माझी कहाणी : माझे आई-बाबा मला कोणत्याच मुलाकडे साधं बघूही देत नाहीत, याचे कारण खूपच भीतीदायक व अस्वस्थ करणारे आहे..!

माझे वय 17 वर्षे आहे. मी सध्या 12 वीला असून अभ्यासात मी खूप हुशार आहे. मला माहित आहे की हे वय शिक्षणात लक्ष देण्याचे आहे. पण म्हणतात ना प्रेम काही विचार करून होत नाही. तसेच काहीसे माझे झाले. मी एका मुलाच्या प्रेमात पडले आहे पण तो माझ्यापेक्षा काही वर्षे मोठा आहे. गेली 3 वर्षे आम्ही नात्यात आहोत पण तो माझ्यावर खूप प्रेम करतो. दुसरी गोष्ट अशी की तो अभ्यासात जास्त हुशार नाही. तो जास्त काही कमवत देखील नाही. पण त्याचे म्हणणे आहे की आपले भविष्य सुरक्षित असेल.

माझा सुद्धा त्याच्यावर विश्वास आहे आणि त्याचे माझ्यावर खरे प्रेम देखील आहे असे मला वाटते. मी घरी सध्यातरी ही गोष्ट सांगू शकत नाही. घरच्यांची इच्छा आहे की मी IAS व्हावे आणि त्यांची इच्छा पूर्ण करण्यासाठी मी मनापासून मेहनत देखील घेत आहे. पण समस्या ही आहे की ते कदाचित माझे आणि त्याचे नाते स्वीकारणार नाही. कारण माझे लग्न एका हुशार IAS अधिकाऱ्याशीच लावून देणार असा चंग त्यांनी बांधला आहे.