अजय उभारे, कॉलेज क्लब रिपोर्टर
सायनच्या एसआयईएस सायन्स कॉलेजमध्ये ‘व्हिजन’ या इंटरकॉलेजिएट फेस्टिव्हलचा माहोल नुकताच रंगला होता. नृत्य, नाट्य, गायन याबरोबरच अनेक डिजिटल, इन्फॉर्मल आणि क्रीडा स्पर्धांचं आयोजन यंदाच्या टीम व्हिजनने केले होते. ६ आणि ७ जानेवारी या दोन दिवसांत विद्यार्थ्यांसाठी भरपूर सरप्राइजेस आणि आनंदाचे क्षण घेऊन आलेल्या या धमाल फेस्टिव्हलचा ‘महाराष्ट्र टाइम्स’ मीडिया पार्टनर होता.
व्हिजनचं यंदाचं पंचविसावं वर्ष होतं. त्या निमित्ताने ‘रेट्रोस्पेक्ट’ ही फेस्टिव्हल थीम निवडण्यात आली होती. सायनर्जी, द वायरल वॉइस, ग्रुप डान्स, स्ट्रीट डान्स, डीजे वॉर यासारख्या स्पर्धांचे अंतिम सामने यावेळी कॉलेजमध्ये रंगले. शिवाय फॅशन-शोचंही आयोजन करण्यात आलं होतं. पण हा फॅशन-शो थोडा वेगळा होता. रॅम्पवर आपले कलागुण दाखवल्यानंतर स्पर्धकांना आपल्यातलं विशेष टॅलेंट या ठिकाणी सादर करायचं होतं. लूजर्स डान्स ग्रुपने यंदाच्या ग्रुप डान्स स्पर्धेत बाजी मारली. शॉर्ट फिल्म्स, बी-बॉयिंग, ट्रेजरहंट यासारख्या चुरशीच्या स्पर्धांसोबतच रिंग फूटबॉल, टेबल टेनिस, रस्सीखेच, दोरीच्या उड्या असे खेळही खेळले गेले.
क्रीडा स्पर्धांमध्ये वेगवेगळ्या खेळांच्या स्पर्धा रंगल्या. फुटबॉलचा जरा भन्नाट खेळही यंदाच्या ‘व्हिजन’ फेस्टमध्ये पाहायला आणि खेळाडूंना अनुभवता आला. आपल्या आवडत्या खेळांना थोडा टेक्निकल, पण हटके टच देण्याचा विचार टीम व्हिजनने केला होता. फ्लुरोसंट रंगाचे कपडे घालून विद्यार्थ्यांना हा खेळ खेळायचा होता. फुटबॉल आणि खेळासाठी आवश्यक असलेल्या सगळ्याच गोष्टी फ्लुरोसंट रंगात सजवलेल्या हात्या. यात रंगलेल्या फुटबॉलच्या सामन्यांचा सगळ्यांनी आनंद लुटला.
सायनच्या एसआयईएस सायन्स कॉलेजमध्ये ‘व्हिजन’ या इंटरकॉलेजिएट फेस्टिव्हलचा माहोल नुकताच रंगला होता. नृत्य, नाट्य, गायन याबरोबरच अनेक डिजिटल, इन्फॉर्मल आणि क्रीडा स्पर्धांचं आयोजन यंदाच्या टीम व्हिजनने केले होते. ६ आणि ७ जानेवारी या दोन दिवसांत विद्यार्थ्यांसाठी भरपूर सरप्राइजेस आणि आनंदाचे क्षण घेऊन आलेल्या या धमाल फेस्टिव्हलचा ‘महाराष्ट्र टाइम्स’ मीडिया पार्टनर होता.
व्हिजनचं यंदाचं पंचविसावं वर्ष होतं. त्या निमित्ताने ‘रेट्रोस्पेक्ट’ ही फेस्टिव्हल थीम निवडण्यात आली होती. सायनर्जी, द वायरल वॉइस, ग्रुप डान्स, स्ट्रीट डान्स, डीजे वॉर यासारख्या स्पर्धांचे अंतिम सामने यावेळी कॉलेजमध्ये रंगले. शिवाय फॅशन-शोचंही आयोजन करण्यात आलं होतं. पण हा फॅशन-शो थोडा वेगळा होता. रॅम्पवर आपले कलागुण दाखवल्यानंतर स्पर्धकांना आपल्यातलं विशेष टॅलेंट या ठिकाणी सादर करायचं होतं. लूजर्स डान्स ग्रुपने यंदाच्या ग्रुप डान्स स्पर्धेत बाजी मारली. शॉर्ट फिल्म्स, बी-बॉयिंग, ट्रेजरहंट यासारख्या चुरशीच्या स्पर्धांसोबतच रिंग फूटबॉल, टेबल टेनिस, रस्सीखेच, दोरीच्या उड्या असे खेळही खेळले गेले.
क्रीडा स्पर्धांमध्ये वेगवेगळ्या खेळांच्या स्पर्धा रंगल्या. फुटबॉलचा जरा भन्नाट खेळही यंदाच्या ‘व्हिजन’ फेस्टमध्ये पाहायला आणि खेळाडूंना अनुभवता आला. आपल्या आवडत्या खेळांना थोडा टेक्निकल, पण हटके टच देण्याचा विचार टीम व्हिजनने केला होता. फ्लुरोसंट रंगाचे कपडे घालून विद्यार्थ्यांना हा खेळ खेळायचा होता. फुटबॉल आणि खेळासाठी आवश्यक असलेल्या सगळ्याच गोष्टी फ्लुरोसंट रंगात सजवलेल्या हात्या. यात रंगलेल्या फुटबॉलच्या सामन्यांचा सगळ्यांनी आनंद लुटला.