अकरावीचा अर्ज-२ भरताना…

टीम प्लॅनेट कॅम्पस

अकरावीच्या ऑनलाइन प्रवेशासाठी अर्जाचा भाग १ भरून झाल्यानंतर, आता भाग २ भरताना कोणती काळजी घेणे आवश्यक आहे, यावर टाकलेला प्रकाश…•भाग १ कन्फर्म झालेला अर्ज शाळेचे मुख्याध्यापक/ मार्गदर्शन केंद्र यांमार्फत अप्रूव्ह करून घ्यावा.•ज्या विद्यार्थ्यांनी फॉर्म अप्रूव्ह करून घेतला नाही, त्यांच्या अर्जाचे स्टेटस ‘पेंडिंग’ असे राहील. अशा विद्यार्थ्यांचे अर्ज प्रवेश प्रक्रियेत विचारात घेतले जाणार नाहीत. My status मध्ये अप्रूव्ह असेल, तरच अर्ज-२ पसंतीक्रम भरता येईल.•भाग-२ ओपन झाल्यावर बेस्ट फाइव्हचे मार्क्स आणि टक्के आपोआप येतील. एसएससी बोर्डाव्यतिरिक्तच्या विद्यार्थ्यांना स्वतः गुण भरावे लागतील. त्यानंतर एका शाखेची निवड करून फॉर्म सबमिट करावा.•त्यानंतर त्या शाखेतील सर्व कॉलेजांची यादी निश्चित करून किमान एक आणि जास्तीत जास्त दहा कॉलेज पसंतीक्रम निश्चित करावेत.•त्या कॉलेजांचा प्राधान्य क्रम ठरवून ते कोड अर्जात भरावेत. त्यानंतर भाग १ आणि २ यांची प्रिंट काढावी.