कॅम्पसचे ‘क्लिक’स्टार्स

तरुणाईची फोटोग्राफीची आवड लक्षात घेऊन अनेक कॉलेजांमध्ये फोटोग्राफी क्लब्ज जोरात सुरू आहेत. आजच्या ‘वर्ल्ड फोटोग्राफी डे’निमित्त त्यांच्यावर एक फोकस टाकू या…

मुंबई-ठाण्यातल्या बहुतांश कॉलेजांमध्ये फोटोग्राफी क्लब्ज सुरू आहेत. या क्लबमध्ये फोटोग्राफी करण्यास उत्सुक असणाऱ्या विद्यार्थ्यांना प्रशिक्षण दिलं जातं. तसंच फोटोग्राफीसाठी त्यांचे खास दौरेही आयोजित केले जातात. या फोटोग्राफी क्लबचे सदस्य कॉलेजच्या कार्यक्रमांमध्ये फोटोग्राफी करतात. शिवाय, यातले विद्यार्थी अनेक फोटोग्राफी आणि लघुपट स्पर्धांमध्ये भाग घेऊन बक्षीसं जिंकतानाही दिसतात….

० द फोटोग्राफी क्लब ऑफ पोदार कॉलेज
पोदार कॉलेजचा फोटोग्राफी क्लब खूप अॅक्टिव्ह आहे. फोटोग्राफीच्या कार्यशाळांबरोबरच कॉलेजमध्ये फोटोंचं प्रदर्शन आयोजित केलं जातं. विद्यार्थ्यांनी काढलेले चांगले फोटो यात मांडले जातात.

० रुईया कॉलेज कॅमेरा क्रिएटिव्हस
‘आर.सी.थ्री’ या नावाने ओळखला जाणारा रुईया कॉलेजचा हा फोटोग्राफी क्लब प्रसिद्ध आहे. वाइल्डलाइफ, कॉन्ट्रास्ट, ऑब्जेक्ट फोटोग्राफी अशा विविध फोटोग्राफीच्या प्रकारांवर ते नेहमी विद्यार्थ्यांना मार्गदर्शन करत असतात.

० एमएल डहाणूकर फोटोग्राफर्स असोसिएशन
पार्ल्यातल्या डहाणूकर कॉलेजच्या फोटोग्राफी क्लबचं नाव आहे एमएल डहाणूकर फोटोग्राफर्स असोसिएशन. डहाणूकर कॉलेजच्या फेसबुक पेजवर विद्यार्थी त्यांनी टिपलेले फोटो पोस्ट करतात. या फोटोंना लाइक्स मिळतात. तसंच सीनिअर्स त्यांना काही मोलाचे सल्लेही देतात.

० व्हीएसआयटी बीएमएम फोटोग्राफी क्लब
विद्यालंकार कॉलेजमध्ये गेल्या वर्षी बीएमएम कोर्स सुरू करण्यात आला. या बॅचच्या विद्यार्थ्यांनी पुढाकार घेऊन फोटोग्राफी क्लबची सुरुवात केली. या विद्यार्थ्यांनी कॉलेज फेस्टिव्हल्समध्ये फोटोग्राफी आणि शॉर्टफिल्म स्पर्धेत पारितोषिकं

० राजीव गांधी इंजिनीअरिंग कॉलेज फोटोग्राफी क्लब
फोटोग्राफी म्हणजे केवळ कॅमेरातून फोटो काढण्यापुरतं मर्यादित राहिलेलं नसून त्यासोबतच फोटोशॉपसारख्या सॉफ्टवेअर्सचा वापर करणंसुद्धा आलं पाहिजे. हीच गोष्ट लक्षात घेऊन राजीव गांधी इंजिनीअरिंग कॉलेजचा फोटोग्राफी क्लब खास फोटोशॉप वर्कशॉप्सचं आयोजन करतो. शिवाय ड्रोन कॅमेराचा वापर कसा करावा हे देखील इथे शिकवतात.

० विवेकानंद कॉलेज फोटोग्राफी क्लब
इंजिनीअरिंग कॉलेजच्या या फोटोग्राफी क्लबमध्ये एकूण २४ सदस्य आहेत, जे हौशी फोटोग्राफर्सना स्पर्धेसाठी तयार करतात आणि फोटोग्राफीच्या स्पर्धासुद्धा आयोजित करतात.

संकलन - रामेश्वर जगदाळे (एमडी कॉलेज), यश राणे (विद्यालंकार कॉलेज)