वायु​पुत्रची भरारी!

एक विमान वायुवेगाने गोलाकार ट्यूबमध्ये फोल्ड होऊन आत प्रवेश करतं आणि बाहेर येताना सुस्तिथीत बाहेर येतं, हे वाचून हा ‘ट्रान्सफॉर्मर’मधला एखादा सीन असेल असं पहिल्यांदा वाटत असेल. पण हा सीन नसून हे सत्यात उतरवलंय ते टीम वायूपुत्रने.
आकाश कदम, कॉलेज क्लब रिपोर्टर
माटुंग्याच्या वीरमाता जिजाबाई टेक्नोलॉजिकॅल इन्स्टिट्यूट यांनी २०११ ला "टीम वायूपुत्र" चालू केलं आणि अवघ्या काही वर्षात त्यांनी वायुवेगाने आपला एक वेगळाच ठसा उमटवला आहे. ‘अमेरिकन इन्स्टिट्यूट ऑफ एरोनॉटिक्स अँड एअरोनॉटिक्स’ संघटना आंतराष्ट्रीय पातळीवर एअरो मॉडेलिंग स्पर्धा घेते. ही स्पर्धा एप्रिलमध्ये ऍरिझोना, यूएसए इथे होणार आहे. या वर्षी स्पर्धेत संपूर्ण जगातून दीडशे कॉलेजांनी भाग घेतला होता, त्यातली १०० कॉलेज या स्पर्धेला पात्र ठरली. भारतातून पात्र झालेल्या फक्त ३ कॉलेजांमध्ये एक वायूपुत्र आहे. एप्रिल २०१७ मध्ये होणाऱ्या पुढच्या स्पर्धेसाठी या टीमने कंबर कसली आहे. ‘दिवस रात्र एक करून टीमचे सदस्य काम करतात आणि आमचा जगात नंबर एक येण्याचा मानस नक्कीच पूर्ण होईल,’ असे टीमचा कॅप्टन कल्पेश जयकर सांगतो.
स्पर्धेत एकूण चार मिशन असतात त्यातल्या दुसऱ्या मिशनमध्ये विमान फोल्ड करून एका गोलाकार ट्यूब मधून पार करायचं आहे. दर वर्षी काही तरी नवीन संशोधन करायची इच्छा असणाऱ्या या टीमने या वेळेसही काही भन्नाट शक्कल लढवली आहे. इतर विमानं ‘३ आइस हॉकी पक’चा पेलोड उचलू शकतात, तर टीम वायूपुत्र ५ ‘पेलोड’ उचलणार आहे. ऐरोडायनामिक, प्रोपोल्शन, स्र्कक्रचर, बांधकाम असे विभाग असून ८ सदस्य या विमानावर काम करतात. टीमच्या इतर माहितीसाठी ही वेबसाईट www.aerovjti.com आहेच.
‘दरवर्षी प्रमाणे याही वर्षी स्पर्धेत अव्वल येण्याचा आमचा प्रयत्न असेल. यामुळे संपूर्ण देशाला आमचा अभिमान वाटेल,अशी कामगिरी आम्ही बजावू.’
-डॉ. मंदार तेंडोलकर, फॅकल्टी अॅडवायजर
विमानाची वैशिष्ट्ये टॉप स्पीड - ८० किमी/तास मोटर -१०००किव्होल्ट विंगची लांबी-१०० सेमी एकूण खर्च-४ लाख रुपये.