firststep, #firsttime, #myheart असे हॅशटॅग वापरुन आपल्या चिमुकल्यानं टाकलेलं पहिलं पाऊल ते त्यानं उच्चारलेला पहिला शब्द सोशल मीडियावरुन शेअर केलं जातं. पण हे आई-बाबांच्या नव्हे तर त्या लहानग्यांच्या अकाऊंटवरुन. सध्या काही पालक त्यांच्या मुलांचं सोशल मीडियावर अकाऊंट सुरु करुन त्यांचं बालपण जगू पाहतायत.
बालपण करतो एन्जॉय
आमच्या पिढीची सोशल मीडियाशी फार उशीरा ओळख झाली. त्यामुळे निदान मुलांचं तरी अकाऊंट त्यांच्या लहानपणापासून असावं या कल्पनेनं मी माझ्या मुलाचं अकाऊंट सुरु केलं. कौतुकापोटी मी त्याचे फोटो आणि व्हिडीओ त्याच्या फेसबुक अकाऊंटवरुन शेअर करते. या फोटोंचा गैरवापर केला जाऊ शकतो, असे सल्ले मला सुरुवातीला दिले गेले. पण पूर्ण खबरादरी घेऊन मी पोस्ट टाकत असते. कधी-कधी मी त्याला पोस्ट्स दाखवत असते, तेव्हा तोही ते एन्जॉय करतो. एकंदरच आम्ही सोशल मीडियावर त्याचं बालपण एन्जॉय करतोय.
दीपाली कुलकर्णी
गंमतीशीर व्हिडीओजची मेजवानी
वर्षभरापूर्वी इन्स्टाग्रामवर 'मिला अँड एमा' या जुळ्या भावंडाचं अकाऊंट चांगलच गाजत होतं. ते बघून माझ्या मुलाचं म्हणजे आरियनचं इन्स्टा अकाऊंट सुरु करु या अशी मला कल्पना सुचली. त्यानंतर अकाऊंट सुरु करुन त्याचे फोटो आणि गंमतीशीर व्हिडीओ आम्ही पोस्ट करत असतो. वर्षभरापूर्वी अकाऊंट सुरु केल्यापासून आतापर्यंत त्याला सकारात्मक प्रतिसाद मिळतोय. जे आरियनला भेटू शकत नाहीत त्यांना या अकाऊंटमुळे अपडेट्स मिळत असतात. पुढे तो मोठा झाल्यावर त्याच्या लहानपणीच्या आठवणरुपी पोस्ट त्याला बघायला मिळतील
केतकी चांदे
खबरदारी अन् लक्षही
माझ्या दोन्ही मुली म्हणजे आसावरी आणि अंतराचं आम्ही फेसबुक आणि इन्स्टाग्राम अकाऊंट सुरु केलंय. त्यावरुन आम्ही त्या दोघींचे फोटो आणि त्यांना आवडत असलेल्या सेलिब्रिटीचे फोटो पोस्ट करतो. सुरुवातीला वाईट अनुभव आले म्हणून खबरदारी घेतो. आसावरीला कळू लागल्यामुळे ती तिचं अकाऊंट बघते, पण आमच्या परवानगीशिवाय काहीही पोस्ट केलं जातं नाही. फ्रेंड रिक्वेस्ट आणि मेसेजवर आमचं विशेष लक्ष असतं. आताच्या आधुनिक तंत्रज्ञानाच्या युगात मुली मागे पडू नयेत, म्हणून आम्ही त्यांची सोशल मीडिया अकाऊंट्स सुरु केली.
दीपाली जोशी
संकलन- शब्दुली कुलकर्णी
बालपण करतो एन्जॉय
आमच्या पिढीची सोशल मीडियाशी फार उशीरा ओळख झाली. त्यामुळे निदान मुलांचं तरी अकाऊंट त्यांच्या लहानपणापासून असावं या कल्पनेनं मी माझ्या मुलाचं अकाऊंट सुरु केलं. कौतुकापोटी मी त्याचे फोटो आणि व्हिडीओ त्याच्या फेसबुक अकाऊंटवरुन शेअर करते. या फोटोंचा गैरवापर केला जाऊ शकतो, असे सल्ले मला सुरुवातीला दिले गेले. पण पूर्ण खबरादरी घेऊन मी पोस्ट टाकत असते. कधी-कधी मी त्याला पोस्ट्स दाखवत असते, तेव्हा तोही ते एन्जॉय करतो. एकंदरच आम्ही सोशल मीडियावर त्याचं बालपण एन्जॉय करतोय.
दीपाली कुलकर्णी
गंमतीशीर व्हिडीओजची मेजवानी
वर्षभरापूर्वी इन्स्टाग्रामवर 'मिला अँड एमा' या जुळ्या भावंडाचं अकाऊंट चांगलच गाजत होतं. ते बघून माझ्या मुलाचं म्हणजे आरियनचं इन्स्टा अकाऊंट सुरु करु या अशी मला कल्पना सुचली. त्यानंतर अकाऊंट सुरु करुन त्याचे फोटो आणि गंमतीशीर व्हिडीओ आम्ही पोस्ट करत असतो. वर्षभरापूर्वी अकाऊंट सुरु केल्यापासून आतापर्यंत त्याला सकारात्मक प्रतिसाद मिळतोय. जे आरियनला भेटू शकत नाहीत त्यांना या अकाऊंटमुळे अपडेट्स मिळत असतात. पुढे तो मोठा झाल्यावर त्याच्या लहानपणीच्या आठवणरुपी पोस्ट त्याला बघायला मिळतील
केतकी चांदे
खबरदारी अन् लक्षही
माझ्या दोन्ही मुली म्हणजे आसावरी आणि अंतराचं आम्ही फेसबुक आणि इन्स्टाग्राम अकाऊंट सुरु केलंय. त्यावरुन आम्ही त्या दोघींचे फोटो आणि त्यांना आवडत असलेल्या सेलिब्रिटीचे फोटो पोस्ट करतो. सुरुवातीला वाईट अनुभव आले म्हणून खबरदारी घेतो. आसावरीला कळू लागल्यामुळे ती तिचं अकाऊंट बघते, पण आमच्या परवानगीशिवाय काहीही पोस्ट केलं जातं नाही. फ्रेंड रिक्वेस्ट आणि मेसेजवर आमचं विशेष लक्ष असतं. आताच्या आधुनिक तंत्रज्ञानाच्या युगात मुली मागे पडू नयेत, म्हणून आम्ही त्यांची सोशल मीडिया अकाऊंट्स सुरु केली.
दीपाली जोशी
संकलन- शब्दुली कुलकर्णी