२३ ते २८ जुलै दरम्यान कार्यशाळेचं आयोजन
साठ्ये महाविद्यालय पुरस्कृत दर्पण मीडिया क्लबतर्फे माध्यम क्षेत्राशी संबंधित वेगवेगळे उपक्रम राबवण्यात येतात. माध्यम क्षेत्रातील अनेक अनुभवी आणि तज्ज्ञ मंडळींचं मार्गदर्शन विद्यार्थ्यांना लाभलं आहे. याच पार्श्वभूमीवर माध्यम क्षेत्रात प्रत्यक्ष काम करू इच्छिणाऱ्या आणि आवड असणाऱ्या विद्यार्थ्यांसाठी प्रथमच मराठीतून शॉर्ट फिल्म मेकिंग कार्यशाळा घेण्यात येणार आहे. ही कार्यशाळा २३ ते २८ जुलै दरम्यान होणार आहे.
स्क्रिप्ट रायटिंग, स्टोरी बोर्ड, वेशभूषा, कॅमेरा हाताळणीचं तंत्र, फिल्म बनवण्यासाठी लागणारे अनुभव, दिग्दर्शन, प्री-प्रोडक्शन, प्रोडक्शन, पोस्ट- प्रोडक्शन, ध्वनीसंयोजन या विषयांवर मार्गदर्शन आणि त्यावर चर्चा करण्यासाठी तज्ज्ञ व्यक्ती या कार्यशाळेदरम्यान उपस्थित असतील. शिवाय यावेळी काही निवडक लघुपटांचे स्क्रिनिंग होणार असून विद्यार्थ्यांशी त्यावर चर्चा करण्यात येईल. या कार्यशाळेला उपस्थित राहणाऱ्या विद्यार्थ्यांना प्रमाणपत्र मिळणार आहे. तसंच या कार्यशाळेला इतर कॉलेजांमधील विद्यार्थीही हजर राहू शकतात. इच्छुक विद्यार्थ्यांनी ८७६७३९४२२३, ७९७७२६३२२३ किंवा ९००४५१७०४८ या क्रमांकावर संपर्क साधावा.