पण हा दिवस मात्र कोणत्याही भेटवस्तूने नव्हे तर प्रेमाच्या शब्दांनी सजविला जातो. आशेचे, प्रेमाचे, विश्वासाचे शब्द हे कोणत्याही संपत्ती, पैसा, गिफ्ट्सपेक्षाही खूप मोलाचे असतात. आपल्या जोडीदाराने या दिवशी दिलेल्या आश्वासनांमुळे नात्यातील वीण अधिक घट्ट होण्यास मदत होते. पण अशी कोणती आश्वासनं आहेत जी या दिवशी दिल्यास नातं बहरतं?
जसे आहात तसेच राहा
म्हणतात ना की एक आनंदी आणि परिपूर्ण नातं तेच असतं जिथे दोन लोक एकमेकांना जसे आहेत तसे स्वीकारतात. तुम्हाला सुद्धा आपल्या जोडीदाराशी असलेलं नातं अधिक दृढ व घट्ट करायचे असेल तर त्यांना promise day 2021 या खास दिवशी निश्चितपणे सांगा की ते तुम्हाला आहे तसेच आवडतात. त्यामुळे “तू आहेस तसाच किंवा तशीच कायम राहा” नात्यात येण्याचा अर्थ असा मुळीच नाही की आपण आपल्या जोडीदारास आपल्या पद्धतीने वागण्यास जबरदस्ती करावी. आपल्या जोडीदारामध्ये जर कोणतीही कमतरता तुम्हाला दिसली तर त्यांना ती कमतरता किंवा चूक लक्षात आणून द्या. त्या एका गोष्टीसाठी त्या पूर्ण माणसालाच बदलण्याचा प्रयत्न करू नका.
(वाचा :- Happy Kiss Day 2021 wishes :- खास व्यक्तीला या रोमॅंंटिक चारोळ्या पाठवून साजरा करा ‘किस डे’!)
नातं कधीही तुटणार नाही
यात काही शंका नाही की आयुष्याच्या मार्गावर चालत असताना आपल्याला अशा बर्याच परिस्थितींचा सामना करावा लागतो, ज्याचा आपल्या नात्यावरही आपसुकच परिणाम होत जातो. पण या काळात प्रत्येक जोडप्याने संयम व समजूतदारपणे वागले पाहिजे. त्यामुळे प्रत्येक जोडप्याने प्रॉमिस डे च्या मोक्यावर एकमेकांना वचन दिले पाहिजे की नात्यात कितीही उतार-चढाव आले तरीही आपल्यातील संबंध कधीच खराब होणार नाहीत.
(वाचा :- जोडीदार लठ्ठपणा कमी करण्यासाठी प्रयत्न करत असल्यास ‘या’ ५ पद्धतींनी करा त्यांची मदत!)
नात्याला वेळ देऊ
आजकालच्या धावपळीच्या काळात लोक सहसा आपल्या आवडत्या नात्याला वेळ देणंच विसरतात. ते विसरतात की कधीकधी वेळेच्या अभावामुळे त्यांचे नाती तुटण्याच्या मार्गावर येते. या “प्रॉमिस डे”ला आपल्या जोडीदारास वचन द्या की कामात व्यस्त असतानाही तुम्ही त्यांना आवर्जून वेळ द्याल. दिवसातील ठराविक वेळ हा फक्त त्यांचा असेल हे आश्वासन त्यांना द्या. वेळ ही अशी गोष्ट आहे की ज्यामुळे आजवर अनेक चांगली चांगली नाती उद्धवस्त झाली आहेत. तुम्हाला या यादीत आपल्या नात्याचं नाव येऊ नये वाटत असेल तर जोडीदाराला हा विश्वास द्याच.
एकमेकांची काळजी घेऊ
प्रत्येक जोडप्याने एकमेकांना वचन दिले पाहिजे की ते नेहमी एकमेकांची काळजी घेतील. हे वचन यासाठी गरजेचे आहे कारण नात्यात असताना लोक एकमेकांवर प्रेम तर जीवापाड करतात, पण एकमेकांची काळजी घेणंच विसरून जातात. ज्यामुळे दोन लोकांमधील अंतर वाढू लागते. जर आपण एकमेकांच्या छोट्या छोट्या गोष्टींची काळजी घेत असाल तर आमच्यावर विश्वास ठेवा, तुमचे नाते दिवसेंदिवस अधिक बहरत जाईल. त्यामुळे प्रेमासोबतच काळजीही घेईन हे आश्वासन आपल्या जोडीदाराला promise day 2021 च्या दिवशी नक्की द्या.
(वाचा :- दीपिकाचे सुरू होते पीरियड्सचे दिवस, मग काय..तिच्या नव-याने केलेला ‘हा’ प्रताप पाहून सारेच झाले थक्क!)
टीम वर्क सारखं नातं सांभाळू
पती-पत्नीचे बंधन असो किंवा प्रेयसी-प्रियकराचे संबंध असो, टीम वर्कशिवाय कोणतेही नाते पुढे जाऊ शकत नाही. जर तुम्हाला खरोखरच आपलं नातं आणखी एक पाऊल पुढे घेऊन जायचं असेल तर मग एकमेकांना आणि स्वतःलाही वचन द्या की तुम्ही दोघंही आपलं नातं एका टीमप्रमाणे चालवाल. इतकेच नाही तर स्वयंपाकघर स्वच्छ करणं असो किंवा मग घरातील कामाची कोणतीही जबाबदारी, या सर्व कामात दोघे भागीदार होऊ हे आश्वासन एकमेकांना द्या.