तो मनाने खूप शांत आणि प्रसिद्धी पासून शक्य तितका दूर राहणारा आहे. त्याची बायको कोण आहे हे सुद्धा सामान्यत: कोणाला माहित नाही इतकं त्याने स्वत:ला माध्यमांपासून दूर ठेवलं आहे. आज आम्ही तुम्हाला सोनू सुदची लव्ह स्टोरी सांगणार आहोत. मुख्य म्हणजे या लव्ह स्टोरी मधून आपल्याला खूप काही शिकण्यासारखं आहे.
सोनू सूद व सोनालीचं प्रेम
सोनू सूदच्या बायकोचे नाव सोनाली आहे आणि दोघांचे लव्ह मॅरेज आहे. पण मुख्य गोष्ट म्हणजे त्यांचे प्रेम हे कॉलेज पासूनचे आहे आणि दोघांनी ते लग्नापर्यंत आणून दाखवले. सोनू तेव्हा इंजिनियरिंग करत होता आणि सोनाली एमबीएला होती. नागपूर मध्ये दोघांची भेट झाली. दोघांचे विचार जुळले, त्यातून मैत्री झाली आणि या मैत्रीने पुढे प्रेमाचे रूप घेतले. तेव्हाचा काळ सोनूसाठी कठीण होता. पुढे अभिनेता म्हणून सेट व्हायला सुद्धा त्याला मेहनत घ्यावी लागली. पण याचा कुठेही त्याने आपल्या लव्ह लाईफवर परिणाम होऊ दिला नाही आणि कॉलेजमधले प्रेम त्याने यशस्वी करून दाखवले.
(वाचा :- आयुष्यात कधीच करु नका ‘या’ प्रकारच्या मित्रांना जवळ, कधीही करतील विश्वासघात!)
स्ट्रगल आणि बायकोची साथ
सोनूने जेव्हा इंजिनीअरिंग मधलं करियर सोडून अभिनेता व्हायचं ठरवलं तेव्हा सोनालीने त्या निर्णयाला विरोध केला. पण त्याचा दृढ निश्चय पाहून शेवटी तिने सुद्धा त्याला साथ द्यायला सुरुवात केली. सोनूचा कोणी गॉडफादर नसल्याने साहजिक त्याला खूप स्ट्रगल करावे लागले. मुंबईत भाड्याने घर घेऊन दोघांचा संसार सुरु होता. सोनालीचा जरी सोनूच्या फिल्म करियर मध्ये यशस्वी होण्यावर विश्वास नसला तरी तिने कधीच आपल्याला त्रास होतो आहे अशी तक्रार केली नाही. तिने त्याची शेवटपर्यंत साथ दिली आणि सोनूने सुद्धा स्वत:ला सिद्ध करून दाखवले.
(वाचा :- ही दोस्ती तुटायची नाय! सलमान व शाहरुख खानच्या भांडण ते पॅचअप पर्यंतची संपूर्ण कहाणी)
नेहमी बायकोची प्रशंसा करणे
कोणतीही मुलाखत असो व कार्यक्रम असो, त्यात जर त्याला त्याच्या पत्नीबद्दल विचारले तर तो नेहमी तिची मनमोकळेपणाने प्रशंसा करतो. आपल्या कठीण काळात तिने कशी साथ दिली, कसे दिवस काढले याबद्दल तो सगळं काही शेअर करतो. आज आपण जिथे आहोत त्याचे अर्धे श्रेय तो तिला देतो. आपण जवळ नसताना तिने कसा एकटीने संसार पुढे नेला आणि स्वत:च करियर सांभाळून मला सुद्धा कसं सांभाळलं या सर्व गोष्टी तो उघडपणे सांगतो. यातूनच त्याचे आपल्या बायकोवर किती प्रेम आहे हे दिसून येते.
(वाचा :- आजची तरुण पिढी मंदिरात वा कोर्टात लग्न करण्याचा पर्याय का निवडते आहे?)
करियर सोबत कुटुंबाला सुद्धा वेळ
सोनू अशा क्षेत्रात आहे जिथे कोणताही प्रसिद्ध अभिनेता इतका बिझी असतो की त्याला आपल्या घरच्यांकडे लक्ष द्यायला वेळ मिळत नाही. त्याचा पूर्ण वेळ आपले करियर वाढवण्यात आणि शुटींगच्या निमित्ताने घराबाहेर जातो. सोनूने मात्र हा पायंडा बदलला आहे. सोनालीला त्याने वचन दिले होते की माझ्या या करियरचा आपल्या कुटुंबावर परिणाम होणार नाही. ते वचन तो आजही पाळतो हे हे विशेष! घरच्यांसोबत शक्य तितका वेळ घालवणे, मुलांना वेळ देणे, सणा समारंभाला घरी असणे या गोष्टी तो कटाक्षाने पाळतो.
(वाचा :- कधी काळी अनुष्का शर्माला लग्नच करायचे नव्हते, का मुली लग्नापासून दूर पळतात?)
एकनिष्ठता
हा गुण प्रत्येक पुरुषामध्ये असायलाच हवा. सोनूने आजवर कधीच आपल्या बायकोच्या प्रेमाशी प्रतारणा केलेली नाही. न अशा कोणत्या प्रकारणात त्याचे नाव पुढे आले. या क्षेत्रात आपण आजवर अनेक मोठे दिग्गज अभिनेते अशा गोष्टींमध्ये फसल्याचे ऐकले आहे. कित्येकांचे यांमुळे संसार उजाड झाले. पण सोनू याला अपवाद आहे. कॉलेज मधला सोनालीवर प्रेम करणारा सोनू आणि आजचा एक मोठा बॉलीवूड अभिनेता असणारा सोनू दोघे एकच आहेत. सोनूची हि पूर्ण लाईफ स्टोरी आपल्याला हे सांगते की कितीही मोठे झालात तरी आपल्या माणसांना विसरू नका.
(वाचा :- होणारं सासर किती सुरक्षित आहे हे प्रत्येक मुलीने तपासायला हवे, का केलं मीरा राजपूतने असं वक्तव्य?)