‘आई कुठे काय करते’ मालिकेतील अभिनेता मिलिंद गवळी यांनी आपल्या मुलीसाठी भावूक पोस्ट लिहिली आहे. आपल्या लहान मुलांना आपण शिकवत असतो. मात्र आपल्या मुलीकडून आपण नक्की काय शिकलो याबाबत मिलिंद गवळी यांनी सांगितले आहे. (फोटो सौजन्य - @milindgawali
Instagram)
मिलिंद गवळीची भावूक पोस्ट
मिलिंद गवळीच्या भावना
‘Choose your profession you love and you will never ever have to WORK in your life.’ व्यवसाय असा शोधा की आयुष्यभर आपल्याला काम करावंच लागणार नाही. आपण आपल्या मुलांना त्यांच्या लहानपणापासून खूप काही शिकवत असतो, पण आपल्याला कळतच नाही की आपली मुलं कधी मोठी होतात आणि आपल्यालाच त्यांच्याकडून शिकायला लागतं असं मिलिंद गवळी यांनी आपल्या मुलीबाबत ‘राजश्री’ ला दिलेल्या मुलाखतीमध्ये सांगितलं.
मुलगी मिथिलाने निवडले प्रोफेशन
या मुलाखतीमध्ये मिथिला म्हणाली की “ मी हे प्रोफेशन यासाठी choose केलं की दिवसभराच्या कामानंतर मला stress नको होता ,तर शांत झोप हवी होती”, ही गोष्ट मी तिला शिकवायची राहून गेली होती, अशी भावना व्यक्त करत त्याने पुढे सांगितले की, ‘माझ्या उमेदीच्या काळात ही इतकी महत्त्वाची गोष्ट मलाच ठाऊक नव्हती, इतक्या गोष्टी मी आयुष्यात केल्या, पण हा विचार करायचा राहूनच गेला’.
(वाचा - ६० व्या वर्षी अभिनेता आशिष विद्यार्थीने केले लग्न, कशी झाली रूपाली बरूआशी भेट)
आपल्याला मात्र छान झोप लागली
सुदैवाने ज्या गोष्टीवर माझे इतकं प्रेम आहे, ज्या गोष्टीची मला लहानपणापासून आवड आहे, आणि ते म्हणजे ॲक्टिंग, आणि नकळतपणे त्यालाच प्रोफेशन म्हणून घेतल्यामुळे मला आयुष्यभर छान झोप लागली.
असं म्हणतात की दिवसभरात इतकं माणसाने काम करावं की रात्री अंथरुणावर पडल्या पडल्या मेल्यासारखी झोप लागायला हवी, आपण पैसे मिळवण्यासाठी एखादे काम निवडतो, आणि पैसे पण भरपूर मिळतात पण खूप स्ट्रेस येऊन माणसाची झोपच उडते, मिथिलाशी गप्पा मारून मी खूपच शिकलो, आणि भारावून पण गेलो.
(वाचा - Natasha Poonawalla आणि अदारची झाली गोव्याची पार्टीत पहिली भेट, अशी झाली लव्ह स्टोरीची सुरुवात)
मुलीकडून आता शिकायची गरज
हे एवढेस पिल्लू जिला मी तिच्या जन्मावर अवघ्या 35 मिनिटांत लगेच कुशीत घेतलं होतं, नाजूक कापसाचा गोळा जसा, तीच आता इतकी strong झाली आहे, फक्त physically नाही तर mentally सुद्धा. आता जाणीव व्हायला लागली की आता या मुलीला शिकवायची नाही तर तिच्याकडून शिकायची आपल्यालाच गरज आहे.
शरीर निरोगी असणं गरजेचे हे मुलीने शिकवले
आपलं शरीर सुदृढ असणं, निरोगी असणं किती गरजेचा आहे आणि आपलं शरीरच हा आयुष्याचा प्रवास आपल्याला घडवणार आहे, आणि तो आपल्या आयुष्याचा प्रवास फुल ऑफ एनर्जी full of energy आणि आनंदाने घडत असेल, तर तो सुखकारक नक्कीच होणार.
त्यामुळे आपल्या शरीरात नको असलेले एक्स्ट्रा बॅगेज extra baggages काढून टाकणे गरजेचे आहे आणि ते जर आपल्याला जमत नसेल तर मिथिला सारखा एखाद्या मार्गदर्शकाला शोधा आणि आपल्या आयुष्याच्या नवीन प्रवासाला सुरुवात करा. मी नशीबवान आहे की मला माझा हा कोच माझ्याच घरी सापडला आहे.
वडील मुलीचे नाते
मिलिंद गवळी आणि त्यांची मुलगी मिथिला यांच्याकडून वडील मुलीचे नाते कसे असावे हे नक्कीच शिकण्यासारखे आहे. आपल्या मुलांकडून जर एखाद्या चांगल्या गोष्टी शिकायला मिळत असतील तर त्यात कोणतीच लाज बाळगण्याची गरज नाही अथवा अहंकाराचीही गरज नाही. मुलांकडून शिकून ते स्वीकारण्यात अभिमानच वाटायला हवा हेच एक पालक म्हणून मिलिंद गवळी यांनी दाखवून दिलंय.