घरातील वा आयुष्यातील आनंद द्विगुणित करणा-या अशा या नव्या परीला किंवा प्रेयसीला आनंदाचे दोन क्षण देणं प्रत्येक नव-याचं कर्तव्य असतं. तिचा दिवस का आनंदाने भरु नये? पण ब-याचदा मुलांना हेच समजत नाही की कोणतं गिफ्ट दिल्याने बायको किंवा प्रेयसी खुश होईल किंवा तिला जास्त गरज कोणत्या वस्तूची आहे हेच समजायला मार्ग नसतो. पण मित्रांनो, जेव्हा आपल्याला माहित नसतं की बायकोला कोणत्या वस्तूची गरज आहे तेव्हा फसवी युक्ती करण्यापेक्षा खाली दिल्याप्रमाणे न्युट्रल गिफ्ट्स (Diwali gifts idea) द्यावे जे ती कधीही वापरु शकते व ते पाहून तिला आनंदही होऊ शकतो. चला तर जाणून घेऊया त्या खास गिफ्ट्स बाबत जी तुमच्या नात्याची दिवाळी अजून प्रकाशमय करेल.
ब्यूटी बॉक्स
तुम्हाला ब्यूटी मार्केट पासून ऑनलाईन प्लॅटफॉर्म पर्यंत ब्यूटी बॉक्स कुठेही अगदी सहजपणे मिळू शकतो. याची खरेदी करण्याआधी गप्पांच्या ओघात हे नक्की जाणून घ्या की, कोणत्या खास एलिमेंट्स, प्रोडक्ट्सची अॅलर्जी तर नाही ना? उत्तम तर हेच आहे की, तुमची बायको आधीपासून वापरत असलेला ब्यूटी बॉक्स तिला द्या. कारण याची तिच्या त्वचेला सवय झालेली असेल व अॅलर्जीही होणार नाही. यासाठी तुम्ही एखाद्या तिच्या जवळच्या मैत्रीणीचा सल्लाही घेऊ शकता. यामुळे सरप्राईजची मजा कायम राहिल.
(वाचा :- प्रेमावरुन पूर्णत: विश्वास उडालेल्या काजल अग्रवालने म्हणून केला गौतम किचलूचा पती म्हणून स्वीकार!)
ट्रेंडी दागिने
भारी भक्कम वजनाचे दागिने तर मुली लग्नसोहळ्यातही घालतात पण सध्या ट्रेंड सुरु आहे तो लाईट वेट ज्वेलरीचा! कोणत्या ट्रेडिशनल सेटच्या जागी यावर्षीच्या दिवाळीत तुम्ही आपल्या बायकोला किंवा प्रेयसीला एखादं नाजुकसं ब्रेसलेट, डायमंड ड्रॉप ईयररिंग्स, सन साईन किंवा मुन साईन असलेली चेन किंवा एखादं सुंदरसं नाजूक असं पैंजण देऊ शकता. खरं तर आजकाल सिल्वर ज्वेलरीचाही ट्रेंड सुरु आहे. जर तुमच्या बायकोला असं काही पसंत असेल तर तेच घ्या, कारण अशी ज्वेलरी पारंपारिक व पाश्चिमात्य अशा दोन्ही ड्रेसवर त्या वापरु शकतात. त्यामुळे तुम्हाला आधी तिचा इंटरेस्ट तपासून पाहणं गरजेचं आहे.
(वाचा :- अजय देवगनमुळे तब्बूला राहावं लागलं सिंगल, या परिस्थितीचा अनेक मुलींना करावा लागतो सामना!)
कस्टमाइज्ड वॉच
आजकाल मुलींच्या घड्याळांमध्येही खूपच वेगवेगळे पर्याय उपलब्ध आहेत. मुलींना स्टायलीश घड्याळांचंही वेड असतं त्यामुळे हा एक चांगला पर्याय होऊ शकतो. पत्नीच्या हातात पहिल्यापासून कोणत्या कंपनीचं घडयाळ आहे हे पाहून तुम्ही त्याच कंपनीच्या नवीन डिझाइन पसंत करु शकता. तुम्ही त्याला कस्टमाइज्ड देखील करु शकता. असे कित्येक ब्रॅंड्स आहेत जे ही सुविधा आपल्या ग्राहकांना देतात. पर्सनलाइज्ड वॉच हा देखील एक पर्याय तुमच्यासमोर आहे. आता हे तुम्हालाच ठरवावं लागेल की कोणतं गिफ्ट तिला जास्त आवडेल.
(वाचा :- म्हणून अंकिता लोखंडेला झाला आपल्या वागणुकीचा पश्चाताप, मागितली प्रियकर विकीची चारचौघात माफी!)
ड्रेस की साडी
इथे आम्ही डायमंड वर्क असलेली जड साडी किंवा ड्रेस याबद्दल बोलत नाही, कारण अशा साड्या तर तिने लग्नावेळीही खरेदी केल्या असतील आणि प्रेयसी असेल तर लग्नाआधी ती अशा हेवी वर्क असलेल्या साड्या घालून तर फिरु नाही शकत ना..! तुम्ही दिलेली साडी किंवा ड्रेस तिने नेहमीच्या आयुष्यात वापरावं असं वाटत असेल तर ट्रेंडमध्ये असलेल्या साड्या आणि एकदम हलक्या फुलक्या गिफ्ट म्हणून द्या. या साड्या सावरायला सोप्या आणि दिसायलाही मॉर्डन असतात. त्यामुळे या साड्या त्या छोट्याश्या फॅमिली कार्यक्रमाला किंवा ऑफिसमध्ये जाताना नेसू शकतात. जर तुम्हाला थंडीच्या ऋतूनुसार साडी-ड्रेस गिफ्ट करायचं असेल तर वेलवेट हा सर्वात बेस्ट ऑपशन आहे. आजकाल हे फॅब्रिक जास्त ट्रेंड मध्येही आहे.
परफ्यूम
गज-याचा असो वा परफ्यूमचा, सुंगधासाठी मुली कायमच वेड्या असतात. त्यांना विविध सुगंधाचे परफ्यूम वापरायला आवडतं. ज्वेलरीचं किंवा मेकअपच्या विविध वस्तूंचं आपल्याकडे कलेक्शन असावं हे जसं मुलींना वाटतं अगदी तसंच त्यांना विविध परफ्यूमटे सेट आपल्याकडे असाव असही वाटतं. त्यामुळे तिचं आयुष्य सुगंधाने व्यापून टाकण्यासाठी तुम्ही तिला एखाद्या छानश्या चहुबाजूने दरवळणा-या परफ्यूचा सेट किंवा सिंगल परफ्यूमची बॉटल गिफ्ट करु शकता.
(वाचा :- 'या' एका कारणामुळे लग्नाआधी दोन वेळा झालं होतं काजल अग्रवालचं ब्रेकअप!)