कोबी
कोबीच्या भाजीचे अनेक प्रकार उपलब्ध आहेत. काही जणांना कोबीची भाजी खाणं अजिबात पसंत नसते. पण डॉक्टरांच्या माहितीनुसार, ल्युकेमिया आजारापासून स्वतःचा बचाव करण्यासाठी आहारामध्ये कोबीचा समावेश करावा. यातील पोषणतत्त्वांमुळे आपल्या शरीराचे गंभीर आजारांपासून संरक्षण होण्यास मदत मिळते. तज्ज्ञांच्या सल्ल्यानुसार तुम्ही विविध प्रकारे कोबीचे सेवन करू शकता. काही जणांना सॅलेड म्हणून कोबी पसंत असते तर काही जण कोबीची भाजी तयार करून खातात.
(वाचा :Origin Of Ayurveda: आयुर्वेदासंदर्भात पंतप्रधान मोदींची तरुणांसोबत ‘मन की बात’, म्हणाले...)
क्रूसिफेरस व्हेजिटेबल
हे नाव ऐकून तुम्हाला थोडेसे विचित्र वाटले असेल. काही विशिष्ट प्रकाराच्या भाज्यांचा क्रूसिफेरस या वर्गामध्ये समावेश होतो. क्रूसिफेरस व्हेजिटेबल आपले क्रोनिक मिलॉइड ल्युकेमिया (ल्युकेमिया कॅन्सरचा एक प्रकार)आजार होण्यापासून संरक्षण करतात. नॅशनल कॅन्सर रिसर्च इन्स्टिट्युट नुसार या भाज्यांमध्ये भरपूर प्रमाणात पोषक घटकांचा समावेश आहे. उदाहरणार्थ व्हिटॅमिन, मिनरल्स आणि कॅरोटोनाइडचे घटक यामध्ये आहेत. महत्त्वाचे म्हणजे या भाज्यांमध्ये विशेष स्वरुपात अँटी-कॅन्सरचे गुणधर्म आहेत. जे शरीरामध्ये कॅन्सरच्या पेशींची वाढ होण्यापासून रोखतात. जाणून घेऊया यामध्ये कोणत्या भाज्यांचा समावेश आहे.
(वाचा : Colon Infection: इरफान खान 'या' आजारानं होता ग्रस्त, जाणून घ्या याची लक्षणे आणि कारणे)
पालक
शरीराला मुबलक प्रमाणात लोहाचा पुरवठा करणाऱ्या पालकपासून (Spinach Benefits) तुमचे कित्येक आजारांपासून संरक्षण होते. यामध्ये व्हिटॅमिन आणि खनिजांचेही प्रमाण भरपूर आहे. ज्यामुळे शरीराची कार्यप्रणाली अतिशय चांगल्या प्रकारे सुरू राहण्यास मदत मिळते. ल्युकेमियाचा धोका टाळण्यासाठी पालकचे सेवन करणं अतिशय फायदेशीर ठरू शकते. शरीराची रोगप्रतिकारक शक्ती वाढवण्यासाठी आहारामध्ये पालकचा समावेश करा. अॅनिमियाचा त्रास असणाऱ्यांनी पालकचे सेवन करावे. पालकमुळे हाडे देखील मजबूत होतात.
(वाचा : ऋषी कपूर म्हणाले होते 'बोन मॅरो ट्रान्सप्लांट' करावं लागणारेय, नेमकी काय ही शस्त्रक्रिया?)
पालक
शरीराला मुबलक प्रमाणात लोहाचा पुरवठा करणाऱ्या पालकपासून (Spinach Benefits) तुमचे कित्येक आजारांपासून संरक्षण होते. यामध्ये व्हिटॅमिन आणि खनिजांचेही प्रमाण भरपूर आहे. ज्यामुळे शरीराची कार्यप्रणाली अतिशय चांगल्या प्रकारे सुरू राहण्यास मदत मिळते. ल्युकेमियाचा धोका टाळण्यासाठी पालकचे सेवन करणं अतिशय फायदेशीर ठरू शकते. शरीराची रोगप्रतिकारक शक्ती वाढवण्यासाठी आहारामध्ये पालकचा समावेश करा. अॅनिमियाचा त्रास असणाऱ्यांनी पालकचे सेवन करावे. पालकमुळे हाडे देखील मजबूत होतात.
(वाचा :Rishi Kapoor : ऋषी कपूर यांना ‘या’ आजारानं ग्रासलं होतं, जाणून घ्या लक्षणे आणि कारणे)
केल
केल या भाजीमध्ये भरपूर प्रमाणात पौष्टिक गुणधर्मांचा साठा आहे. पालक प्रमाणेच दिसणाऱ्या या भाजीचे सेवन केल्यास आरोग्यास भरपूर प्रमाणात फायदे मिळतील. केलमध्ये कॅल्शिअमचे प्रमाणही जास्त आहे. ही भाजी चवीला तुम्हाला थोडीशी कडू वाटू शकते. बद्धकोष्ठतेचा त्रास असणाऱ्यांनी या भाजीचा आहारामध्ये समावेश करावा. केलमुळे पचनप्रक्रिया सुरळीत सुरू राहते. या भाजीतील गुणधर्मामुळे तुमचे हृदयविकारांपासूनही संरक्षण होण्यास मदत मिळते.
Note : आहारामध्ये बदल करण्यापूर्वी आपल्या डॉक्टरांचा सल्ला नक्की घ्या.