जमिनीवरील आसनावर पावलं एकमेकांना जुळवलेली, पाठीचा कणा ताठ, हात दोन्ही बाजूंना मांडीला चिकटलेले (ताडासन), असं उभं राहावं. श्वास सोडत डावा पाय गुडघ्यात दुमडून उजव्या पायाच्या जांघेत डावं पाऊल येईल, असं ठेवावं. स्थिती स्थिर होईपर्यंत डावं पाऊल हातानं घट्ट धरून ठेवावं. उजव्या गुडघ्यात सावकाश वाकावं आणि शरीर जमिनीकडे आणावं. डावा गुडघा जमिनीवर टेकवावा. शरीर सावकाश सरळ करत पाठीचा कणा ताठ होईल असं बसावं. शरीराचा तोल डावा गुडघा आणि उजवं पाऊल यांवर सांभाळावा. पुढे किंवा पाठीमागे झुकू नये. हात कोपरात वाकवून एकमेकांना गुंडाळले जातील (गरुडासनाप्रमाणे) असे ठेवून तळवे एकमेकांवर नमस्कार स्थितीत आणावे. साधा नमस्कार केला, तरी चालतो. हात छातीला समांतर समोर टेकलेले असावे. एक ते दीड मिनिटापर्यंत आसन स्थिती स्थिर करून सावकाश पूर्व स्थितीत येत दुसऱ्या बाजूनं हे आसन पुन्हा करावं.
शारीरिक फायदे ः हिप जॉइंट्सना व्यवस्थित रक्तप्रवाह मिळतो. गुडघे, मांड्या, हात यांच्या स्नायूंना चांगला व्यायाम होऊन ते मजबूत होतात. पाठीचा कणा ताठ होतो.
वैद्यकीय फायदे ः सायटिका, पाठीचं दुखणं, पोटाच्या विकारांवर उपयुक्त आसन. मांड्यांवरील चरबी कमी होते. श्वसन संस्था आणि रक्ताभिसरण संस्थांचं कार्य सुधारतं. श्वसनाच्या विकारांवर उपयुक्त आशन. मूत्रपिंडातील दोष दूर होण्यास मदत होते.
मानसिक फायदे ः हे एक प्रकारचं तोलासन आहे. त्यामुळे मन शांत होतं. चंचलता जाते. धारणा व ध्यानासाठी उपयुक्त.
कोणी करू नये ः तीव्र गुडघेदुखी, पाठदुखी, घोटेदुखी असल्यास करू नये.
शारीरिक फायदे ः हिप जॉइंट्सना व्यवस्थित रक्तप्रवाह मिळतो. गुडघे, मांड्या, हात यांच्या स्नायूंना चांगला व्यायाम होऊन ते मजबूत होतात. पाठीचा कणा ताठ होतो.
वैद्यकीय फायदे ः सायटिका, पाठीचं दुखणं, पोटाच्या विकारांवर उपयुक्त आसन. मांड्यांवरील चरबी कमी होते. श्वसन संस्था आणि रक्ताभिसरण संस्थांचं कार्य सुधारतं. श्वसनाच्या विकारांवर उपयुक्त आशन. मूत्रपिंडातील दोष दूर होण्यास मदत होते.
मानसिक फायदे ः हे एक प्रकारचं तोलासन आहे. त्यामुळे मन शांत होतं. चंचलता जाते. धारणा व ध्यानासाठी उपयुक्त.
कोणी करू नये ः तीव्र गुडघेदुखी, पाठदुखी, घोटेदुखी असल्यास करू नये.