कल्पनेतलं जग ‘रिअॅलिटी’त

हर्षदा सानप, एचआर कॉलेज

कल्पनेतलं जग सत्यात उतरवता आलं तर किती छान? आपल्यापैकी प्रत्येकाला हे वाटत असतं. म्हणूनच 'व्हेअर फिक्शन मीट्स रिअॅलिटी' ही अनोखी थीम घेऊन येतोय पार्ल्यातल्या मिठीबाई कॉलेजचा ‘कोलोसिअम’ फेस्टिव्हल.

कल्पनेतलं जग सत्यात उतरवता आलं तर किती छान? आपल्यापैकी प्रत्येकाला हे वाटत असतं. म्हणूनच 'व्हेअर फिक्शन मीट्स रिअॅलिटी' ही अनोखी थीम घेऊन येतोय पार्ल्यातल्या मिठीबाई कॉलेजचा ‘कोलोसिअम’ फेस्टिव्हल. हा फेस्ट २० ते २२ डिसेंबरदरम्यान रंगणार आहे. ३०हून अधिक स्पर्धा असलेल्या या फेस्टमध्ये कला, क्रीडा, साहित्य आणि व्यवस्थापन यासंबंधीचं विद्यार्थ्यांचं कौशल्य पणाला लागेल. या फेस्टचा ‘महाराष्ट्र टाइम्स’ मीडिया पार्टनर आहे.

फेस्टच्या पहिल्या दिवशी ‘बॉसबॉल’, ‘सलेस्टिक सिंफनी’, ‘वुझ लाईन इस इट एनीवे’, ‘म्हॅस्टिक स्पिनल’, ‘३६० डिग्रीस’, ‘ट्रेड मार्केट’, ‘ब्रॅन्ड अडीक्ट’, ‘काउंटर स्ट्राईक १.६’, या स्पर्धा रंगणार आहे. तर दुसऱ्या दिवशी ‘नो प्लेस फॉर निटमेग्स’, ‘हेर्कलेणं डोमिनान्स’, ‘द डेविल्स अडवोकॅटे’, ‘द मिलिअन डॉलर चॅलेंज’, ‘द गेम ऑफ थ्रोन कॅटन’ या स्पर्धा रंगतील. फेस्टच्या शेवटच्या दिवशी, ‘ब्लाझिंग गन’ , ‘द बिग हिट थिअरी’, ‘लॉर्ड ऑफ विट्स’, ‘हाऊस ऑफ कार्डस’ इत्यादी स्पर्धासोबत मानांकन देऊन फेस्टची सांगता होईल.

फेस्टच्या पहिल्या व दुसऱ्या दिवशी जे. आर. एम ग्राऊंडसमध्ये झेडेन आणि अमित त्रिवेदी यांच्या सुरांसोबत रंगणारी प्रोनाईट हे फेस्टचं मुख्य आकर्षण असेल. असीस कौर, नीती मोहन आणि मर्जी हे फेस्टमध्ये परीक्षक म्हणून उपस्थित राहतील. ‘आमची थीम थोडी हट के आहे आणि प्रत्येक स्पर्धा ही थीमनुसार आखली गेली आहे’, असं आयोजकांतर्फे सांगण्यात आलं.

पुस्तकं तुमच्यासाठी
फेस्टच्या आधी प्री इव्हेंट म्हणून गरजू आणि गरीब मुलांना पुस्तकांचं वाटप करण्यात आलं. सकाळी ७ वाजल्यापासून सुरुवात करून संध्याकाळपर्यंत सुमारे ५०० पुस्तकांचं वाटप यावेळी करण्यात आलं. तसंच टीममधले विद्यार्थी या मुलांसोबत काही खेळही खेळले. दीक्षित रोड शाळेतल्या भिंतीवर चित्रं काढून ती सुशोभित केली. मुलांसोबत वेळ घालवताना आम्हाला खूप आनंद झाला, असं आयोजकांनी सांगितलं.