सर्वेक्षणातील ९५ टक्के सहभागींकडून मागणी
कल्पेशराज कुबल, कॉलेज क्लब रिपोर्टर
मुंबईः बदलते अभ्यासक्रम, फी आणि सातत्याने बदलत्या घडामोडी यामुळे विद्यार्थ्यांसोबत पालकांनाही मार्गदर्शन मिळावे यासाठी शिक्षण विभागाने प्रयत्न करणे आवश्यक आहे, असे स्पष्ट मत बहुतांश पालकांनी ‘मटा प्लॅनेट कॅम्पस’मध्ये घेण्यात आलेल्या सर्वेक्षणात व्यक्त केले. विद्यार्थ्यांसोबतच पालकांचेही महत्त्वाच्या शैक्षणिक विषयावरील प्रश्नांवर सर्वेक्षण घेण्यात आले. यात तब्बल ९५ टक्के पालकांनी आपल्याही करिअर मार्गदर्शनाची गरज असल्याचे मान्य केले.
‘महाराष्ट्र टाइम्स प्लॅनेट कॅम्पस’ अंतर्गत मुंबई-ठाणे विभागांतील विद्यार्थ्यांसोबत काही महत्त्वाच्या शैक्षणिक प्रश्नांवर पालकांचे सर्वेक्षण घेण्यात आले होते. सर्वेक्षणानुसार बहुतांश पालकांनी, विविध शैक्षणिक योजनांची माहिती सहजरित्या उपलब्ध नसल्याने त्या योजनांच्या फायदापासून आपल्या मुलांना मुकावे लागत असल्याचे सांगितले. शिक्षण मंडळाकडून राबवल्या जाणाऱ्या विविध योजना आणि शिष्यवृत्तीची माहिती पूरक प्रमाणात विद्यार्थी, पालकांपर्यंत पोहचावी यासाठी ठोस उपाययोजना केल्या जाव्यात, असा स्पष्ट सूर पालकांमधून उमटला.
आजच्या स्पर्धेच्या युगात टिकून राहण्यासाठी विद्यार्थी पारंपरिक अभ्यासक्रमांसोबत विभिन्न करिअरच्या क्षेत्रांकडे वळताना दिसत आहेत. पूर्वी केवळ आर्ट्स, सायन्स, कॉमर्सपुरत्या मर्यादित असलेल्या करिअरच्या वाटा आज विस्तारल्या आहेत. सेल्फ फायनान्स अभ्यासक्रमांकडेही विद्यार्थ्यांचा ओढा वाढलेला दिसतो. करिअरचे नवनवे पर्याय विद्यार्थ्यांपुढे उपलब्ध असले तरी त्यांची परिपूर्ण माहिती पाल्याला मिळत नसल्याने चिंता आणि गोंधळात भर पडत असल्याचे बहुतांश पालकांचे म्हणणे आहे. सध्या उपलब्ध असलेले विविध अभ्यासक्रम, त्यासाठीची कॉलेजेस, शैक्षणिक संस्था, शिष्यवृत्ती आदींची एकसंघ माहिती मिळावी अशी मागणी ७२.७ टक्के पालकवर्गाने सर्वेक्षणात केली आहे.
विविध कोर्सेसविषयी पालकांनाही योग्य माहिती असेल तर ते आपल्या पाल्यालाही करिअर निवडीसाठी योग्य ते सहकार्य करू शकतात, असेही अनेकांचे मत पडले. अभ्यासक्रमांच्या बदत्या स्वरूपामुळेच आपण पाल्याच्या करिअर निवडीत योग्य मार्गदर्शन करण्यात सक्षम नसल्याचेही ५४ टक्के पालकांनी मान्य केले.
पालक आपल्या पाल्याच्या आवडीलाच अधिक प्राधान्य देतात सर्वेक्षणातून समोर आले आहे. पालक आपली करिअरविषयक अपुरे स्वप्ने मुलांवर लादत असल्याचे चित्रही हळूहळू बदलू लागल्याचे दिसत आहे. आता ९२.४ टक्के पालक आपल्या पाल्याच्या करिअर निवडीच्या प्रक्रियेत ‘मुलांच्या स्वप्नां’ना अधिक प्राधान्य देत असल्याचे समोर आले. याच प्रश्नाला धरून सर्वेक्षणात विचारण्यात आलेल्या आणखी एका प्रश्नात असे समोर आले आहे की, पाल्याने आधीच करिअरची निवड केली असेल तर त्यातही ९५.५ टक्के पालकांचा त्यांच्या पाल्याच्या निर्णयाला पूर्ण पाठिंबा असेल.
कल्पेशराज कुबल, कॉलेज क्लब रिपोर्टर
मुंबईः बदलते अभ्यासक्रम, फी आणि सातत्याने बदलत्या घडामोडी यामुळे विद्यार्थ्यांसोबत पालकांनाही मार्गदर्शन मिळावे यासाठी शिक्षण विभागाने प्रयत्न करणे आवश्यक आहे, असे स्पष्ट मत बहुतांश पालकांनी ‘मटा प्लॅनेट कॅम्पस’मध्ये घेण्यात आलेल्या सर्वेक्षणात व्यक्त केले. विद्यार्थ्यांसोबतच पालकांचेही महत्त्वाच्या शैक्षणिक विषयावरील प्रश्नांवर सर्वेक्षण घेण्यात आले. यात तब्बल ९५ टक्के पालकांनी आपल्याही करिअर मार्गदर्शनाची गरज असल्याचे मान्य केले.
‘महाराष्ट्र टाइम्स प्लॅनेट कॅम्पस’ अंतर्गत मुंबई-ठाणे विभागांतील विद्यार्थ्यांसोबत काही महत्त्वाच्या शैक्षणिक प्रश्नांवर पालकांचे सर्वेक्षण घेण्यात आले होते. सर्वेक्षणानुसार बहुतांश पालकांनी, विविध शैक्षणिक योजनांची माहिती सहजरित्या उपलब्ध नसल्याने त्या योजनांच्या फायदापासून आपल्या मुलांना मुकावे लागत असल्याचे सांगितले. शिक्षण मंडळाकडून राबवल्या जाणाऱ्या विविध योजना आणि शिष्यवृत्तीची माहिती पूरक प्रमाणात विद्यार्थी, पालकांपर्यंत पोहचावी यासाठी ठोस उपाययोजना केल्या जाव्यात, असा स्पष्ट सूर पालकांमधून उमटला.
आजच्या स्पर्धेच्या युगात टिकून राहण्यासाठी विद्यार्थी पारंपरिक अभ्यासक्रमांसोबत विभिन्न करिअरच्या क्षेत्रांकडे वळताना दिसत आहेत. पूर्वी केवळ आर्ट्स, सायन्स, कॉमर्सपुरत्या मर्यादित असलेल्या करिअरच्या वाटा आज विस्तारल्या आहेत. सेल्फ फायनान्स अभ्यासक्रमांकडेही विद्यार्थ्यांचा ओढा वाढलेला दिसतो. करिअरचे नवनवे पर्याय विद्यार्थ्यांपुढे उपलब्ध असले तरी त्यांची परिपूर्ण माहिती पाल्याला मिळत नसल्याने चिंता आणि गोंधळात भर पडत असल्याचे बहुतांश पालकांचे म्हणणे आहे. सध्या उपलब्ध असलेले विविध अभ्यासक्रम, त्यासाठीची कॉलेजेस, शैक्षणिक संस्था, शिष्यवृत्ती आदींची एकसंघ माहिती मिळावी अशी मागणी ७२.७ टक्के पालकवर्गाने सर्वेक्षणात केली आहे.
विविध कोर्सेसविषयी पालकांनाही योग्य माहिती असेल तर ते आपल्या पाल्यालाही करिअर निवडीसाठी योग्य ते सहकार्य करू शकतात, असेही अनेकांचे मत पडले. अभ्यासक्रमांच्या बदत्या स्वरूपामुळेच आपण पाल्याच्या करिअर निवडीत योग्य मार्गदर्शन करण्यात सक्षम नसल्याचेही ५४ टक्के पालकांनी मान्य केले.
पालक आपल्या पाल्याच्या आवडीलाच अधिक प्राधान्य देतात सर्वेक्षणातून समोर आले आहे. पालक आपली करिअरविषयक अपुरे स्वप्ने मुलांवर लादत असल्याचे चित्रही हळूहळू बदलू लागल्याचे दिसत आहे. आता ९२.४ टक्के पालक आपल्या पाल्याच्या करिअर निवडीच्या प्रक्रियेत ‘मुलांच्या स्वप्नां’ना अधिक प्राधान्य देत असल्याचे समोर आले. याच प्रश्नाला धरून सर्वेक्षणात विचारण्यात आलेल्या आणखी एका प्रश्नात असे समोर आले आहे की, पाल्याने आधीच करिअरची निवड केली असेल तर त्यातही ९५.५ टक्के पालकांचा त्यांच्या पाल्याच्या निर्णयाला पूर्ण पाठिंबा असेल.