ज्ञानेश्वरी वेलणकर, कॉलेज क्लब रिपोर्टर मानवाची होत गेलेली उत्क्रांती हा आजही अनेकांसाठी कुतूहलाचा विषय आहे. हीच आगळीवेगळी संकल्पना घेऊन अंधेरीच्या सरदार पटेल कॉलेज ऑफ इंजिनीअरिंगमध्ये ‘स्पेस’ एक फेस्टिवल सुरू झाला असून, तो २८ फेब्रुवारीपर्यंत चालणार आहे. या फेस्टिवलचे बहुतांश इव्हेंट्स हे या संकल्पनेवर आधारित आहेत. ‘महाराष्ट्र टाइम्स’ या फेस्टिवलचा मीडिया पार्टनर आहे. या फेस्टचं यंदा ३३वं वर्ष असून, ‘व्हॉयेज द इव्होल्यूशन’ ही संकल्पना त्यासाठी घेण्यात आलीय. फेस्टिवलमध्ये यंदाही अनेक धम्माल इव्हेंट्सचा समावेश करण्यात आला आहे. या वर्षीचं खास आकर्षण म्हणजे 'विस्वा कल्याण रथ' आणि अजिम बनाटवाला यांचा 'कॉमेडी नाइट्स' हा विशेष कार्यक्रम. हा विनोदी कार्यक्रम पोट दुखेपर्यंत हसायला लावणारा आहे. ‘डीजे विरुद्ध ढोल’ असा आगळावेगळा सामना यावेळी रंगणार असून, त्या निमित्तानं डीजेच्या ठेक्याबरोबर ढोलांचा आवाज दुमदुमताना ऐकायला मिळेल. तरुणाईमध्ये खास आकर्षण असलेला 'रॉकबँड', ‘फॅशन शो’, ‘स्ट्रीट प्ले’, ‘स्ट्रीट डान्स’, सोलो/ड्यूएट गाणं, सोलो/ड्यूएट डान्स अशा एकाहून एक सरस इव्हेंट्सची रेलचेल 'स्पेस'मध्ये बघायला मिळेल. 'बीट-बॉक्सिंग'चा समावेश यंदा करण्यात आला आहे. लिटररी आर्टसमध्ये ‘टेरिबल टायनी टेल्स’, ‘जस्ट अ मिनट’, ‘स्पेल बी’, ‘म्युझिक टेल्स’, व्याख्यानमाला या इव्हेंट्सची रेलचेल आहे. क्रीडाप्रेमींसाठी बॉक्सक्रिकेट, रिंक फूटबॉल, लॅन गेमिंग, काऊंटर स्ट्राइक, फिफा यांसारख्या स्पर्धा भरवण्यात येणार आहेत. याशिवाय हॉगाथॉन, गेम ऑफ थ्रोन्स, निऑन क्रिकेट, अमेझिंग रेस, पेंटबॉल, मिनट टू विन या इव्हेंटना जोरदार प्रतिसाद मिळतोय.
कॅम्पसमध्ये दिसणार‘उत्क्रांती’वीर
मानवाची होत गेलेली उत्क्रांती हा आजही अनेकांसाठी कुतूहलाचा विषय आहे. हीच आगळीवेगळी संकल्पना घेऊन अंधेरीच्या सरदार पटेल कॉलेज ऑफ इंजिनीअरिंगमध्ये ‘स्पेस’ एक फेस्टिवल सुरू झाला असून, तो २८ फेब्रुवारीपर्यंत चालणार आहे.
Maharashtra Times 27 Feb 2016, 3:05 am