How To Make Thick Gravy Without Onion And Tomato Easy Tips
कांदा टॉमेटोशिवाय कशी बनवाल घट्ट ग्रेव्ही, सोप्या टिप्सने वाचवा स्वयंपाकघरातील वेळ
Authored byदिपाली नाफडे | महाराष्ट्र टाइम्स.कॉम19 Jan 2023, 4:18 pm
कांद्याशिवाय तुमची ग्रेव्ही चांगली होत नाही असं तुम्हाला वाटतं का? पण असं अजिबातच नाही. तुमच्या भाजीच्या ग्रेव्हीमध्ये तुम्ही कांदा अथवा टॉमेटोचा वापर केला नाही तरीही भाजीची ग्रेव्ही घट्ट होऊ शकते. पण अशा काही हॅक्स आहेत ज्यामुळे तुमची ग्रेव्ही घट्ट होईल. याच सोप्या पद्धती आम्ही तुम्हाला सांगणार आहोत. यामुळे तुमचा स्वयंपाकघरातील वेळ वाचून स्वतःच्या आवडी जपण्यासाठीही वेळ देता येईल आणि मुळात कांदा - टॉमेटोशिवाय केलेल्या भाजीची चवही तशीच राहील हे नक्की. जाणून घ्या सोप्या टिप्स. (फोटो क्रेडिटः Canva and Freepik.com)
घट्ट ग्रेव्हीसाठी करावा पिठाचा वापर
Use Flour For Thick Gravy: घट्ट ग्रेव्ही कांदा-टॉमेटोच्या पेस्टने तयार होते आणि त्याची चवही भारी लागते असं सर्वांनाच वाटतं. पण असं अजिबातच नाही. तुम्हाला कांदा टॉमेटो नको असेल तर तुम्ही घट्ट ग्रेव्ही तयार करण्यासाठी पिठाचा वापर करून घेऊ शकता. कधी कधी ग्रेव्हीचा मसाला तयार करून घ्यायला वेळ नसतो तेव्हा पिठाचा वापर करणे सोपे ठरते. यासाठी कोणत्या पिठाचा वापर करावा जाणून घ्या.
मक्याचे पीठ
Corn Flour: चायनीज पदार्थांमध्ये सर्रास वापरले जाणारे मक्याचे पीठ अर्थात कॉर्न फ्लोअर हे तुम्ही भाजीची ग्रेव्ही घट्ट करण्यासाठीही वापरू शकता.
एका लहान वाटीत २ चमचे मक्याचे पीठ घ्या
त्यात जरासे पाणी घालून मिक्स करा
गुठळी ठेऊ नका
मिश्रण तयार झाल्यावर भाजीमध्ये हळूहळू मिक्स करा आणि ढवळा
Cooking Tips: सातूच्या पिठात अनेक गुणधर्म असतात जे आरोग्याला फायदेशीर ठरतात. सातूचे पीठ तयार करताना यामध्ये गहू, जव आणि हरभऱ्याची डाळ याचा वापर केला जातो. हे सर्व भाजून त्यात जिरे, सुंठ आणि वेलची याचाही वापर केला जातो आणि त्याचे पीठ तयार करण्यात येते.
ग्रेव्ही पातळ झाली असेल तर तुम्ही त्यात सातूचे पीठ मिक्स करा
हे पीठ पाण्यात भिजवून तुम्ही मिक्स कराअथवा भाजून घ्या आणि इतर मसाल्यांसह भाजीत मिक्स करा
Wheat Flour For Thick Gravy: गव्हाचे पीठ हे नेहमीच स्वयंपाकघरात असते. ग्रेव्ही घट्ट करण्यासाठी तुम्ही याचा वापर करून घेऊ शकता. ग्रेव्ही पातळ असेल तर तुम्ही त्यात गव्हाचे पीठ मिक्स करा. मिक्स करताना याच्या गुठळ्या होणार नाहीत याची काळजी घ्या. मात्र गव्हाचे पीठ ग्रेव्हीमध्ये घालण्यापूर्वी भाजून घ्या आणि हळूहळू मिक्स करा.
तांदळाचे पीठ वापरा
कदाचित हे वाटून तुम्हाला आश्चर्य वाटले असेल. पण ग्रेव्ही घट्ट करण्यासाठी तुम्ही तांदळाच्या पिठाचा वापर करून पाहू शकता. एका वाटीत १ चमचा तांदूळ पीठ, २ चमचे दूध आणि दोन चमचे पाणी घ्या
हे व्यवस्थित मिक्स करून घ्या आणि भाजीत मिसळा
यामुळे भाजीच्या ग्रेव्हीचा स्वाद अधिक चांगला होतो आणि भाजी अधिक घट्ट आणि दिसायलाही सुंदर दिसते
वर दिलेल्या टिप्स तुम्हाला आवडल्या तर नक्की शेअर करा. तसंच तुम्हाला कांद्याशिवाय आणि टॉमेटोशिवाय एखाद्या भाजीची ग्रेव्ही तयार करायची असेल तर याचा नक्की वापर करून पाहा. अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक कराmaharashtratimes.com
"दिपाली नाफडे प्रिंट, टेलिव्हिजन आणि डिजीटल मीडियामधील मराठी पोर्टल्सचा १५ वर्षांचा अनुभव असून पत्रकार आणि कंटेट रायटर म्हणून कार्यरत. न्यूज आणि नॉन-न्यूज दोन्ही मीडिया क्षेत्रातील कामाचा दांडगा अनुभव असून कोणत्याही विषयावर लिखाणाची जाण ही अनुभवातून आलेली आहे आणि याशिवाय विविध विषयांसंबंधी व्हिडिओदेखील केले आहेत. मनोरंजन, फिचर स्टोरीज, लाइफस्टाईल, ब्युटी, फॅशन, आरोग्य, फूड आणि सेलिब्रेटींची मुलाखत यासंबंधी लिखाण आणि व्हिडिओ दोन्हीमध्ये पारंगत. लोकांना वाचनात गुंतवून ठेवेल आणि माहितीपूर्ण असे लेख लिहिणे यावर नेहमीच भर देण्याचा अँगल. लेख असो अथवा डिजीटल व्हिडिओ असो प्रत्येक गोष्टीत बांधिलकी जपत योग्य आणि महत्त्वपूर्ण माहिती पोहचविण्याची जबाबदारी आणि योग्य दर्जा देत काम केले आहे. टीम लीडर म्हणून जबाबदारी गेल्या ५ वर्षांपासून पेलली असून स्वतःसह टीमचा विकास कसा होईल याकडे अधिक लक्ष पुरविले आहे. व्यावसायिक कामाव्यतिरिक्त मित्रमैत्रिणींसह वेळ घालवायला आणि जेवण बनवायला आवडते."... आणखी वाचा
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.