सुजय निंबरे, सिडनहॅम कॉलेज
टीव्हीवरचा बहुचर्चित बिग बॉस हा शो तुम्हाला माहित असेलच. याच मालिकेच्या थीमवर आधारित 'बिओबॉस' हा शो विरारच्या विवा कॉलेजमध्ये होणाऱ्या 'व्हायवॅक्सीअस १८' या फेस्टिव्हलचं मुख्य आकर्षण असेल. स्पर्धकांना वेगवेगळ्या टास्क देऊन त्यांना एका खोलीमध्ये बंद करण्यात येईल. सीसीटीव्हीच्या माध्यमातून त्यांच्यावर नजर ठेवून त्यानुसार विजेता ठरवला जाईल. त्याचबरोबर नाट्य, नृत्य, कला आणि क्रीडा या क्षेत्रांतल्या विविध स्पर्धा यात असतील. २३ आणि २४ फेब्रुवारी या दोन दिवसांत हा फेस्ट रंगणार असून, महाराष्ट्र टाइम्स याचा मीडिया पार्टनर आहे.
कोणत्याही गाण्यावर फ्री स्टाईल नाचणं, ओपन थीमवर वाद्य वाजवणं, डीजे, रॉक बँड, गेमिंगची चर्चा, धाडस दाखवण्याची संधी देणारे इव्हेंट्स, विविध टास्क पूर्ण करून जिंकलेली स्पर्धा, प्रत्यक्ष लुडो अशा इव्हेंट्सची मेजवानी त्यात पाहायला मिळणार आहे. 'कॉमिकॉन' अशा अनोख्या कार्टून्स थीमवर आधारित या फेस्टचं यंदा आठवं वर्ष आहे. पहिल्याच दिवशी 'बिओबॉस', 'ट्यून प्रीमिअर लीग', 'लॉर्ड ऑफ द रिंक्स', 'व्हाय सो सिरीयस', 'रॉ म्युझिक' या स्पर्धा रंगतील. तर दुसऱ्या दिवशी 'किंग द लुडो, 'कॉसप्ले', 'द कॉमिक स्ट्रीप', 'द मास्क', 'रफ गॅलरी', 'ट्रीविझर्ड टुर्नामेंट', 'स्टार्क्स रिव्हेंटरी' या स्पर्धा होतील.
फेस्टिव्हलमधले काही खास इव्हेंट्स असे आहेत...
रॉ म्युझिक
कोणत्याही म्युझिकल इन्स्ट्रुमेंट्सचा वापर न करता इतर साधनांचा वापर करून संगीत सादर करण्याचं आव्हान या स्पर्धेतून स्पर्धकांना देण्यात आलं आहे.
व्हाय सो सीरियस ?
कॉलेजिअन्सचं टेन्शन खल्लास करण्यासाठी हा 'स्टॅन्ड अप कॉमेडी' इव्हेंट असेल. या इव्हेंटमध्ये स्पर्धकांनी प्रेक्षकांना खळखळून हसवायचं आहे. स्पर्धकांचं हे कौशल्य यात पणाला लागेल.
कॉसप्ले
फॅशन शो पहायला मिळणाऱ्या या इव्हेंटमध्ये वेगवेगळ्या कार्टून्सचं रुप घेऊन स्पर्धकांना त्यांचे टॅलेंट शो करण्याची संधी मिळेल.
द मास्क
फेस पेंटिंग, पोस्टर मेकिंग, ड्रॉइंग, स्केचिंग यांसारख्या कलात्मक इव्हेंट्समध्ये विविध विषयांवर चित्र रेखाटण्याची संधी स्पर्धकांना मुभा देण्यात आली आहे.
ट्यून प्रीमिअर लीग
स्पोर्ट्स विभागात बॉक्स क्रिकेटचे सामने होतील.
अधिक माहितीसाठी संपर्क : ८९८३४१४२२३.
किंवा 'व्हायवॅक्सिअस' (vivaxious/facebook ) या फेसबुक पेजला भेट द्या.