शेअरिंग केल्याने टेन्शनवर उपाय मिळतो
जर तुम्हाला ऑफिस वर्कशी निगडीत तणाव त्रास देत असेल आणि तुम्ही कामावर लक्ष केंद्रित करू शकत नसाल तर तुम्ही या बाबतीत तुमच्या वरिष्ठ सहकाऱ्यांशी बोलायला हवं. तुम्ही त्यांच्या समोर तुच्याम सर्व समस्या ठेवल्या पाहिजेत आणि त्यांना सांगितलं पाहिजे की तुम्हाला नक्की काय सतावतं आहे. त्या गोष्टी जर तुमच्या कामातील कार्यक्षमतेवर प्रभाव टाकत असतील तर त्याचा गांभीर्याने विचार करायला हवा. तुम्ही या समस्या संबंधी व्यक्तींची शेअर केल्यात तर नक्कीच त्यातून तुम्हाला उपाय सापडेल.
(वाचा :- Milk Benefits With Gulkand : स्वादिष्ट असं गुलकंद मिश्रित दुध प्यायल्याने टळेल ‘या’ आजारांचा धोका!)
प्रत्येक कामाची वेळ ठरवा
वर्क स्ट्रेस दूर करायचा असेल तर तुम्ही ही गोष्ट लक्षात ठेवणं सगळ्यात जास्त गरजेचं आहे की कोणतं काम तुम्हाला किती वेळात पूर्ण करायचं आहे. कामाची प्राथमिकता तुम्ही ओळखायला शिकणं महत्त्वाचं आहे. त्यानुसार तुम्ही कामाचं विभाजन केलं पाहिजे. असं केल्याने तुम्ही वेळेत काम पूर्ण करू शकता. जर जास्त काम पाहून तुम्ही घाबरून, गोंधळून गेलात तर तुम्हाला ताण येणं साहजिक आहे, पण त्या ऐवजी जर तुम्ही त्या कामाचं व्यवस्थापन केलंत तर मात्र कोणत्याही ताणाशिवाय तुम्ही ते पूर्ण करू शकाल.
(वाचा :- Vitamin-C For Immunity: संत्र्यांपेक्षा या फळांमध्ये असते जीवनसत्त्व ‘क’ चे प्रमाण जास्त!)
आपल्या जीवन प्रवासावर लक्ष द्या
जेव्हा आपण लहान होतो तेव्हा ऑफिसला जाणाऱ्या वडिलांना किंवा अजून कोणाला पाहून हा विचार करायचो की मला कधी असं छान ऑफिसला जाऊन काम करायला मिळणार? पण आता मोठं झाल्यावर कळतंय की ऑफिसला जाऊन काम करणे हे तणावपूर्ण सुद्धा असू शकतं. या तणावापासून स्वत:चा वाचव करायचा असेल तर तुम्ही तुमच्या आजवरच्या जीवन प्रवासावर नजर टाका. विचार करा कि इथवर पोहोचण्यासाठी तुम्ही काय काय सहन केलं आहे. त्यातून तुम्हाला हा ताण विसरून जोमाने काम करण्याचा उत्साह मिळेल.
(वाचा :- सूर्यफुलांच्या बियांनी कॅन्सर देखील होऊ शकतो बरा, जाणून घ्या अजून अनेक फायदे!)
आपलं ज्ञान वाढवा
आजच्या युगात कोणतंही काम असेल ते जर तुम्ही नीट व्यवस्थापन करून केलं तर फक्त ते लवकर पूर्ण होत असं नाही तर तुम्हाला त्या कामच्या चिंतेपासून निर्माण होणाऱ्या तणावापासून सुद्धा दूर ठेवतं. कामाशी निगडीत अॅप्स बद्दल जाणून घ्या. त्यांना वापरायचं कसं हे शिका. नसेस माहित तर कधी कोणाला विचारण्यास संकोच करू नका. लक्षात ठेवा विचारणार नाही तर शिकणार कसं? तुम्ही ज्यांना विचाराल त्यांनी देखील कुठून ना कुठून हे शिकलेलंच असले ना, त्यामुळे अजिबात न घाबरता नवनवीन गोष्टी शिकून घ्या ज्या तुमच्या कामाचे व्यवस्थापन करण्यास आणि अंतिमत: तुमचा तणाव दूर करण्यस मदत करतील.
(वाचा :- जीभेला आलेत फोड? मग करा ‘हे’ घरगुती रामबाण उपाय!)
सोशल मीडियाचा प्रभाव
सोशल मीडिया हि आपली सध्या गरज झाली आहे. दर ५-५ मिनिटांनी फेसबुक, व्हॉट्सअप, इंस्टाग्राम तपासणे हि आपली सवयच झाली आहे. पण लक्षात ठेवा याच गोष्टी तुमच्या कामातील ताण अधिक वाढवतात. यात अर्धा अधिक टाईमपास झाल्याने तुमचं काम रखडलं जातं आणि मग वाढलेलं काम पाहून ताण निर्माण होतो. म्हणून सोशल मिडीयाचा शक्य तितका कमी वापर करा आणि तुम्हाला त्याचा फायदा स्वत:हूनच दिसू लागेल.
(वाचा :- Drinks For Summer: या स्वादिष्ट सरबतांच्या सेवनाने वाढते रोगप्रतिकारक शक्ती!)