- नाव - अनन्या चुघ
- काम - सल्लागार
- वय - २३ वर्षे
- उंची - ५ फूट ६.५ इंच
- सर्वाधिक वजन - १२६ किलोग्रॅम
- वेट लॉस - ५० किलोग्रॅम
- वजन कमी करण्यास लागलेला कालावधी - २३ महिने
कसा सुरु झाला वेट लॉसचा प्रवास?
अनन्या सांगते की तिला आधीपासूनच PCOS (Polycystic Ovary Syndrome) आणि हार्मोनल इनबॅलन्सची समस्या होती. त्याचवेळी, जंक फूड खाण्याचं व्यसन आणि उशीरा खाण्याची सवय यामुळे तिचे वजन आणखीनच वाढले. तिचे म्हणणे आहे की जेव्हा ती निरोगी जीवनशैलीकडे वळली तेव्हा तिच्या आयुष्यात खूप बदल दिसून आला. यावेळी तिने केवळ १२ वीची परीक्षा दिली होती. यानंतर हळूहळू तिने वाईट सवयींवर काम करण्यास सुरवात केली आणि न्युट्रिशन व फिटनेस संबंधित माहिती देखील मिळवली. या पद्धतीनेच तिचे वजन कमी होऊ लागले आणि आता तिने तब्बल 55 किलोग्रॅमपर्यंत वजन कमी केले आहे.
(वाचा :- करोना वॅक्सिन घेताच हाताला बसतो शॉक लागल्यासारखा झटका, या दाव्यावर डॉक्टरांचे मत काय?)
डाएटमध्ये तोलून मापूनच खायची अनन्या
असे बरेच लोक आहेत जे वजन कमी करण्याचा प्रयत्न करतात पण डाएट न करता आल्यामुळे प्रत्येक वेळी नाराज होतात. अशा परिस्थितीत अनन्याने तिच्या आहारावर खास पद्धतीने लक्ष दिले आणि हे वजन कमी होण्याचे सर्वात मोठे कारण बनले.
- नाश्ता -
पोहे आणि एक कप दूध किंवा इडली-सांबार किंवा ओट्स पोळा भाज्यांसोबत
- लंच -
२ चपात्या, भरपूर भाज्यांसोबत, एक वाटी दही, कधी कधी डाळ, सॅलेड आणि पनीर पराठा दह्यासोबत
- रात्रीचे जेवण -
अनन्या रात्री आठ वाजण्यापूर्वीच जेवते. ती बर्याचदा डिनरमध्ये सूप आणि भाज्या खाते किंवा दुपारचे उरलेले पदार्थ खाते.
- प्री वर्कआउट जेवण
कॉफी आणि केळी किंवा घरगुती केक आणि ब्राउनी
- पोस्ट वर्कआउट मील
ती संध्याकाळी एक्सरसाइज करते म्हणून थेट रात्रीचे जेवणच घेते.
- चीट डे मील
अनन्याने गेल्या दोन महिन्यांपासून चीट मील खाल्लंच नाही. पण अनन्या सांगते की काय हवं ते ती खाते पण त्याचे प्रमाण अगदी मर्यादित असते
- लो कॅलरी फूड
सूप, बदाम दुधाची कॉफी, चटपटीत मखाने, घरी बनवलेली ओट्सची ब्राउनी
(वाचा :- ‘या’ भाज्या किंंवा पदार्थ उकळवून खाल्ल्यास झटपट होते वेट लॉस व शरीराला मिळतात दुप्पट पोषक तत्व!)
वर्कआउट प्लान
अनन्याने वजन कमी करण्यासाठी खूप मेहनत घेतली आहे. ती दररोज कमीत कमी एक तास पायी चालते किंवा शतपावली करते. याशिवाय ती 30 ते 40 मिनिटे झुंबा डान्स करत असे. तसेच कधी कधी ती स्विमिंग देखील करत असे. या सर्व व्यायामांद्वारे तिने वजन कमी केले.
(वाचा :- इम्यूनिटी वाढवण्यासाठी सरकारने जाहीर केला नवा हेल्दी डाएट प्लान, ‘या’ पदार्थांचा केला समावेश!)
फिटनेस सिक्रेट्स
अनन्याच्या मते, तिच्या वजन कमी होण्यामागील सर्वात मोठे कारण ठरले ते म्हणजे घरी बनवलेले जेवण. याशिवाय ती म्हणाली की जर तुमचे वजन कमी झाले असेल तर नेहमी स्वत:ला तंदुरुस्त ठेवा. ती असेही म्हणाले की पाकिटबंद, प्रक्रिया केलेले आणि जंक फूड आपल्या शरीरावर खूप वाईट परिणाम करतात. त्याचवेळी, आपल्याला या पदार्थांचे व्यसनही जडते. म्हणूनच जंक फूड आणि पाकिटबंद पदार्थां पासून दूर राहा आणि आपण जे जे खाता ते कमी प्रमाणात खा.
(वाचा :- अभिनेत्री पूजा बत्राच्या ‘या’ खास वर्कआउटने मिळेल सांधेदुखीपासून मुक्ती व स्किनवर येईल अनोखा ग्लो!)
जीवनशैलीमध्ये बदल
अनन्याने प्रामुख्याने तिच्या जीवनशैलीत काही बदल केले, त्यापैकी तिने आपल्या आहार बद्दल तर तुम्हाला आधीच सांगितले आहे. याव्यतिरिक्त तिने दररोज किमान 10,000 पावलं चालण्याच्या पर्यायाची निवड केली आणि दररोज 3 लिटर पाणी पिण्यास सुरुवात केली. जर तुम्हाला अनन्याच्या आयुष्यातून प्रेरणा मिळाली असेल तर तुम्ही सुद्धा फिटनेसचा प्रवास सुरू करा.
(वाचा :- करोनाचा पुरुषांच्या लैंगिक आयुष्यावर होतोय नकरात्मक परिणाम, संशोधनात 'हे' सत्य आले समोर!)
NOTE :- लेखकाला ज्या गोष्टींमधून बदल दिसून आला तसाच बदल तुम्हालाही दिसावा असं गरजेचं नाही किंवा दिसेलच असं नाही. प्रत्येकाच्या शरीराच्या गरजा वेगवेगळ्या असतात त्यामुळे आहारतज्ज्ञांच्या मदतीने किंवा आपल्या शरीराच्या गरजा ओळखूनच योग्य डाएटची निवड करा. खुश राहा, फिट राहा.