कौस्तुभ तिरमल्ले, कॉलेज क्लब रिपोर्टर
हात दाखवून टॅक्सी थांबवायची किंवा मोबाइलवर अॅपवरुन टॅक्सी बुक करायची हे तुमच्यासाठी नेहमीचं असेल. पण, आता येणार आहे हवाई टॅक्सी. ही टॅक्सी नेमकी कशी असेल? त्यातून प्रवास कसा होईल हे जााणून घ्यायचं असेल, ३ ते ५ जानेवारीदरम्यान रंगणाऱ्या आयआयटी, मुंबईच्या 'टेकफेस्ट'ला हजेरी लावायला हवी. 'महाराष्ट्र टाइम्स' या फेस्टिव्हलचा मीडिया पार्टनर आहे.
वाढत्या लोकसंख्येमुळे रस्त्यावर वाहतूककोंडीचं प्रमाण खूप वाढलं आहे. त्यामुळे वायूप्रदूषण, ध्वनिप्रदूषण वाढतं, कामाचे तास वाया जातात. पण, वाहतूककोंडीचा सामना करावा लागणार नाही अशी ही हवाई टॅक्सी लवकरच 'टेकफेस्ट'मध्ये पाहायला मिळेल. नाशिकमधील इंजिअनीरिंगच्या विद्यार्थ्यांनी या 'एअर टॅक्सी'ची निर्मिती केली आहे. कमीत कमी वेळेत प्रवास घडवण्यासाठी हे वाहतुकीचं उत्तम साधन असेल. त्यामुळे रस्त्यांवर वाहतूककोंडी कमी होईल. त्याबरोबरच ही टॅक्सी सौरऊर्जेनं चार्ज होणाऱ्या बॅटरीवर चालणार असल्यानं इंधनाची गरज लागणार नाही. तसंच प्रदूषणही होणार नाही.
'टेकफेस्ट'मध्ये होणाऱ्या तंत्रज्ञानविषयक प्रदर्शनात देशा-विदेशातील तंत्रप्रेमी विद्यार्थी सहभाग होणार आहेत. यावर्षी एकूण ८ देशांतले तंत्रप्रेमी विद्यार्थी यात सहभागी होत असून, यात एकूण अठरा प्रकारचं अत्याधुनिक तंत्रज्ञानाचे आविष्कार पाहायला मिळतील. त्यापैकी ९ प्रकारची तंत्रज्ञान प्रदर्शनं हे भारतातल्या विद्यार्थ्यांची आहेत. परदेशी विद्यार्थ्यांमध्ये जपानच्या विद्यार्थ्यांचाही समावेश आहे. वाहतूककोंडीची समस्या निर्माण होऊ नये, पर्यावरणास अनुकूल पद्धतीनं प्रवास व्हावा म्हणून या हवाई टॅक्सीची निर्मिती करण्यात आल्याचं सांगितलं जातं.
कसं करायचं बुकिंग?
ज्याप्रमाणे मोबाइल अॅपद्वारे टॅक्सीचं बुकिंग केलं जातं, तसंच एअर टॅक्सीचंही बुकिंग करता येईल. बुकिंग करतानाच प्रवाशांना दोन, चार अशी आसनक्षमता असलेल्या टॅक्सीतून एका पर्यायाची निवड करता येईल.
हवाई टॅक्सीची काही वैशिष्ट्यं
●० पर्यावरणस्नेही असलेल्या या टॅक्सीमध्ये आणीबाणीच्या परिस्थितीत उपयुक्त ठरू शकणाऱ्या पॅराशूटची सुविधा देण्यात आली आहे.
●० एक हजार किलो वजन नेण्याची या टॅक्सीची क्षमता असून, एकदा चार्ज केल्यावर ती ३० मिनिटं उडू शकते.
० जमिनीपासून २ हजार मीटर उंच उडण्याची आणि प्रति तास १२० किलोमीटर वेगानं उडण्याची या टॅक्सीची क्षमता आहे.
●० रनवेवर धावावं न लागता ही टॅक्सी थेट टेक-ऑफ आणि लँडिंग करेल.
हात दाखवून टॅक्सी थांबवायची किंवा मोबाइलवर अॅपवरुन टॅक्सी बुक करायची हे तुमच्यासाठी नेहमीचं असेल. पण, आता येणार आहे हवाई टॅक्सी. ही टॅक्सी नेमकी कशी असेल? त्यातून प्रवास कसा होईल हे जााणून घ्यायचं असेल, ३ ते ५ जानेवारीदरम्यान रंगणाऱ्या आयआयटी, मुंबईच्या 'टेकफेस्ट'ला हजेरी लावायला हवी. 'महाराष्ट्र टाइम्स' या फेस्टिव्हलचा मीडिया पार्टनर आहे.
वाढत्या लोकसंख्येमुळे रस्त्यावर वाहतूककोंडीचं प्रमाण खूप वाढलं आहे. त्यामुळे वायूप्रदूषण, ध्वनिप्रदूषण वाढतं, कामाचे तास वाया जातात. पण, वाहतूककोंडीचा सामना करावा लागणार नाही अशी ही हवाई टॅक्सी लवकरच 'टेकफेस्ट'मध्ये पाहायला मिळेल. नाशिकमधील इंजिअनीरिंगच्या विद्यार्थ्यांनी या 'एअर टॅक्सी'ची निर्मिती केली आहे. कमीत कमी वेळेत प्रवास घडवण्यासाठी हे वाहतुकीचं उत्तम साधन असेल. त्यामुळे रस्त्यांवर वाहतूककोंडी कमी होईल. त्याबरोबरच ही टॅक्सी सौरऊर्जेनं चार्ज होणाऱ्या बॅटरीवर चालणार असल्यानं इंधनाची गरज लागणार नाही. तसंच प्रदूषणही होणार नाही.
'टेकफेस्ट'मध्ये होणाऱ्या तंत्रज्ञानविषयक प्रदर्शनात देशा-विदेशातील तंत्रप्रेमी विद्यार्थी सहभाग होणार आहेत. यावर्षी एकूण ८ देशांतले तंत्रप्रेमी विद्यार्थी यात सहभागी होत असून, यात एकूण अठरा प्रकारचं अत्याधुनिक तंत्रज्ञानाचे आविष्कार पाहायला मिळतील. त्यापैकी ९ प्रकारची तंत्रज्ञान प्रदर्शनं हे भारतातल्या विद्यार्थ्यांची आहेत. परदेशी विद्यार्थ्यांमध्ये जपानच्या विद्यार्थ्यांचाही समावेश आहे. वाहतूककोंडीची समस्या निर्माण होऊ नये, पर्यावरणास अनुकूल पद्धतीनं प्रवास व्हावा म्हणून या हवाई टॅक्सीची निर्मिती करण्यात आल्याचं सांगितलं जातं.
कसं करायचं बुकिंग?
ज्याप्रमाणे मोबाइल अॅपद्वारे टॅक्सीचं बुकिंग केलं जातं, तसंच एअर टॅक्सीचंही बुकिंग करता येईल. बुकिंग करतानाच प्रवाशांना दोन, चार अशी आसनक्षमता असलेल्या टॅक्सीतून एका पर्यायाची निवड करता येईल.
हवाई टॅक्सीची काही वैशिष्ट्यं
●० पर्यावरणस्नेही असलेल्या या टॅक्सीमध्ये आणीबाणीच्या परिस्थितीत उपयुक्त ठरू शकणाऱ्या पॅराशूटची सुविधा देण्यात आली आहे.
●० एक हजार किलो वजन नेण्याची या टॅक्सीची क्षमता असून, एकदा चार्ज केल्यावर ती ३० मिनिटं उडू शकते.
० जमिनीपासून २ हजार मीटर उंच उडण्याची आणि प्रति तास १२० किलोमीटर वेगानं उडण्याची या टॅक्सीची क्षमता आहे.
●० रनवेवर धावावं न लागता ही टॅक्सी थेट टेक-ऑफ आणि लँडिंग करेल.