱ्यावरील सुरकुत्या टाळता येतात.

घशात खवखव वाटत असल्यास डाळिंबाच्या सालीपासून तयार पावडर पाण्यात उकळून गुळण्या कराव्या. या माध्यमातून घशातील खवखव, खोकल्यापासून सुटका करणे शक्य आहे.

डाळिंबाची साल वाळवून त्याचा पावडर तयार करावा. एक ग्लास पाण्यात मिसळून त्याच्या गुळण्या केल्यास दातासंबंधीच्या समस्या, तोंड येणे, दुर्गंधीपासून मुक्तता मिळविणे शक्य आहे.

डाळिंबाची साल हलक्या हाताने चेहऱ्यावर घासा. यातून ‘डेड स्किन’ निघून चेहऱ्यावर तजेला येईल.