पण मंडळी तुमच्या सुद्धा मनात हा विचार येतच असेलच की खरंच असं एक्स सोबत मैत्री राखणे कितपत चांगलं आहे? आज या लेखामधून आपण याच प्रश्नाचे उत्तर शोधण्याचा प्रयत्न करुया आणि जाणून घेऊया की नाते तुटल्यावर सुद्धा एक्स सोबत मैत्री ठेवावी की नाही?
ही गोष्ट नेहमी लक्षात ठेवा
तुम्ही एक्स सोबत मैत्री राखण्यासाठी तयार झाला असलात तर एक गोष्ट सदैव लक्षात ठेवा. हवं असल्यास रोज उठल्यावर आरशासमोर उभे राहून स्वत:ला बजावा की ती किंवा तो आता फक्त एक्स आहे. अनेकदा असे होते की आपण आपले पहिले प्रेम विसरू शकत नाही. जर तुम्हाला ते कधीच विसरणे शक्य नसेल तर तुम्ही आपल्या एक्स सोबत मैत्री न ठेवलेलीच बरी! कारण जेव्हा जेव्हा ती किंवा तो तुमच्या समोर असेल तेव्हा एका मित्राच्या भूमिकेत तुम्ही स्वत:ला किती वेळ ठेवू शकाल याची शाश्वती नाही.
ऑन आणि ऑफ रिलेशनशिप
ऑन आणि ऑफ रिलेशनशिपचा अर्थ हा आहे की अनेक जण ब्रेकअप करतात. मग काही दिवस मित्र म्हणून राहतात मग पुन्हा रिलेशनशिप मध्ये येतात आणि आणि मग पुन्हा कोणत्या न कोणत्या कारणावरून त्यांच्यात ब्रेकअप होतं आणि मग पुन्हा मित्र बनतात. मग परत कधीतरी रिलेशनशिप मध्ये येण्यासाठी त्यांचं मन उड्या घेतं. सहसा असा प्रकार होत असेल तर एकदाचाच सोक्षमोक्ष लावून कायमचे दूर जाणे उत्तम! कारण ऑन आणि ऑफ रिलेशनशिपमुळे एकमेकांबद्दल द्वेष निर्माण होऊ शकतो आणि मैत्री करावी इतकाही रस दोघांना उरणार नाही. त्यामुळे पुन्हा प्रेमात पडणार नसाल तर एक्स सोबत मैत्री ठेवण्यास हरकत नाही.
(वाचा :- बॉलीवूडमधील ‘ही’ सावत्रं भाऊ-बहिण जी दाखवून देतात नाती रक्ताने नाही तर प्रेमाने घट्ट बनतात!)
खाजगी आयुष्यात रस
एक्स सोबत मैत्रीचे नाते सुरु ठेवलेत तर तिच्या वा त्याच्या वैयक्तिक आयुष्यापासून शक्य तितके दूर राहा. त्यात अजिबात ढवळाढवळ करू नका. कारण ते तुमच्या एक्सला सुद्धा आवडणार नाही. दुसरी गोष्ट म्हणजे तिच्या वा त्याच्या वैयक्तिक आयुष्याचा तुमच्या मनावर सुद्धा परिणाम होऊ शकतो. तिला व त्याला नवीन जोडीदार मिळाल्यास तुम्ही इमोशनल सुद्धा होऊ शकता. त्यामुळे तिच्या व त्याच्या वैयक्तिक आयुष्याकडे पूर्णपणे दुर्लक्ष करा आणि तुम्ही आपले जीवन जागा. असे जमणार असेल तरच एक्स सोबत मैत्री ठेवा.
(वाचा :- कुटुंबीयांनी प्रेमविवाहास विरोध केला तर नाराज नका होऊ, ट्राय करा 'या' टिप्स!)
नवीन जोडीदाराला आवडत नसेल तर
जर तुमचा एक्स किंवा तुमची एक्स नवीन रिलेशनशिप मध्ये गेली असेल आणि तिच्या वा त्याच्या नवीन जोडीदाराला तुम्ही तिच्या वा त्याच्या आयुष्यात असणे पसंत नसले तर अशावेळी तुम्ही मैत्री सुरु न ठेवणे उत्तम कारण यामुळे तुमच्या एक्सच्या आयुष्यावर वाईट परिणाम होऊ शकतो आणि त्याचा दोष तुम्हालाच लावला जाऊ शकतो. त्यामुळे असे आढळल्यास स्वत:च दूर जाण्यात भले आहे. जर समोरून तुम्हाला त्याच्या वा तिच्या जोडीदाराने सांगितले तरी त्याचा चुकीचा अर्थ न घेता समजुतदारपणे मैत्रीच्या नात्यामधूनही दूर व्हावे.
(वाचा :- चिडलेल्या मातोश्रींकडून ऐकीवात येणारे काही मजेशीर डायलॉग, तुम्हीही अनुभवलं असेलच!)
कुटुंबापासून गुपित
जर तुम्ही घरी तुमच्या रिलेशनशिपबद्दल सांगितले असेल आणि काही कारणामुळे ब्रेकअप झाले तर अशावेळी आपल्या एक्सशी मैत्री न ठेवणे चांगले. कारण तुमच्या घरचे त्याला वा तिला याबाबत विचारणा करू शकता किंवा तुम्ही नाते तुटण्याचे वेगळे कारण सांगितलेले असेल आणि बोलता बोलता त्याने वा तिने खरे कारण कोणापुढे कबूल केले तर तुम्ही गोत्यात येऊ शकता. त्यामुळे घरच्यांपासून एक्सला दूर ठेवण्याचा पर्यायाच अशावेळी उत्तम आहे. जर तुमची मैत्री सुरु राहिली तर भेटीगाठी होत राहतील आणि त्याचे कधी कधी विपरीत परिणाम सुद्धा होऊ शकतात.
(वाचा :- लग्नाचा विषय निघताच का होतं ब्रेकअप? जाणून घ्या करिश्मा तन्ना व पर्ल पुरीच्या नात्यावरून!)