या स्वभावाच्या लोकांना छोट्या छोट्या गोष्टीवरुन राग येतो. जोडीदाराच्या अशा स्वभावामुळे तुम्हाला कधी कधी निराश किंवा हताश वाटू शकते. या परिस्थितीमध्ये तुम्ही या ५ गोष्टी करुन घरातील वातवरण शांत करु शकता. चला तर मग जाणून घेऊयात कोणत्या आहेत त्या गोष्टी.
(फोटो सौजन्य :- टाइम्स ऑफ इंडिया)
वाद वाढू देऊ नका
कोणत्याही नात्यामध्ये एक जोडीदार रागात असल्यावर दुसऱ्याने मात्र शांत राहणंच हिताचं मानलं जातं. त्यामुळे तुमच्या पार्टनरला राग आला असेल तर वाद वाढू देऊ नका. अशा वेळी तुम्ही शांत राहण्याचा प्रयत्न करा. राग पर्सनली न घेता शांत राहणे शहाणपणाचे ठरते.
खंबीर राहा
जर समोरचा व्यक्ती सतत भांडण आणि चिडचिड करत असेल आपल्याला ही राग येतो. पण अशा वेळी तुम्हाला शांत राहण्याची गरज असते. तुमच्या जोडीदाराच्या भावना आणि इच्छांचा विचार करून ज्या वेळेला त्याला राग येतो तेव्हा शांत राहा. खंबीरपणे त्यांना सांभाळण्याचा प्रयत्न करा.
(वाचा :- वेळीच सावध व्हा !, ही ५ चिन्ह दर्शवतात तुमचे नाते एकतर्फी झाले आहे)
संवाद साधा
लोक चिडचिड करतात कारण त्यांना वाटते की त्यांचे ऐकले जात नाही,त्यांना गांभीर्याने घेतले जात अशा वेळी तुमच्या जोडीदाराचा राग वाढू नये म्हणून, तुमच्या जोडीदाराने रागाच्या भारात बोललेल्या सर्व गोष्टी ऐकून घ्या. यावरुन तुम्ही त्याचे सर्व बोलणं ऐकून घेता या गोष्टीवर त्याचा विश्वास बसेल. या गोष्टीमुळे तुमचे नाते घट्ट होण्यास मदत होईल.
(वाचा :- आजी- आजोबांसोबतचे नाते अजून दृढ करण्यासाठी, या ५ गोष्टी फॉलो करा)
तुमच्या मनातील गोष्टी सांगा
जेव्हा तुमच्या जोडीदाराची भावनिक आणि मानसिक स्थिती चांगली असेल तेव्हा तुमच्या मनातील गोष्टी तुम्ही त्यांना सांगू शकता. यामुळे तुम्हाला ही हलके वाटू शकेल.
(वाचा :- माझी कहाणी : माझ्या गर्लफ्रेंडचे आई-वडिल आमच्या लग्नाला कडाडून विरोध करतायत, कारण ऐकून म्हणाल…!)
जोडीदाराला समजून घ्या
जोडीदाराला समजून घेण्याचा प्रयत्न करा. त्यांना तुमच्यावर राग काढायचा आहे म्हणून ते रागवत नाहीत तर तो त्यांचा स्वभाव आहे. त्यामुळे त्यांना समजून घेण्याचा प्रयत्न करा. तुमच्या पार्टनरचा राग ही गोष्ट बाजूला ठेवून ते माणूस म्हणून कसे आहे या गोष्टीकडे लक्ष द्या.
(वाचा :- सोशल मीडियामुळे 'का रे दुरावा?', नातं टिकवण्यासाठी पाच मंत्र लक्षात ठेवा)