जोडीदाराच्या काही अपेक्षा...

आधी पुरुषाची जोडीदाराकडून अपेक्षा असायची की तिने घर उत्तमरित्या सांभाळावे. आईवड‌लिांची काळजी घ्यावी. आणि थोडे ‘प्रेझेंटेबल’ही राहावे. मात्र आता पुरुषांचे विचार बदलत आहेत. त्यांनाही वाटते की, जोडीदार करिअर ओरिएण्डेट असावी. तिला क्रिकेटची मॅच बघायला आवडावी. ती बातम्यांबाबत अपडेट असावी. तेव्हा या गोष्टी लक्षात घ्या...तुमच्याही फायद्याच्या ठरतील.

> करिअर ओरिएण्टेड असावे

नुकत्याच झालेल्या एका सर्वेक्षणानुसार, ८३.५ टक्के पुरुषांचे म्हणणे आहे की, त्यांना असा पार्टनर आवडतो की जो करिअर ओरिएण्टेड आहे. एचआर कंपनीत कार्यरत अजय सिंह म्हणतात, मी सकाळी ८ वाजता ऑफिससाठी निघतो. रात्री ९ वाजता परत येतो. सुमारे १३ तास मी घराबाहेर असतो. बायको घरी एकटीच असते. वेळ घालविण्यासाठी बहुतेकवेळी ती शॉपिंगला जाते. यात नाहक खर्च होतो. तेव्हा तिनेही काम करावे, स्वत:ला गुंतवावे, असे वाटते.

> क्रिकेटची मॅच एकत्र बघावी

बहुतांशवेळी घरात वाद होतो तो टीव्ही बघण्याच्या सवयीमुळे. एकसारख्या आवडी नसल्याने एकाच वेळी टीव्ही बघणे शक्य होत नाही. विशेषत: क्रिकेट मॅचवरून तर घराघरात वादळ उठते. सर्व्हेनुसार, ७६.६ टक्के पुरुषांना क्रिकेट मॅच बघायला आवडते. त्यावेळी त्यांची इच्छा असते की, जोडीदारानेही आपल्यासोबत मॅच बघावी. मॅच दोघांनाही एन्जॉय करता यावी.

> बातम्यांबाबत राहावे अपडेट

आपला जोडीदाराने बातम्यांबाबत सतत अपडेट राहावे, अशी पुरुषांची अपेक्षा असते. त्यामुळे प्रत्येक घडामोडीवर, विषयांवर दोघांमध्ये चर्चा शक्य होईल. आवडीने ती केली जाईल. वेब डेव्हलपर सुशांत शर्मा म्हणतात, मला नाही वाटत की माझ्या जोडीदाराने बातम्यांबाबत अपडेटच असावे. देशात होणाऱ्या घडामोडी तिला ठाऊक असाव्यात, तितकी माहिती नक्की ठेवावी, असे वाटते. यामुळे एखादवेळी अशा मुद्यांवर चर्चा झाली तर त्यात तीदेखील सहभागी होऊ शकेल.

> रिअॅलिटी शो बघू नये

८० टक्के लोकांचे म्हणणे आहे की, त्यांच्या जोडीदाराने रिअॅलिटी शोज बघू नयेत. रिअॅलिटी शो बघताना ती इतकी गुंग होऊन जाते की, अन्य बाबींकडे तिचे लक्षच राहत नाही. याबाबत एरिया मॅनेज आशिष रंजन म्हणतात, तुम्हाला काय वाटते आयुष्यात कमी ड्रामा आहे, की रिअॅलिटी शो बघण्याची गरज पडावी! विचार करा, तुम्ही पत्नीसोबत फोनवर बोलत आहात आणि ती रिअॅलिटी शो आहे म्हणून तुमचा कॉल कट करते. तुम्हाला काय वाटेल? सॉफ्टवेअर इंजिनीअर किशोर अनुभव सांगताना म्हणतो, बिग बॉस सुरू असताना मी कॉल केला तर माझी बायको त्याकडे दुर्लक्ष करायची. मेसेजलाही प्रतिसाद द्यायची नाही. परिस्थिती अशी की घरी गेलो की ती कार्यक्रमात गुंग दिसायची. मनस्ताप व्हायचा.

सतत फोनला चिपकून असणाऱ्या महिला पुरुषांना अजिबात आवडत नाहीत. ७८.३ टक्के पुरुषांना अशा महिलांचा राग येत असल्याचे सर्व्हेत स्पष्ट झाले आहे. तसेच या सर्व्हेनुसार, ६६.१ टक्के पुरुषांना वाटते की, ऑफिसमधील सहकारी आयुष्याची जोडीदार होण्याहून वाईट दुसरे काही नाही. बँक मॅनेजर आदिती रॉय म्हणतात, पती-पत्नीचे एका ऑफिसमध्ये काम करणे मला मान्य नाही. माझ्या एका सहकाऱ्याच्या पत्नीचाच अनुभव. ती काळवेळ न बघता नवऱ्यावर ओरडते. चिडते. त्यांच्यात नेहमी वाद होतात. विशेषत: दोघेही ऑफिसमध्ये एकमेकांचे स्पर्धक असल्यास परिस्थिती आणखी गंभीर होते.