सर्वोत्कृष्ट पार्श्वसंगीत
आम्ही पहिल्यांदाच यात भाग घेतला होता. एकांकिकांचा प्रभाव पडण्यासाठी संगीत रेकॉर्ड न करता, ते लाईव्ह देण्याचा प्रयत्न आम्ही केला. आमच्यापैकी कोणीच संगीताचं फार शिक्षण घेतलं नाही. पण, दिग्दर्शकानं आमच्यावर दाखवलेल्या विश्वासामुळे आज हे पारितोषिक आम्हाला मिळालं आहे.
- कृष्णा ओव्हाळ, नीरजा वर्तक, रंगबावरी (गोन्सालो गार्सिया कॉलेज)
परीक्षक म्हणतात....
स्पर्धेच्या बदललेल्या पद्धतीमुळे आम्ही आता विद्यार्थ्यांना मार्गदर्शन करू शकतो हे या स्पर्धेचं वैशिष्ट्य आहे. प्राथमिक फेरीपासून अंतिम फेरीपर्यंत विद्यार्थ्यांची झालेली प्रगती मला जास्त महत्त्वाची वाटते. भाषेकडे मात्र अजून थोडं लक्ष देण्याची गरज आहे. या स्पर्धांमधून उत्तम कलाकार निश्चितच तयार होतील. त्याशिवाय एखादी कलाकृती कशी बघावी हे समजून घेणारा प्रेक्षकवर्ग तयार होतोय ही आनंदाची बाब आहे.
- शीतल क्षीरसागर, अभिनेत्री
स्पर्धेचा दर्जा आता खूप वाढला आहे. कौतुकाची गोष्ट म्हणजे नवीन बरीच कॉलेजं यामधून पुढे येत आहेत. चांगले विषय स्पर्धेतून हाताळले जात आहेत. विद्यार्थी विषय समजून तो मांडण्याचा प्रयत्न करत आहे. त्यांनी आणखी चांगल्या स्क्रिप्टस लिहिण्याचा प्रयत्न केला पाहिजे. विशेषतः मुलींनी या क्षेत्रात पुढे यावं असं मला वाटतं. एखाद्या कथेचं रूपांतर करण्यापेक्षा स्वतःचे विचार मांडले तर स्पर्धा अजून रंगेल.
- सुखदा आयरे, अभिनेत्री
यावर्षी स्पर्धा खूप अटीतटीची झाली. प्राथमिक फेरीनंतर झालेल्या चर्चाफेरीमुळे आम्हाला देखील एकांकिकांचा प्रवास जवळून बघता आला. या पिढीकडून सगळ्यांच्याच अपेक्षा उंचावल्या आहेत. स्पर्धेचं एकूणच वातावरण सकारात्मक होतं. त्यामुळे परीक्षण करताना मजा आली. विद्यार्थ्यांनी अशाच पद्धतीनं त्यांचे विषय मांडावेत आणि उत्तम कलाकृती सादर कराव्यात असं मला वाटतं.
- अद्वैत दादरकर, दिग्दर्शक
००००
ही स्पर्धा वेगळ्या स्वरूपात विद्यार्थ्यांसमोर आणल्यानंतरही त्याला मिळणारा प्रतिसाद उल्लेखनीय आहे. स्पर्धेला विद्यार्थी आणि कॉलेज यांच्याकडून नेहमीच पाठिंबा मिळाला. सहभागी होणाऱ्या विद्यार्थ्यांमुळे ही स्पर्धा जिवंत आहे. स्पर्धेला 'महाराष्ट्र टाइम्स'कडून वेळोवेळी मिळणाऱ्या पाठिंब्याबद्दल त्यांचे मन:पूर्वक आभार.
- अजित भुरे, मुख्य संयोजक (आयएनटी)
आयएनटी ही स्पर्धा विद्यार्थ्यांच्या कलागुणांना वाव देण्यासाठी गेली कित्येक वर्ष एक व्यासपीठ उपलब्ध करून देते. यामुळे अनेक कलाकार घडले आणि यापुढेही घडतील असेच आमचे प्रयत्न आहेत.
रामचंद्र वरक, स्पर्धा संयोजक
००००
सर्वोकृष्ट एकांकिका प्रथम आणि 'मटा करंडक' - 'एकादशावतार' - रुईया कॉलेज
द्वितीय - 'रंगबावरी' - गोन्सालो गार्सिया कॉलेज
तृतीय - 'सेल्फीमग्नता' -वझे-केळकर कॉलेज
सर्वोकृष्ट दिग्दर्शक - रणजित पाटील, 'एकादशावतार'
सर्वोकृष्ट लेखक - प्रथम - संदीप दंडवते, 'रंगबावरी'
द्वितीय - प्राजक्त देशमुख, 'एकादशवतार'
सर्वोकृष्ट अभिनेता प्रथम - तेजस राऊत, 'सेल्फीमग्नता'
द्वितीय - अजय पाटील, 'चौकट' आणि श्रीनाथ म्हात्रे, 'एकादशावतार'
तृतीय - मनमीत पेम, 'हुतुतू'
सर्वोकृष्ट अभिनेत्री प्रथम - पूजा मिठबावकर, 'सेल्फीमग्नता'
द्वितीय - पूजा कांबळे, 'चौकट' आणि रुचिका घाडी, 'रंगबावरी'
तृतीय - ज्ञानदा खोत, 'पैठणी'
शमिका पवार - 'रंगबावरी'
सर्वोकृष्ट विनोदी अभिनय - कांचन माळी, रंगबावरी
सर्वोकृष्ट प्रकाशयोजनाकार - अमोघ फडके, 'एकादशावतार'
सर्वोकृष्ट नेपथ्य - सचिन गावकर - 'एकादशावतार'
सर्वोकृष्ट नेपथ्य आणि प्रकाश - श्याम चव्हाण, युगांत पाटील, सचिन गोताड, 'सेल्फीमग्नता'
सर्वोकृष्ट पार्श्वसंगीत - रंगबावरी
सर्वोकृष्ट पोस्टर - 'देव हरवला', सिद्धार्थ कॉलेज आनंद भवन