मर्यादेत राहणं
वहिनी आणि दिराच्या नात्याचा पाया आणि सर्वाच महत्वाची गोष्ट असते ती म्हणजे नात्याला काही मर्यादा घालून घेणं. जसं की सासूसोबत बोलताना, सासू समोर असताना वागताना काही गोष्टींचे तारतम्य बाळगावे लागते अगदी तसंच दिरासोबत बोलताना देखील काही गोष्टींचे भान ठेवणे अत्यंत गरजेचे असते. यामुळे नात्यातील सीमा आणि मर्यादा दोघांनाही आधीच माहिती असतात आणि सोबतच त्या नात्यात एकमेकांविषयी आपोआप आदर येतो. यामुळे नात्यात अशी कोणती घटना किंवा प्रसंग घडत नाही ज्यामुळे आयुष्यात दोघांनाही तणावातून जावं लागेल.
जास्त हस्तक्षेप करु नये
वहिनी आणि दिराचं नातं कितीही स्वातंत्र्याचं किंवा मैत्रीपूर्ण असो पण याचा अर्थ असा मुळीच नसतो की दोघांना एकमेकांच्या वैयक्तिक आयुष्यात हस्तक्षेप करण्याचे अधिकार मिळालेत. दोघांचंही वैयक्तिक आयुष्य असतं आणि त्यातील प्रत्येक गोष्टींचे निर्णय घेणे हे फक्त आणि फक्त त्या व्यक्तीच्या हातात असतं किंबहुना त्याच्या आयुष्याचे चांगले-वाईच निर्णय त्यानेच घ्यावा. जोपर्यंत समोरची व्यक्ती आपला सल्ला मागत नाही तोपर्यंत आपण स्वत:हून हस्तक्षेप करणं कायमचं चुकीचं असतं. तसंच तुमच्या वैवाहीक आयुष्यातही दिराला सामील करु नका कारण यामुळे गैरसमज वाढू शकतात.
(वाचा :- नव्याने प्रेमात पडणाऱ्यांनी चुकूनही करू नयेत ‘या’ चुका!)
पती आणि दिराच्या मध्ये येऊ नये
नव-याच्या आणि दिराच्या संभाषणामध्ये येण्याचा प्रयत्न करु नये. समजा जर तुमच्या नवरा आणि दिरामध्ये काही वाद झालेत तर तुम्ही चुकूनही भांडणांमध्ये पडू नका. त्यांची भांडणं त्यांनाच समंजसपणे सोडवू द्यात. हे विसरु नका.. ते दोघे भाऊ आहेत आणि ते बालपणापासून एकत्र राहत आले आहेत, ते एकमेकांना चांगले ओळखतात. त्यामुळे त्यांच्यामध्ये अशी छोटीमोठी भांडणं होणं अगदी साधारण आहे. अशावेळी तुम्ही मध्ये पडून जर भांडणं सोडवण्यासाठी कोणा एकाची बाजू घेतली तर दुसरा व्यक्ती नाराज होईल आणि एका दिवसात संपणारी भांडणे आणखीनच वाढत जातील.
(वाचा :- बॉसला खुश ठेवायचंय? ट्राय करा ‘या’ साध्यासोप्या टिप्स!)
गुपित ठेऊ नका
ब-याचदा मैत्रीत गुपितं असतात पण वहिनी आणि दिराच्या नात्यात गुपितं ठेवणं भारी पडू शकतं. म्हणजे जरी तुम्हा दोघांचे मैत्रीचे नाते आहे आणि दिराने कोणते गुपित नव-यापासून लपवण्यास सांगितले तर असं मुळीच करु नका. हे लपवा-छपवी करण्यापासून दिराला सरळ नकार द्या. दिराशी संबंधित कोणतीच गोष्ट निदान नव-यापासून तरी लपवू नका. कारण भविष्यात त्यावरुन कोणता वाद झाला तर परिस्थिती सावरण्यासाठी नवरा तुमची मदत करू शकेल.
(वाचा :- लॉकडाऊनमध्ये झालंय ब्रेकअप? आपलं प्रेम पुन्हा मिळवण्यासाठी ट्राय करा या टिप्स !)
आर्थिक व्यवहारासंबंधित
जर तुमचा दिर अगदी तरुण आहे आणि त्याला पैशांची गरज आहे, नव-याने आणि सासूने पैसे देण्यास नकार दिला आहे, त्याला घरातील कोणाकडूनही पैसे मागायचे नाहीयेत आणि तो तुमच्याकडे पैसे मागतो आहे तर अशावेळी व्यव्हारीक दृष्टीकोन बाळगा. एकदा तुम्ही पैसे दिल्यास तो सतत तुमच्याकडे येऊ शकतो आणि दरवेळी नव-यापासून लपवून पैसे देणं तुमच्यासाठी भारी पडू शकतं. पैसे ही अशी गोष्ट आहे ज्यामुळे नात्यातील दरी वाढू शकते. त्यामुळे हेच जास्त चांगलं आहे की पैशांशी निगडीत निर्णय अगदी विचारपूर्वक घ्यावेत.
(फोटो सौजन्य - युट्यूब व्हिडिओ)
(वाचा :- सासू शर्मिला टागोरला कशी खूश ठेवते करीना कपूर? जाणून घ्या फायदेशीर टिप्स!)