पण ब्रेकअप किंवा घटस्फोटानंतर सारं काही संपलं हा विचार करुन दु:खी जीवन जगणं म्हणजे अत्यंत चुकीचं आहे. कारण आयुष्य आपलं आहे आणि त्यात आपल्याला हवं तेव्हा हवा तो रंग भरुन रंगीबेरंगी करणं हे देखील आपल्याच हातात असते. पण हे निरस जीवन एखाद्या फुलपाखराप्रमाणे रंगीबेरंगी करण्यासाठी आम्ही सांगितलेल्या या ५ टिप्स तुमच्या नक्की कामी येतील. आवर्जुन या टिप्स ट्राय करा आणि आयुष्याची एक नवीन सुरुवात करा.
स्वत:कडे लक्ष द्या
सगळ्यात आधी स्वत:कडे प्रकर्षाने लक्ष देणं सुरु करा. ब्रेकअप झाल्यानंतर बरेचजण आपल्या दिसण्यापासून खाण्यापिण्याच्या आवडीनिवडीवर लक्ष देणं बंद करतात. पण असं करणं त्यांना अधिकच डिप्रेशनमध्ये टाकून आत्मविश्वास गमावण्यास देखील प्रवृत्त करु शकतं. ब्रेकअप किंवा घटस्फोटासारख्या संकटासमयी माणून स्वत:ला तेव्हाच सावरु शकतो जेव्हा तो पहिल्यापेक्षाही अधिक स्वत:वर प्रेम करु लागतो आणि स्वत:ला परिपूर्ण बनवण्यासाठी वेळ व्यतीत करतो. ही त्यांच्या आयुष्यात आनंद येण्याची जणू पहिली पायरीच ठरते.
(वाचा :- लहान वयात प्रेमात पडलाय? मग 'या' गोष्टी लक्षात ठेवा!)
करियरला प्राथमिकता द्या
आपल्या स्वत:सोबतच करियरवर लक्ष देणं सुरु करा. काम किंवा एखाद्या गोष्टीत स्वत:ला गुंतवून घेणं ही अशी गोष्ट आहे जी माणसाला अनेक नकारात्मक विचारांपासून दूर ठेऊ शकते. सहाजिक आहे इतकं प्रेम केलेल्या व्यक्तीला विसरणं सोपं नाही पण हो मन लावून काम केल्याने तुमचं मनही रमेल, सकारात्मक विचार मनी येतील आणि सोबतच कामातही प्रगती करता येईल. तसेच यामुळे तुमच्या करियरला उभारी येण्यासोबतच आत्मविश्वासात कमालीची वाढ होईल.
(वाचा :- सुखी संसारात अडचणी आणणा-या ‘या’ ५ गोष्टी करणं आवर्जुन टाळा!)
छंद जोपासा
बहुतांश वेळा प्रेमात पडलेल्या जोडप्यांना आपल्या स्वत:च्या आवडीनिवडीसाठी आणि छंद जोपासण्यासाठी वेळच मिळत नाही. कारण त्यांचं पूर्ण लक्ष हे नातं टिकवण्यासाठी नवनवीन गोष्टी करण्यावर असतं. पण वेगळं झाल्यावर अगदी लगेच नव्हे पण हळू हळू पुन्हा एकदा छंद जोपासण्याकडे लक्ष द्या. छंद ती गोष्ट असते जी प्रत्येक व्यक्तीच्या हदयाजवळची गोष्ट असते. त्यामुळे तिच्यातून मिळणारं समाधानही असामान्यच असतं. यामुळे या गोष्टीत स्वत:ला व्यस्त ठेवण्याने तुम्हाला पूर्ण नाही पण थोडाफार आनंद नक्कीच मिळेल.
(वाचा :- डेट करण्यापूर्वी करीनाने सैफमध्ये पाहिल्या ‘या’ गोष्टी, ज्या प्रत्येक मुलगी एका मुलात शोधते)
नवीन गोष्टी शिका
आयुष्याची पुन्हा नव्याने सुरुवात करताना कोणत्या नवीन गोष्टी का बरं शिकू नयेत? असं काहीतरी करा जे तुमचं स्वप्न होतं पण प्रेम, करियर यामधून त्या गोष्टीसाठी कधी वेळ मिळालाच नाही. यामध्ये पाककला, हस्तकला, चित्रकला, सोलो ट्रिप, अॅडव्हेंचर ट्रिपसारख्या गोष्टी असू शकतात. या नवीन गोष्टी तुमच्या रिकाम्या वेळाला भरुन काढतील आणि नकारात्मक विचारांपासून तुम्हाला दूर ठेवतील.
(वाचा :- कामात व्यस्त असतानाही महेंद्रसिंह धोनी लेकीसाठी आवर्जुन काढतो वेळ, तुम्हीही ट्राय करा या टिप्स!)
पुन्हा नव्याने प्रेमात पडायला घाबरु नका
ब्रेकअप किंवा घटस्फोटचं कारण काहीही असो पण याचा अर्थ असा मुळीच नाही की तुम्ही प्रेमावरुन विश्वासच गमावून बसावं. तुम्ही जोपर्यंत असा विचार करत नाही की पहिला आयुष्यात असणारा व्यक्ती हा माझ्यासाठी बनलेलाच नव्हता आणि आता कोणीतरी मिस/मिस्टर परफेक्ट माझ्यासाठी वाट बघतोय तोवर तुम्ही पुन्हा नव्याने प्रेमात पडूच शकणार नाही. जर तुमचा प्रेमावरुनच विश्वास उडाला तर एखादा चांगला व्यक्ती तुमच्या आजूबाजुला असूनही तुम्ही त्याला शोधून स्विकारुच शकणार नाही. त्यामुळे स्वत:ला स्वतंत्र, खुश आणि मुक्त सोडून एका नव्या शोधात आयुष्याला नवं वळण द्या.
(वाचा :- घरात तरुण दिर असल्यास स्त्रियांनी घ्यायला हवी ‘ही’ काळजी!)