मॅडनेस ७२ तासांचा

मुंबई टाइम्स टीम रॅम्पवर आपल्या फॅशनचा जलवा दाखवणाऱ्या मॉडेल्स, धमाकेदार गाण्यांच्या तालावर नाचणारी तरुणाई आणि सोबतीला विविध इव्हेंट्सचा तडका असं चित्र नेरूळच्या रामराव आदिक इन्स्टिट्यूटच्यामध्ये पाहायला मिळालं. निमित्त होते कॉलेजच्या कल्चरल फेस्ट 'होरायझन'चं. 'महाराष्ट्र टाइम्स' या फेस्टिवलचा मीडिया पार्टनर होता.

'दि नाइन्टीज किड' ही अनोखी थीम असलेला फेस्टिवल नुकताच कॉलेजच्या कॅम्पसमध्ये उत्साहात पार पडला. सजावटीपासून ते इव्हेंट्सपर्यंत सर्व गोष्टींनी विद्यार्थ्यांना नव्वदच्या दशकात रमवलं. त्याशिवाय तीन दिवस झालेल्या नाईट इव्हेंट्सची बरीच चर्चा झाली. त्या इंव्हेट्सची काही वैशिष्ट-

फॅशन शो - या इव्हेंटमध्ये विविध नामांकित फॅशन इन्स्टिट्यूटसमधील विद्यार्थ्यांनी आपली डिझाइन्स, फॅशन जगासमोर आणली.

इडीएम नाईट - होरायझनमध्ये यावर्षी धमाकेदार इडीएम नाईटचं आयोजन करण्यात आलं होतं. यंदा केनेथ आणि जॅक आय जोन्स हे आंतरराष्ट्रीय ख्यातीच्या कलाकारांनी आपल्या संगीतावर विद्यार्थ्यांना थिरकवलं.

नेहा कक्कर 'लाइव्ह' : 'मनाली ट्रान्स', 'वेडिंग सीझन' यासारख्या फ्रेश गाण्यांना आवाज देऊन तरुणाईच्या गळ्यातली ताईत बनलेली गायिका नेहा कक्कर हिला लाइव्ह ऐकण्याची संधी या फेस्ट दरम्यान विद्यार्थ्यांना मिळाली.