- कल्पना राणे
घराची खरी गरज मनालाच अधिक असते. म्हणूनच तर म्हणतात की मन प्रसन्न तर घर प्रसन्न आणि ही प्रसन्नता आणते घराची अंतर्गत सजावट. घर आणि कामाच्या ठिकाणी असलेली सजावट आपलं अंतर्मन तसंच आपल्या व्यक्तिमत्वाची ओळख करून देतं. घरासोबत व्यक्तिमत्व खुलवणारा तज्ज्ञ म्हणजे इंटिरिअर डिझायनर. आजची वुमन अचिव्हर आहे पूनम सांडू, इंटिरिअर डिझायनर.
लहानपणापासून पूनमला एकंदरीत जागेच्या आंतरिक रचनेत खूप स्वारस्य होतं. एखादी वस्तू विशिष्ट ठिकाणी ठेवली तर ती अजून छान दिसेल असं तिला वाटायचं. विशेषतः पाहुणे येण्याच्या दिवशी अंतर्गत रचनेत बदल करून ते अधिक सुंदर बनवण्यात तिला आनंद मिळायचा. फुलांची रचना, फर्निचरसारख्या छोट्या गोष्टींची जागा बदलून किंवा त्यात भर घालून सजावट देखणी करण्यावर तिचा भर असायचा. घर सजवण्याच्या आनंदानेच तिला करिअरची दिशा दाखवली आणि तिने गरोडिया कॉलेजमधून इंटिरिअर डिझायनिंग केलं.
ती सांगते की तिला सजावटीची स्वप्नं पडायची. स्वप्नातल्या घरांना ती सजवायची. तुमची स्वप्नं तुम्हाला करिअरची दिशा दाखवतात, ते अगदी खरं ठरलं. ‘घर’ या शब्दाने तिच्या मनात घर केलं. म्हणूनच तिच्याकडे येणाऱ्या क्लायण्ट्सच्या गुणांचं प्रतिबिंब त्यांच्या घरावर उमटवण्यात ती यशस्वी झाली.
पती धनंजय सांडू बांधकाम व्यवसायात असल्याने तिला घरातून खूप प्रोत्साहन मिळालं. प्रथम शो फ्लॅट्सने सुरुवात झाली. शो फ्लॅट्स म्हणजे विक्रीपूर्वी ग्राहकांना दाखवले जाणारे सुसज्ज फ्लॅट. त्या फ्लॅट्सच्या कामात तिने विशेष प्रावीण्य मिळवलं. क्लायण्टचं व्यक्तिमत्व, संस्कृती आणि त्यांच्या आवडीनिवडीला प्राधान्य देऊन सजावट करण्याची हातोटी पाहता घरांसोबत कॉर्पोरेट ऑफिसेस, डॉक्टरांची क्लिनिक्स, वेगवेगळ्या क्षेत्रातले व्यावसायिक… अशी यादी वाढत गेली आणि पूनम सांडू इंटिरिअर स्पेसेस नावाच्या कंपनीचा जन्म झाला आहे.
ती म्हणते, इंटिरिअर डिझायनिंगमध्ये बऱ्याच आव्हानांना तोंड द्यावं लागतं. मटेरियल सिलेक्शनपासून साइटवरचे कामगार, चांगल्या दर्जाच्या वस्तू, क्लाएण्टच्या अपेक्षा, गरजा, आवडीनिवडी, छंद, वैचारिक क्षमता, सामाजिक स्थान, व्यावसायिक संबंध, कौटुंबिक आकार, शैक्षणिक पात्रता आणि आर्थिक कुवत या सगळ्या बाबींचा विचार करून बाह्य तसंच अंतर्गत रचना आणि सजावट ठरवली जाते. प्रत्येकाचा धर्म, संस्कृती आणि परंपरा ध्यानात घेऊन सजावटीचे प्लॅन्स आखावे लागतात. प्रत्येक बारकाव्यानिशी थ्रीडी-वॉक थ्रू, ज्यात प्रत्यक्ष घरात जाण्याआधी ते कसं दिसेल याचा फिल दिला जातो. हव्या असलेल्या बदलांचा समावेश करणं मग सोपं जातं. या क्षेत्रात ग्राहकांचं समाधान मिळवणं म्हणजे अॅवॉर्ड मिळवण्यासारखं असतं. तिची कामाबद्दलची पॅशन खूप काही सांगते.
फॅशन डिझायनर सांगते
“फ्रेंच शिफॉन लेस लावलेली कोटा डोरिया साडी ज्यात सोनेरी धागे विणलेले आहे. मोठ्या बॉर्डरच्या सिल्क साडीसोबत कॉम्बिनेशन करून वेगळेपण साधलं आहे. हाताने विणलेल्या कोटा डोरिया साड्या खूप आरामदायक असतात आणि कोणत्याही समारंभात सुंदर दिसतात.”
- शायना एन.सी
फॅशन डिझायनरः शायना एन.सी, फॅशन फोटोग्राफरः शिरीष कारळे, ज्वेलरीः चिंतामणी ज्वेलर्स, प्रभादेवी, मेकअपः राजेश कुबल, हेअरः भक्ती भिडे
घराची खरी गरज मनालाच अधिक असते. म्हणूनच तर म्हणतात की मन प्रसन्न तर घर प्रसन्न आणि ही प्रसन्नता आणते घराची अंतर्गत सजावट. घर आणि कामाच्या ठिकाणी असलेली सजावट आपलं अंतर्मन तसंच आपल्या व्यक्तिमत्वाची ओळख करून देतं. घरासोबत व्यक्तिमत्व खुलवणारा तज्ज्ञ म्हणजे इंटिरिअर डिझायनर. आजची वुमन अचिव्हर आहे पूनम सांडू, इंटिरिअर डिझायनर.
लहानपणापासून पूनमला एकंदरीत जागेच्या आंतरिक रचनेत खूप स्वारस्य होतं. एखादी वस्तू विशिष्ट ठिकाणी ठेवली तर ती अजून छान दिसेल असं तिला वाटायचं. विशेषतः पाहुणे येण्याच्या दिवशी अंतर्गत रचनेत बदल करून ते अधिक सुंदर बनवण्यात तिला आनंद मिळायचा. फुलांची रचना, फर्निचरसारख्या छोट्या गोष्टींची जागा बदलून किंवा त्यात भर घालून सजावट देखणी करण्यावर तिचा भर असायचा. घर सजवण्याच्या आनंदानेच तिला करिअरची दिशा दाखवली आणि तिने गरोडिया कॉलेजमधून इंटिरिअर डिझायनिंग केलं.
ती सांगते की तिला सजावटीची स्वप्नं पडायची. स्वप्नातल्या घरांना ती सजवायची. तुमची स्वप्नं तुम्हाला करिअरची दिशा दाखवतात, ते अगदी खरं ठरलं. ‘घर’ या शब्दाने तिच्या मनात घर केलं. म्हणूनच तिच्याकडे येणाऱ्या क्लायण्ट्सच्या गुणांचं प्रतिबिंब त्यांच्या घरावर उमटवण्यात ती यशस्वी झाली.
पती धनंजय सांडू बांधकाम व्यवसायात असल्याने तिला घरातून खूप प्रोत्साहन मिळालं. प्रथम शो फ्लॅट्सने सुरुवात झाली. शो फ्लॅट्स म्हणजे विक्रीपूर्वी ग्राहकांना दाखवले जाणारे सुसज्ज फ्लॅट. त्या फ्लॅट्सच्या कामात तिने विशेष प्रावीण्य मिळवलं. क्लायण्टचं व्यक्तिमत्व, संस्कृती आणि त्यांच्या आवडीनिवडीला प्राधान्य देऊन सजावट करण्याची हातोटी पाहता घरांसोबत कॉर्पोरेट ऑफिसेस, डॉक्टरांची क्लिनिक्स, वेगवेगळ्या क्षेत्रातले व्यावसायिक… अशी यादी वाढत गेली आणि पूनम सांडू इंटिरिअर स्पेसेस नावाच्या कंपनीचा जन्म झाला आहे.
ती म्हणते, इंटिरिअर डिझायनिंगमध्ये बऱ्याच आव्हानांना तोंड द्यावं लागतं. मटेरियल सिलेक्शनपासून साइटवरचे कामगार, चांगल्या दर्जाच्या वस्तू, क्लाएण्टच्या अपेक्षा, गरजा, आवडीनिवडी, छंद, वैचारिक क्षमता, सामाजिक स्थान, व्यावसायिक संबंध, कौटुंबिक आकार, शैक्षणिक पात्रता आणि आर्थिक कुवत या सगळ्या बाबींचा विचार करून बाह्य तसंच अंतर्गत रचना आणि सजावट ठरवली जाते. प्रत्येकाचा धर्म, संस्कृती आणि परंपरा ध्यानात घेऊन सजावटीचे प्लॅन्स आखावे लागतात. प्रत्येक बारकाव्यानिशी थ्रीडी-वॉक थ्रू, ज्यात प्रत्यक्ष घरात जाण्याआधी ते कसं दिसेल याचा फिल दिला जातो. हव्या असलेल्या बदलांचा समावेश करणं मग सोपं जातं. या क्षेत्रात ग्राहकांचं समाधान मिळवणं म्हणजे अॅवॉर्ड मिळवण्यासारखं असतं. तिची कामाबद्दलची पॅशन खूप काही सांगते.
फॅशन डिझायनर सांगते
“फ्रेंच शिफॉन लेस लावलेली कोटा डोरिया साडी ज्यात सोनेरी धागे विणलेले आहे. मोठ्या बॉर्डरच्या सिल्क साडीसोबत कॉम्बिनेशन करून वेगळेपण साधलं आहे. हाताने विणलेल्या कोटा डोरिया साड्या खूप आरामदायक असतात आणि कोणत्याही समारंभात सुंदर दिसतात.”
- शायना एन.सी
फॅशन डिझायनरः शायना एन.सी, फॅशन फोटोग्राफरः शिरीष कारळे, ज्वेलरीः चिंतामणी ज्वेलर्स, प्रभादेवी, मेकअपः राजेश कुबल, हेअरः भक्ती भिडे