आदित्य बिवलकर, मुंबई विद्यापीठ
हल्लीच्या टेक्नोसॅव्ही जगामध्ये ऑनलाइन म्युझिकची चांगली चलती आहे. कोणतंही गाणं ऑनलाइनच्या माध्यमातून लोकांपर्यंत चटकन पोहोचतं. हीच गोष्ट ओळखून सोमेश नार्वेकर या तरुण कलाकारानं युट्यूब आणि अन्य ऑनलाइन पोर्टल्सच्या माध्यमातून रसिकांपर्यंत पोहोचण्याचा पर्याय निवडला आहे. आत्तापर्यंत जवळपास २.५ लाख लोकांपर्यंत त्यानं या माध्यमातून आपल्या रचना सादर केल्या आहेत. तंत्रज्ञानाचा योग्य वापर संगीतात कसा करावा याचं एक उत्तम उदाहरण त्यानं लोकांसमोर उभं केलं आहे.
काही वर्षांपूर्वी गाण्यांची निर्मिती केवळ चित्रपट किंवा स्वतःच्या अल्बमससाठी केली जात होती. ही गाणी मर्यादित लोकांपर्यंतच पोहोचत असत. मात्र आता काळ बदलत चालला असून, अधिकाधिक लोकांपर्यंत रचना पोहोचवण्यावर आता भर दिला जातोय. सोमेशसुद्धा युट्यूब, फेसबुकचा वापर करत गाणी, स्वतःच्या रचना पोहोचवत आहे. सोमेश नार्वेकर या त्याच्या युट्यूब चॅनेलला ९०० हून अधिक सबस्क्राइबर्स आणि अडीच लाखांहून अधिक व्ह्यूज मिळाले आहेत.
‘त्या सांज किनाऱ्यापाशी’, ‘चाहूल’, ‘त्या सांज किनाऱ्यापाशी Unplugged’, ‘तुझ्यासवे’, ‘मन वेडे पाखरू’, ‘माझ्या मनातले’, ‘देव माझा’ या त्यानं संगीतबद्ध केलेल्या गाण्यांचे म्युझिक व्हिडिओज सध्या युट्युबवर हिट असून त्यांना खूप चांगला प्रतिसाद मिळत आहे. ‘मौनात बोलते रात’, ‘तोच चेहरा तुझा’, ‘माझ्या सावळ्या विठ्ठला’ या अल्बम्साठी त्यानं संगीत दिग्दर्शन केलं असून, यामध्ये संगीतातले वेगवेगळे प्रयोग त्याने केले आहेत. प्रोग्रामिंग तसेच लाइव्ह म्युझिक या दोन्हीचा उत्तम वापर त्यानं संगीतामध्ये केला आहे. दर्जेदार चालींमुळे रसिकांपर्यंत या संगीतरचना पोहोचत आहेत. विशेषतः गणेशोत्सव, आषाढी एकादशीच्या निमित्तानं त्यानं केलेल्या गाण्यांना लोकांकडून पसंती मिळतेय.
त्याचे वडील भगवंत नार्वेकर हे संगीतकार असल्याने घरात संगीताचं वातावरण होतं. त्यामुळे त्याचा फायदा कामामध्ये झाल्याचे तो सांगतो. आपलं काम चोख असेल तर रसिकांची साथ मिळतेच, असं तो म्हणतो. केवळ चांगली चाल लावून सोमेश थांबत नाही. गाण्याची अरेंजमेंट, त्यासाठी चांगलं रेकॉर्डिंग, चांगल्या वादकांची निवड यासाठी तो मेहनत घेतोय. त्यामुळेच त्याला रसिकांची दाद मिळत आहे. साधारणपणे युट्यूबसाठी गाणी तयार करताना अनेकदा चालढकल करून काम केलं जातं. मात्र त्याला फाटा देत सोमेशनं गाण्याला न्याय देण्याचा पूर्ण प्रयत्न केला आहे. शब्दांचा अर्थ आणि गाण्यातला गोडवा, त्याचा मूळ भाव न बिघडवता गाण्यात नवनवीन प्रयोग करण्याची खूप इच्छा असून त्यासाठी येत्या काळात सोमेश प्रयत्न करणार आहे.
चित्रपटासाठीही संधी
अल्बम्स, सिंगल्स यांच्याबरोबरच चित्रपटाला संगीत देण्याचा प्रयत्नसुद्धा सोमेशनं केला असून, आगामी ‘एक सत्य’ आणि ‘देह’ या दोन मराठी चित्रपटांचं संगीत त्यानं केलं आहे. यातली गाणी मंदार चोळकर आणि अनुराधा नेरुरकर यांनी लिहिली आहेत. हृषीकेश रानडे, वैशाली माडे, आनंदी जोशी आणि सायली महाडिक या गायक-गायिकांनी ती गायली आहेत.
संगीतकार म्हणून खूप काम करत राहण्याची, वेगवेगळे कवी/गीतकार, गायक यांच्यासोबत काम करण्याची माझी इच्छा आहे. नवीन नवीन गीतप्रकार हाताळण्याची इच्छा असून, दर्जेदार काम करण्याचा माझा प्रयत्न असेल.
- सोमेश नार्वेकर
हल्लीच्या टेक्नोसॅव्ही जगामध्ये ऑनलाइन म्युझिकची चांगली चलती आहे. कोणतंही गाणं ऑनलाइनच्या माध्यमातून लोकांपर्यंत चटकन पोहोचतं. हीच गोष्ट ओळखून सोमेश नार्वेकर या तरुण कलाकारानं युट्यूब आणि अन्य ऑनलाइन पोर्टल्सच्या माध्यमातून रसिकांपर्यंत पोहोचण्याचा पर्याय निवडला आहे. आत्तापर्यंत जवळपास २.५ लाख लोकांपर्यंत त्यानं या माध्यमातून आपल्या रचना सादर केल्या आहेत. तंत्रज्ञानाचा योग्य वापर संगीतात कसा करावा याचं एक उत्तम उदाहरण त्यानं लोकांसमोर उभं केलं आहे.
काही वर्षांपूर्वी गाण्यांची निर्मिती केवळ चित्रपट किंवा स्वतःच्या अल्बमससाठी केली जात होती. ही गाणी मर्यादित लोकांपर्यंतच पोहोचत असत. मात्र आता काळ बदलत चालला असून, अधिकाधिक लोकांपर्यंत रचना पोहोचवण्यावर आता भर दिला जातोय. सोमेशसुद्धा युट्यूब, फेसबुकचा वापर करत गाणी, स्वतःच्या रचना पोहोचवत आहे. सोमेश नार्वेकर या त्याच्या युट्यूब चॅनेलला ९०० हून अधिक सबस्क्राइबर्स आणि अडीच लाखांहून अधिक व्ह्यूज मिळाले आहेत.
‘त्या सांज किनाऱ्यापाशी’, ‘चाहूल’, ‘त्या सांज किनाऱ्यापाशी Unplugged’, ‘तुझ्यासवे’, ‘मन वेडे पाखरू’, ‘माझ्या मनातले’, ‘देव माझा’ या त्यानं संगीतबद्ध केलेल्या गाण्यांचे म्युझिक व्हिडिओज सध्या युट्युबवर हिट असून त्यांना खूप चांगला प्रतिसाद मिळत आहे. ‘मौनात बोलते रात’, ‘तोच चेहरा तुझा’, ‘माझ्या सावळ्या विठ्ठला’ या अल्बम्साठी त्यानं संगीत दिग्दर्शन केलं असून, यामध्ये संगीतातले वेगवेगळे प्रयोग त्याने केले आहेत. प्रोग्रामिंग तसेच लाइव्ह म्युझिक या दोन्हीचा उत्तम वापर त्यानं संगीतामध्ये केला आहे. दर्जेदार चालींमुळे रसिकांपर्यंत या संगीतरचना पोहोचत आहेत. विशेषतः गणेशोत्सव, आषाढी एकादशीच्या निमित्तानं त्यानं केलेल्या गाण्यांना लोकांकडून पसंती मिळतेय.
त्याचे वडील भगवंत नार्वेकर हे संगीतकार असल्याने घरात संगीताचं वातावरण होतं. त्यामुळे त्याचा फायदा कामामध्ये झाल्याचे तो सांगतो. आपलं काम चोख असेल तर रसिकांची साथ मिळतेच, असं तो म्हणतो. केवळ चांगली चाल लावून सोमेश थांबत नाही. गाण्याची अरेंजमेंट, त्यासाठी चांगलं रेकॉर्डिंग, चांगल्या वादकांची निवड यासाठी तो मेहनत घेतोय. त्यामुळेच त्याला रसिकांची दाद मिळत आहे. साधारणपणे युट्यूबसाठी गाणी तयार करताना अनेकदा चालढकल करून काम केलं जातं. मात्र त्याला फाटा देत सोमेशनं गाण्याला न्याय देण्याचा पूर्ण प्रयत्न केला आहे. शब्दांचा अर्थ आणि गाण्यातला गोडवा, त्याचा मूळ भाव न बिघडवता गाण्यात नवनवीन प्रयोग करण्याची खूप इच्छा असून त्यासाठी येत्या काळात सोमेश प्रयत्न करणार आहे.
चित्रपटासाठीही संधी
अल्बम्स, सिंगल्स यांच्याबरोबरच चित्रपटाला संगीत देण्याचा प्रयत्नसुद्धा सोमेशनं केला असून, आगामी ‘एक सत्य’ आणि ‘देह’ या दोन मराठी चित्रपटांचं संगीत त्यानं केलं आहे. यातली गाणी मंदार चोळकर आणि अनुराधा नेरुरकर यांनी लिहिली आहेत. हृषीकेश रानडे, वैशाली माडे, आनंदी जोशी आणि सायली महाडिक या गायक-गायिकांनी ती गायली आहेत.
संगीतकार म्हणून खूप काम करत राहण्याची, वेगवेगळे कवी/गीतकार, गायक यांच्यासोबत काम करण्याची माझी इच्छा आहे. नवीन नवीन गीतप्रकार हाताळण्याची इच्छा असून, दर्जेदार काम करण्याचा माझा प्रयत्न असेल.
- सोमेश नार्वेकर