पण ब्रेकअपनंतर त्या दुःखातून बाहेर पडणे फार कठीण होऊन बसते.लोकांना अचानक हार्टब्रेक झाल्यानंतर काहीजण एकटे राहण पसंत करतात, शांत राहणे, मित्र आणि कुटुंबापासून दूर जाणे, हे सर्व ब्रेकअप नंतर दुष्परिणाम होऊ शकतात. यावेळी तुम्ही या काही टिप्स फॉलो करू शकता.
(फोटो सौजन्य : टाईम्स ऑफ इंडिया)
ब्रेकअपनंतर जोडीदाराच्या सोबत राहू नका
जोडीदारासोबत ब्रेकअप करण्याचा निर्णय तुमचा असला तरी ब्रेकअपनंतर तुम्हाला खूप त्रास सहन करावा लागू शकतो. तुटलेल्या नात्याच्या वेदनेतून बाहेर पडण्यासाठी सर्वप्रथम तुम्हाला ते तुमच्या आयुष्यातून पूर्णपणे बाहेर काढावे लागेल. त्यांना सोशल मीडियावर स्टॉक करू नका. तुमचे मन शांत ठेवा आणि आयुष्यात पुढे जा.
स्वतःला व्यस्त ठेवा
जोडीदारासोबत ब्रेकअप झाल्यानंतर एकटेपणा जाणवू लागतो. त्यांच्यासोबतच्या नात्यात घडलेल्या चांगल्या-वाईट गोष्टी लक्षात ठेवतात. अशा परिस्थितीत तुमची पोकळी भरून काढण्यासाठी तुम्ही व्यस्त राहणे फार महत्वाचे आहे. अभ्यास, नोकरी, पुस्तके वाचणे आणि इतर कामांतून तुम्ही स्वतःला व्यस्त ठेवू शकता.
कुटुंब आणि मित्रांसाठी वेळ काढा
तुमच्या जोडीदारासोबत ब्रेकअप झाल्यानंतर हे नक्की लक्षात ठेवा की तुमची फॅमिली तुमच्या सोबत आहे. तुम्ही तुमच्या कुटुंब आणि मित्रांसोबत फिरायला जाऊ शकता किंवा त्यांच्याशी बसून बोलू शकता. त्यांच्या सोबत वेळ घालवा यामुळे तुम्हाला बरं वाटेल.
भान गमावू नका
जोडीदाराशी ब्रेकअप झाल्यानंतर अनेकदा लोक स्वतःला सांभाळू शकत नाहीत आणि रात्रंदिवस त्याच्या आठवणीत हरवून जातात. अशा स्थितीत लोक चुकीच्या गोष्टींकडे आकर्षित होऊ लागतात आणि काही वेळा त्रास कमी करण्यासाठी दारू, सिगारेट, ड्रग्ज यांसारखे पदार्थ सेवन करू लागतात, पण दुखात भान गमावू नका आणि चुकीच्या गोष्टी करु नका.