तिने मला सांगितले की या स्त्रियांसोबत ती सेक्स लाईफवर चर्चा करते आणि म्हणून त्या स्त्रियांनी मला याबद्दल विचारणा केली. मला वाटले की माझ्या बायकोचे देखील अन्य पुरूषांशी शारीरिक संबंध आहेत आणि म्हणून यात तिला काही वावगे वाटत नाहीये. पण तिच्या वागणुकीतून मला तसे काहीच आढळून आले नाही आणि आता त्या स्त्रिया मला फोन वगैरे करून संबंध ठेवण्यासाठी जबरदस्ती करत आहेत. मला कळत नाहीये की माझी बायको अशी का वागते आहे?
जाणकारांचे मत काय?
या प्रश्नावर उत्तर देताना फोर्टिस हेल्थ केयर मध्ये मानसिक स्वास्थ्य काउंलसर एंड रिलेशनशिप एक्सपर्ट म्हणून काम पाहणाऱ्या कामना छिब्बर म्हणतात की प्रत्येक व्यक्तीचे सेक्स बद्दलचे विचार वेगवेगळे असू शकतात. कधी कधी आपल्याला जे चुकीचे वाटते ते समोरच्याला सुद्धा चुकीचे वाटलेच पाहिजे असे काहीच नाही. पण इतके स्वतंत्र विचार नात्यासाठी मात्र थोडे धोकादायक ठरू शकतात. तुमची बायको तुम्हाला खुलेआम इतर स्त्रियांसोबत संबंध ठेवण्यासाठी अप्रत्यक्ष परवानगी देत आहे. ही गोष्ट अत्यंत भयानक परिणाम घेऊन येऊ शकते. अशावेळी तुम्ही सर्वात आधी आपल्या बायकोशी बोलले पाहिजे आणि जाणून घेतले पाहिजे की तिला तुमच्याकडून नक्की काय हवे आहे.
(वाचा :- पुरूषांनो, ‘या’ 5 कारणांमुळे महिलांचा तुमच्यामधील इंटरेस्ट दिवसेंदिवस कमी होत जातो..! .)
आपल्या विचारांवर ठाम राहा
जर तुम्हाला खरंच अशा समस्यांपासून दूर राहायचे असेल तर आपल्या पत्नीशी मोकळेपणाने बोला. तिला समजवा की इतरांसोबत आपल्या सेक्स लाईफ बद्दल जास्त गोष्टी शेअर करणे योग्य नाही. शिवाय तुम्ही सुद्धा स्त्रियांपासून एक पाऊल दूरच राहा. तुम्ही त्या अन्य स्त्रियांना दाखवून द्या की बायको व्यतिरिक्त अन्य कोणत्याही स्त्री मध्ये तुम्हाला काडीचाही इंटरेस्ट नाही. जेव्हा तुम्ही या गोष्टीवर ठाम राहाल तेव्हा त्यांना सुद्धा जाणीव होईल की तुमच्यावर वेळ घालवणे व्यर्थ आहे आणि मग हळूहळू ही समस्या दूर होईल.
बायकोशी जवळीकता वाढवत राहा
तुमच्या बायकोला इतर स्त्रियांशी तुम्ही संबंध ठेवण्याने काहीच समस्या नसेल तर समजून जा की तिला काहीतरी गोष्ट खुपते आहे. अशावेळी ती गोष्ट शोधून काढा आणि तिला पटवून द्या की तुमच्यासाठी तीच सगळ्यात महत्त्वाची आहे. अन्य कोणत्याही स्त्री मध्ये तुम्हाला रस नाही. बहुतांश स्त्रिया आपला नवरा एकनिष्ठ असावा याच मताच्या असतात. तुम्ही तिच्या सोबत क्वालिटी टाईम स्पेंड करा. सेक्स लाईफ शिवाय लव्ह लाईफ वाढवण्यावर देखील भर द्या. यातूनच तिच्या मनात जर काही गैरसमज असतील तर ते नक्की दूर होतील.
(वाचा :- माझी कहाणी - बिकिनी घातलेल्या माझ्या नव-याला मी एका महिलेसोबत रंगेहाथ पकडले आणि मग पुढे..!)
अजून काही खास गोष्टी
काही जोडप्यांमध्ये थेट मतभेद असतात त्यामुळे आपला नवरा काय करतो याकडे स्त्रिया लक्ष देत नाही. यावर काय उपाय नवरे करू शकतात चला जाणून घेऊया. लग्नानंतर अनेक जोडप्यांमध्ये भांडणे होऊ लागतात. याचं कारण म्हणजे ते एकमेकांना जास्त वेळ देत नाहीत. जितका नात्याला वेळ मिळत जाईल तितकं ते नातं बहरत जातं. मात्र लग्नानंतर जबाबदाऱ्या वाढल्याने हा वेळ देणे शक्य होत नाही. जर बायको दिवसभर घरी असेल तर घरची असंख्य कामं करून कंटाळते, पुरुष बाहेर असल्याने त्याचा वेळही निघून जातो. अशावेळी बायकोला आशा असते की आपल्या जोडीदाराने आपल्याला वेळ द्यावा, प्रेमाचे दोन शब्द बोलावेत. जर ही अपेक्षा पूर्ण नाही झाली तर त्याचे वाईट पडसाद उमटायला वेळ लागत नाही.
(वाचा :- प्रेमात फसवणूक झालेल्या महिलांच्या त्या ५ गोष्टी, ज्या पुरुषांना माहीत असणे आवश्यक)
प्राधान्य देणे आणि प्रेम व्यक्त करणे
अनेक बायकांना असं वाटतं की त्यांचे नवरे त्यांना गृहीत धरतात. एक बायको म्हणून नवऱ्याच्या आयुष्यात खास स्थान आपल्याला नाही ही भावना त्यांच्या मनात जन्म घेऊ लागते. नवरा इतरांना जास्त प्राधान्य देतो व आपल्याला कमी प्राधान्य देतो ही भावना तिच्यावर मानसिक आघात करू शकते. त्यामुळे तिला शक्य तितका खास वेळ देणे आणि वेळोवेळी प्रेम व्यक्त करून आपल्यासाठी ती किती महत्त्वाची आहे हे सांगणे प्रत्येक नवऱ्याचे कर्तव्य आहे. तर मंडळी, या माणसासाठी तुमच्याकडे काही सल्ला असेल तर तो नक्की देऊ शकता, कृपया एखाद्याच्या भावनांची खिल्ली न उडवता याबाबत खरोखर काही मत असल्यास फक्त तेच मांडावे.
(वाचा :- माझी कहाणी: माझ्या कुटुंबाने मला व माझ्या मुलाला अनेक दिवस उपाशी ठेवले, कारण मी घटस्फोटित आहे)