साहजिकच, यामुळे तुम्हाला अनेक गंभीर आरोग्य समस्यांसह मृत्यूचाही धोका निर्माण होऊ शकतो. मधुमेहाचा आजार हा इन्सुलिन तयार करणाऱ्या स्वादुपिंडाच्या किंवा अग्नाशयाच्या कार्यावर परिणाम झाल्याने होतो, जे रक्तातील साखरेचे व्यवस्थापन करण्याचे काम करते, परंतु काहीवेळा तुम्हाला वेगवेगळ्या अवयवांमध्येही मधुमेहाची काही लक्षणे दिसू शकतात, ज्यावर तुम्ही लक्ष ठेवणे अत्यंत आवश्यक आहे. जर खाली दिलेली लक्षणं दिसू लागली तर ओळखून जा की तुम्हाला डायबिटीज झाला आहे. (फोटो सौजन्य :- iStock)
डोळ्यांत दिसतात डायबिटीजची लक्षणे
मेयो क्लिनिकच्या मते, रक्तातील साखरेची पातळी वाढल्याने रेटिना अर्थात बुबुळातील रक्तवाहिन्यांवर परिणाम करू शकते, ज्यामुळे अंधुक दृष्टी, मोतीबिंदू, काचबिंदू आणि डायबेटिक रेटिनोपॅथी यांसारख्या डोळ्यांच्या समस्या उद्भवू शकतात. अशी लक्षणे दिसल्यास ताबडतोब डॉक्टरांचा सल्ला घ्यावा.
पायांमध्येही दिसतात लक्षणे
मधुमेहाचा पायांवर दोन प्रकारे परिणाम होतो. प्रथम, तुम्हाला तुमच्या पायात एक प्रकारची संवेदना जाणवू शकते. दुसरे म्हणजे, तुमच्या पायात योग्य रक्तप्रवाह होत नाही आणि तुमच्या पायाला झालेली जखम लवकर बरी होत नाही. ह्या दोन गोष्टी निदर्शनास आल्यास अजिबात वेळ न घालवता डॉक्टरांचा सल्ला घेऊन उपचार सुरू करावेत.
नसांमध्येही दिसतात लक्षणे
रक्तातील साखर वाढल्यामुळे मज्जासंस्थेचेही नुकसान होऊ शकते आणि या आजराला डायबेटिक न्यूरोपॅथी असे म्हणतात. या स्थितीमुळे अवयव बधीर होणे, वेदना किंवा तापमान जाणवण्याची क्षमता कमी होणे, मुंग्या येणे, जळजळ होणे, तीक्ष्ण वेदना आणि गोळे येणे यासारखी लक्षणे दिसू शकतात.
किडनीला प्रभावित करते डायबिटीज
मेयो क्लिनिकच्या एका रिपोर्टनुसार, किडनीमध्ये लहान रक्तवाहिन्या असतात ज्यामुळे कार्य सुरू असते. उच्च रक्तातील साखरेची पातळी या रक्तवाहिन्यांना हानी पोहोचवू शकते, ज्यामुळे डायबेटिक न्यूरोपॅथी होऊन किडनीच्या मधुमेहाचा रोग होऊ शकतो. लघवीतील प्रथिने, लघवीची तीव्र इच्छा वाढणे, पाय, घोटे, हात आणि डोळे यांना सूज येणे, मळमळ, उलट्या आणि थकवा या लक्षणांचा यात समावेश होतो.
हृदय आणि रक्तवाहिन्यांवर होतो परिणाम
रक्तातील साखरेची पातळी वाढल्यामुळे रक्तवाहिन्यांचे नुकसान होऊ शकते, ज्यामुळे तुम्हाला हार्ट स्ट्रोक आणि हृदयविकारासह रक्तवाहिन्यासंबंधी गंभीर आजार होण्याचा धोका नेहमीच असतो. त्यामुळेच डायबिटिजला अजिबात साधा आजार समजू नये व वेळीच त्यावर उपचार करून सुरक्षित आयुष्य जगावे.
Untitled design - 2023-01-24T170432.367
niddk.nih.gov च्या रिपोर्टनुसार,हिरड्यांचा रोग, ज्याला पीरियडॉन्टल रोग देखील म्हणतात, हा रक्तातील साखरेच्या उच्च पातळीशी संबंधित एक सामान्य विकार आहे. हा रोग सहसा अडकलेल्या किंवा घट्ट झालेल्या रक्तवाहिन्यांमुळे होतो ज्यामुळे हिरड्यांमध्ये रक्तप्रवाह कमी होतो, ज्यामुळे स्नायू कमकुवत होतात. बॅक्टेरिया देखील वाढल्याने सामान्यतः हिरड्यांचे आजार होतात. रक्तस्त्राव, अशक्तपणा आणि हिरड्यांमध्ये वेदना यांचा लक्षणांमध्ये समावेश होतो.
(वाचा :- Oil For Kidney : खराब झालेल्या दोन्ही किडन्या होतील मजबूत व स्वच्छ, रोज जेवणात फक्त इतके चमचे वापरा हा पदार्थ)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.