सोमय्या ‘विहान’मय

शुभम सोनटक्के, सेंट झेविअर्स कॉलेज

विद्याविहारच्या के जे सोमय्या कॉलेजमध्ये (आर्टस अँड कॉमर्स) शुक्रवारपासून ‘विहान’ फेस्टिव्हल सुरू होतोय. शॉर्टफिल्मपासून क्रिकेट-फुटबॉल मॅचेसपर्यंत अनेक इव्हेंट्स स्पर्धांनी खचाखच भरलेल्या या फेस्टिव्हलमध्ये सहभागी होण्यासाठी कॉलेजिअन्स उत्सुक आहेत.

विद्याविहारच्या के जे सोमय्या कॉलेजमध्ये (आर्टस अँड कॉमर्स) शुक्रवारपासून ‘विहान’ फेस्टिव्हल सुरू होतोय. शॉर्टफिल्मपासून क्रिकेट-फुटबॉल मॅचेसपर्यंत अनेक इव्हेंट्स स्पर्धांनी खचाखच भरलेल्या या फेस्टिव्हलमध्ये सहभागी होण्यासाठी कॉलेजिअन्स उत्सुक आहेत. ८ आणि ९ डिसेंबर या दोन दिवसांत कॅम्पसमध्ये या फेस्टिव्हलची धूम पाहायला मिळेल. ‘महाराष्ट्र टाइम्स’ या फेस्टिव्हलचा मीडिया पार्टनर आहे.

विद्यार्थ्यांच्या कला-गुणांना वाव मिळावा यासाठी वेगवेगळ्या प्रकारच्या इव्हेंट्सचं आयोजन करण्यात आल्याचं आयोजकांकडून सांगण्यात आलं. पहिल्या दिवशी शॉर्टफिल्म इव्हेंट, प्रश्नमंजुषा, वादविवाद यासारखे इव्हेंट्स होणार आहेत. दुसऱ्या दिवशी होणारा ‘मिस्टर अँड मिस विहान’ कॉलेजिअन्सचं प्रमुख आकर्षण असेल. प्रत्येक इव्हेंट हा थीम दर्शवणारा असावा अशा प्रकारे त्यांनी इव्हेंट्सचं आयोजन केलं आहे. विहानची वेगळी ओळख निर्माण करण्यासाठी सध्या चर्चेत असलेल्या ‘फ्लिप द बॉटल’चं आयोजन फेस्टमध्ये करण्यात आलं आहे. मुलांमधल्या टीमवर्कला प्रोत्साहन देण्यासाठी फुटबॉल, क्रिकेट, रस्सीखेच या खेळांच्या मॅचेस होणार आहेत. ट्विटरवर #vihaan2k17 असा त्याचा हॅशटॅग आहे. या कार्यक्रमासाठी राजीव भारद्वाज आणि सिद्धार्थ मेनन यांना खास आमंत्रित करण्यात आलं आहे.