जे. जे. स्कूल ऑफ आर्टमध्ये कलात्मक दसरा
रूची मणचेकर, जे. जे. स्कूल ऑफ फाइन आर्ट
कलेची पंढरी समजल्या जाणाऱ्या जे. जे स्कूल ऑफ आर्टमध्ये दरवर्षी दसरा जोमानं साजरा केला जातो. यातील एक म्हणजे शिल्पकला विभागाचा 'शिल्पसाद' हा पारंपरिक कार्यक्रम होय. दरवर्षी दसऱ्यानिमित्त एखादा विषय घेऊन शिल्पकला विभागासह इतर विभाग सजवले जातात. यावर्षी सुप्रसिद्ध शिल्पकार वासुदेव मांजरेकर यांच्या जन्मशताब्दी वर्षानिमित्त त्यांच्या कलाकृतींचा देखावा उभा करण्याचा प्रयत्न विद्यार्थी करणार आहेत. याद्वारे त्यांना आदरांजली वाहण्याचा मानस आहे. अगदी पारंपरिक पद्धतीनं हा संपूर्ण कार्यक्रम पार पाडण्यास विद्यार्थी भर देतात. या काळात कॅम्पसचं वातावरण अगदी आनंदमय असतं.