नाशिक प्लस टीम
तरूणी हळव्या असतात, प्रेम व्यक्त करायला धजावत नाही, असं म्हणणे आता अयोग्य ठरतेय. धीट झालेल्या तरूणी मनमोकळ्यापणाने प्रेम व्यक्त करण्यासाठी पुढे येत आहेत. कारण, कट्ट्यावर त्याला तिच्याकडून प्रपोज केले जातेय. अभिव्यक्त होण्याची पध्दत आम्हालाही जमते, मग त्यानेच का प्रेमासाठी पुढाकार घ्यावा, असं म्हणत प्रेमाच्या कहाणीची सुरुवात तरुणींकडूनही होऊ लागली आहे.
प्रत्येक प्रेम कथेत ‘त्यानेच मला प्रपोज केलं’, असं हमखास असते. पण, आता स्पष्ट आणि ठाम भूमिका घेणाऱ्या तरुणाईने ही कहाणी बदलवायची, असं ठरवल्याचे कॅम्पसमध्ये स्पष्ट जाणवत आहे. त्याने तिला प्रपोज करावं आणि तिच्या होकाराची वाट बघत बसावं, ही प्रेम कहाणी नेहमीची झाली आहे. पण, तिने त्याला प्रपोज करावं आणि त्यानेही विचार करण्यासाठी वेळ मागावा, यात प्रेमाची नवी कथा आता जन्म घेऊ लागलीय. अभिव्यक्ती स्वातंत्र्यानुसार आम्हाला व्यक्त होण्याचा पूर्ण अधिकार आहे, असं वारंवार म्हणणारी तरुणाई आता प्रेमाच्या भावना व्यक्त करण्यासाठी बोल्ड झालीय.
फक्त मुलंच मुलींना प्रपोज करतात, असा समज त्यामुळे आता फुसला जाऊ लागलाय. ‘कसला भारी ए गं तो, ‘क्रश’ म्हणून कित्येक दिवस जिंदगी रेटायची. त्यापेक्षा प्रपोज करते त्याला… जे होईल ते होईल’, असं म्हणत तरुणी देखील प्रेमाच्या विश्वात भावनांना वाट मोकळी करत आहेत. पहिल्यांदा त्यानेच प्रपोज करावं, हे काही आजच्या तरुणींना मान्य नाही. त्यामुळे नव्या प्रेम कथा ‘तिने मला मागणी घातली’, या वाक्याच्या नक्कीच असतील यात काहीच शंका नाही. कट्ट्यावर तिच्याकडे पाहत होणारी शेरेबाजी आता, त्याच्याकडे पाहतही केली जातेय. मित्राच्या गर्लफ्रेंडची ‘वहिनी’ आवाज देऊन कॉलेजात खेचायची मक्तेदारी फक्त मुलांनीच घेतलीय, असं नाही. तर, ‘ओ भावोजी’, ‘आला बघ तुझा हिरो’, असं म्हणत ग्रुपमध्ये मैत्रिणीच्या बॉयफ्रेंडची खेचली जातेय. जेव्हा कट्ट्यावर ‘ती बघ रे आली, घे आजच विचारुन भावा… नंतर उशीर होईल’, असा हमखास टोला मित्रांकडून त्याला लगावण्यात यायचा. तेव्हा तो लागलीच तिला प्रपोज करण्यासाठी पुढाकार घ्यायचा. प्रेमाच्या या गमतीजमती आता तरुणींमध्येही बघायला मिळत आहेत. ‘प्यार किया तो डरना क्या’ म्हणत त्याला प्रपोज केले जात आहे. ‘नेहमी त्यानेच का विचारावं? आपल्या मनात त्याच्याबद्दल प्रेम आहे, हे त्याला समजण्यासाठी आपण व्यक्त व्हायला’, हा विचार तरुणी करु लागल्यात. याला परिवर्तन किंवा बदलता काळ असं, म्हणण योग्य नाही. पण, प्रेम म्हणजे फक्त तरूणांनी व्यक्त करायचं, हे आजच्या पिढीला मान्य नाही.
हॅपी प्रॉमिस डे २०२०: 'या' वचनांची करा पूर्तता
तरूणींच्या मनातल्या प्रेम भावना त्या व्यक्त करु शकतात. ज्या प्रमाणे तरूणांना नकार पचवावा लागतो. अगदी त्याचप्रमाणे ही क्षमता आमच्यातही असून शकते, असे स्पष्ट मत तरुणी व्यक्त करतात. जेव्हा आयुष्य प्रेमाच्या वळणावर येते. तेव्हा मनात काही वेगळ्याच लहरी उठतात. अर्थात, प्रत्येकाच्या मनात त्या लहरी कमी जास्त प्रमाणात असतात. पण, असतात मात्र खऱ्या. या हेतूने तरूणी देखील आपल्या मनातल्या ‘क्रश’ला प्रपोज करायला काही हरकत नाही, असं स्पष्ट मत मांडत आहेत. तरूणींना व्यक्त होणं जमत नाही. त्यांना मत मांडता येत नाहीत. त्यांनी प्रपोज केलं तर, ती अशीच आहे. तिने प्रपोज केलं म्हणजे ती गैर, ही विचारपध्दती कित्येक दिवस टिकवून ठेवायची. प्रेम हे दोघांचं असतं. मैत्रीच्या पल्याड प्रेम वाटणं स्वाभाविक आहे. मग, त्यासाठी तो विचारेल तोपर्यंत थांबू. मी प्रपोज केलं तर, इतर काय म्हणतील, हा विचार करण्याची काहीही गरज नाही. आमचे मत मांडण्यासाठी आम्ही ठाम आहोत, असं तरूणी सांगतात. प्रेम व्यक्त करण्यासाठी काही कलात्मक मार्गांचा वापर केला जाऊ शकतो. जसं, त्याने प्रपोज केलं अन् तिने होकार दिल्यावर ती त्याच्यावर हक्क गाजवते. अगदी त्याचप्रमाणे आपणही प्रेम व्यक्त केल्यास काहीही बिघडत नाही, ही ठोस भूमिका तरुणी मांडत आहेत. यामुळे तरुणाईच्या भावविश्वातल्या प्रेम व्यक्त करण्याच्या पध्दतीत जरी बदल झाला असला तरी, त्यातील प्रेम भावना आणि शाश्वती तितकीच खरी असल्याचे प्रकर्षाने जाणवते.
फोटो: ...म्हणून साजरा करतात 'प्रॉमिस डे'
नजरेतून प्रेम व्यक्त करत थेट आपल्या भावना त्याच्यापर्यंत पोहोचवित त्याच्या होकारापर्यंतचा प्रवास तरुणींना हक्काचा वाटू लागलाय. त्यामुळे ‘तिने प्रपोज केलं तर…?’ हा प्रश्न आता प्रेमाच्या होकारापर्यंत आणि त्या दोघांच्या सुखद आयुष्यातील पहिल्या कथेच्या प्रारंभापर्यंत येऊन ठेपत असल्याचे कट्ट्यावर रंगणाऱ्या गप्पांतून स्पष्ट होत आहे.
तरूणी हळव्या असतात, प्रेम व्यक्त करायला धजावत नाही, असं म्हणणे आता अयोग्य ठरतेय. धीट झालेल्या तरूणी मनमोकळ्यापणाने प्रेम व्यक्त करण्यासाठी पुढे येत आहेत. कारण, कट्ट्यावर त्याला तिच्याकडून प्रपोज केले जातेय. अभिव्यक्त होण्याची पध्दत आम्हालाही जमते, मग त्यानेच का प्रेमासाठी पुढाकार घ्यावा, असं म्हणत प्रेमाच्या कहाणीची सुरुवात तरुणींकडूनही होऊ लागली आहे.
प्रत्येक प्रेम कथेत ‘त्यानेच मला प्रपोज केलं’, असं हमखास असते. पण, आता स्पष्ट आणि ठाम भूमिका घेणाऱ्या तरुणाईने ही कहाणी बदलवायची, असं ठरवल्याचे कॅम्पसमध्ये स्पष्ट जाणवत आहे. त्याने तिला प्रपोज करावं आणि तिच्या होकाराची वाट बघत बसावं, ही प्रेम कहाणी नेहमीची झाली आहे. पण, तिने त्याला प्रपोज करावं आणि त्यानेही विचार करण्यासाठी वेळ मागावा, यात प्रेमाची नवी कथा आता जन्म घेऊ लागलीय. अभिव्यक्ती स्वातंत्र्यानुसार आम्हाला व्यक्त होण्याचा पूर्ण अधिकार आहे, असं वारंवार म्हणणारी तरुणाई आता प्रेमाच्या भावना व्यक्त करण्यासाठी बोल्ड झालीय.
फक्त मुलंच मुलींना प्रपोज करतात, असा समज त्यामुळे आता फुसला जाऊ लागलाय. ‘कसला भारी ए गं तो, ‘क्रश’ म्हणून कित्येक दिवस जिंदगी रेटायची. त्यापेक्षा प्रपोज करते त्याला… जे होईल ते होईल’, असं म्हणत तरुणी देखील प्रेमाच्या विश्वात भावनांना वाट मोकळी करत आहेत. पहिल्यांदा त्यानेच प्रपोज करावं, हे काही आजच्या तरुणींना मान्य नाही. त्यामुळे नव्या प्रेम कथा ‘तिने मला मागणी घातली’, या वाक्याच्या नक्कीच असतील यात काहीच शंका नाही. कट्ट्यावर तिच्याकडे पाहत होणारी शेरेबाजी आता, त्याच्याकडे पाहतही केली जातेय. मित्राच्या गर्लफ्रेंडची ‘वहिनी’ आवाज देऊन कॉलेजात खेचायची मक्तेदारी फक्त मुलांनीच घेतलीय, असं नाही. तर, ‘ओ भावोजी’, ‘आला बघ तुझा हिरो’, असं म्हणत ग्रुपमध्ये मैत्रिणीच्या बॉयफ्रेंडची खेचली जातेय. जेव्हा कट्ट्यावर ‘ती बघ रे आली, घे आजच विचारुन भावा… नंतर उशीर होईल’, असा हमखास टोला मित्रांकडून त्याला लगावण्यात यायचा. तेव्हा तो लागलीच तिला प्रपोज करण्यासाठी पुढाकार घ्यायचा. प्रेमाच्या या गमतीजमती आता तरुणींमध्येही बघायला मिळत आहेत. ‘प्यार किया तो डरना क्या’ म्हणत त्याला प्रपोज केले जात आहे. ‘नेहमी त्यानेच का विचारावं? आपल्या मनात त्याच्याबद्दल प्रेम आहे, हे त्याला समजण्यासाठी आपण व्यक्त व्हायला’, हा विचार तरुणी करु लागल्यात. याला परिवर्तन किंवा बदलता काळ असं, म्हणण योग्य नाही. पण, प्रेम म्हणजे फक्त तरूणांनी व्यक्त करायचं, हे आजच्या पिढीला मान्य नाही.
हॅपी प्रॉमिस डे २०२०: 'या' वचनांची करा पूर्तता
तरूणींच्या मनातल्या प्रेम भावना त्या व्यक्त करु शकतात. ज्या प्रमाणे तरूणांना नकार पचवावा लागतो. अगदी त्याचप्रमाणे ही क्षमता आमच्यातही असून शकते, असे स्पष्ट मत तरुणी व्यक्त करतात. जेव्हा आयुष्य प्रेमाच्या वळणावर येते. तेव्हा मनात काही वेगळ्याच लहरी उठतात. अर्थात, प्रत्येकाच्या मनात त्या लहरी कमी जास्त प्रमाणात असतात. पण, असतात मात्र खऱ्या. या हेतूने तरूणी देखील आपल्या मनातल्या ‘क्रश’ला प्रपोज करायला काही हरकत नाही, असं स्पष्ट मत मांडत आहेत. तरूणींना व्यक्त होणं जमत नाही. त्यांना मत मांडता येत नाहीत. त्यांनी प्रपोज केलं तर, ती अशीच आहे. तिने प्रपोज केलं म्हणजे ती गैर, ही विचारपध्दती कित्येक दिवस टिकवून ठेवायची. प्रेम हे दोघांचं असतं. मैत्रीच्या पल्याड प्रेम वाटणं स्वाभाविक आहे. मग, त्यासाठी तो विचारेल तोपर्यंत थांबू. मी प्रपोज केलं तर, इतर काय म्हणतील, हा विचार करण्याची काहीही गरज नाही. आमचे मत मांडण्यासाठी आम्ही ठाम आहोत, असं तरूणी सांगतात. प्रेम व्यक्त करण्यासाठी काही कलात्मक मार्गांचा वापर केला जाऊ शकतो. जसं, त्याने प्रपोज केलं अन् तिने होकार दिल्यावर ती त्याच्यावर हक्क गाजवते. अगदी त्याचप्रमाणे आपणही प्रेम व्यक्त केल्यास काहीही बिघडत नाही, ही ठोस भूमिका तरुणी मांडत आहेत. यामुळे तरुणाईच्या भावविश्वातल्या प्रेम व्यक्त करण्याच्या पध्दतीत जरी बदल झाला असला तरी, त्यातील प्रेम भावना आणि शाश्वती तितकीच खरी असल्याचे प्रकर्षाने जाणवते.
फोटो: ...म्हणून साजरा करतात 'प्रॉमिस डे'
नजरेतून प्रेम व्यक्त करत थेट आपल्या भावना त्याच्यापर्यंत पोहोचवित त्याच्या होकारापर्यंतचा प्रवास तरुणींना हक्काचा वाटू लागलाय. त्यामुळे ‘तिने प्रपोज केलं तर…?’ हा प्रश्न आता प्रेमाच्या होकारापर्यंत आणि त्या दोघांच्या सुखद आयुष्यातील पहिल्या कथेच्या प्रारंभापर्यंत येऊन ठेपत असल्याचे कट्ट्यावर रंगणाऱ्या गप्पांतून स्पष्ट होत आहे.